تازه خبرونه
په پاکستان او نورو هېوادونو کې دې افغانان له چمتووالي پرته ایستلو ته نه اړ کیږي – اسلامي امارت
د افغانستان اسلامي امارت په داسې حال کې، چې له پاکستان څخه د ناقانونه کډوالو د ایستلو ضرب الاجل پای ته رسیږي د سې شنبې پر ورځ په یوه اعلامیه کې غوښتي، چې له چمتووالي پرته دې افغانان په زور نه شړي، بلکې وخت دې ورکړ شي او له زغمه دې کار واخلي.
اسلامي امارت له ټولو هغو هېوادونو د مننې تر څنګ، چې په تېرو څه باندې څلوېښت کلونو کې يې افغانانو ته په خپلو هېوادونو کې ځای ورکړی؛ وغوښتل: افغانان دې نه اړ کوي، چې له چمتووالي پرته پر زور وایستل شي. دوی ته دې وخت ورکړ شي او په دې اړه دې له زغمه کار واخلي.
دغه راز په اعلامیه کې راغلي: په کومو هېوادونو کې، چې افغانان میشت دي؛ د هغو هېوادونو امنیت ته يې ستونزه نهده رامنځته کړې او نه هم په بې ثباتیو کې لاس لري. له ګاونډ هېوادونو څخه غواړو، چې د اسلامي اخوت اصل ته پر پاملرنه له افغان مهاجرینو سره ښه چلند وکړي.
په دې اعلامیه کې دا هم څرګنده شوې: له کومو هېوادونو څخه، چې افغانان د اجباري اخراج په نتیجه کې بېرته خپل هېواد ته راستنیږي؛ د هغوی مالونه، پيسې او نور ملکیتونه يې شخصي مال او د دوی حق دی، هیڅوک دا حق نهلري، چې ورڅخه يې وګرزوي او یا په دې اړوند ناعادلانه او ناانصافه شرایط پرې وضع کړي.
د اعلامیې له مخې؛ هغه افغانان، چې د نورو حکومتونو د وروستیو مشکلاتو او د ځينو هېوادونو د دريځونو له کبله خپل هېواد ته پر ستنېدو اړ کیږي، باید ټول افغانان په ځانګړي توګه پانګوال او سوداګر وروڼه د مهاجرینو ستونزو ته د رسیدو له عالي کمیسیون سره پر همغږۍ د هغوی په رالېږدولو، ځای پر ځای کولو، سرپنا، درملنې او نورو اړوند برخو کې مرسته وکړي او هیر یې نهکړي.
دغه راز په ډاګه شوې، چې د اسلامي امارت له بشپړ حاکمیت وروسته په هېواد کې اسلامي نظام، سرتاسري امنیت، واحده رهبري او د افغانانو ترمنځ د ورورۍ فضا رامنځته شوې؛ د ټولو راستنیدونکیو مهاجرینو په اړه د اسلامي امارت مسوولینو ته سپارښتنه شوې، چې په ډېر اخلاص او پوره پاملرنه د خپلو مهاجرینو په خدمت کې هلې ځلې وکړي، چې د خپلو ځانګړیو امکاناتو په چوکات کې د را ستنیدونکیو مهاجرینو ښه خدمت وشي.
همدارنګه ټینګار شوی، چې د سوداګرۍ او صنعت وزارت او نور اړوند وزارتونه او ادارې دې راستنېدونکیو سوداګرو، پانګوالو او صنعتکارانو ته لازمې اسانتیاوې برابرې کړي.
اسلامي امارت هغو هېوادوالو ته، چې د سیاسي اندېښنو له کبله له هېواده وتلي د بېرته راستنېدو ډاډ ورکوي او څرګندوي، چې په خپل هېواد کې ډې د هوسا ژوندانه شرایط برابر کړي.
دا په داسې حال کې ده، چې اسلامي امارت د افغان مهاجرینو د ستونزو د حل لپاره یوه دولس کسیز کمیسیون جوړ کړی او په سرحدي سیمو کې یې خپلې چارې هم پیل کړې دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه