تازه خبرونه
کابل د سیمې هېوادونو د ځانګړو استازو د غونډې کوربه توب ته چمتووالی څرګند کړ
د بهرنیو چارو وزارت چارسمبالي امیر خان متقي او د افغانستان لپاره د ایران ځانګړي استازي حسن کاظمي قُمي په کابل کې د سیمې د هېوادونو د خاصو استازیو د غونډې د جوړېدو په اړه بحث او د نظر تبادله کړې ده.
د افغانستان د بهرنیو چارو وزارت د خبرپاڼې له مخې؛ په دې ناسته کې د افغانستان په اړه د سیمي د هېوادونو د ځانګړیو استازیو د ګډې غونډې د جوړېدو غوښتنه وشوه.
دغه راز د بهرنیو چارو وزارت په خبرپاڼه کې راغلي؛ امیر خان متقي د افغانستان او ایران د وروستیو اقتصادي دوه اړخیزو پرمختګونو، د ډیپلوماټیکو اړیکو پر پراخولو، په ایران کې د افغان مهاجرینو لپاره د قونسلي خدماتو پر تسهیل، د افغانستان-ایران د ګډ سرحد د خوندیتوب او ګڼو همکاریو په اړه بحث او خبرې کړې دي.
متقي ایراني پلاوي ته څرګنده کړې، چې په ایران کې د افغان مهاجرینو د حقوقي او قضايي ستونزو د جدي حل او په حقوقي او قضائي موضوعاتو کې د همکاريو لپاره به له ایران څخه یو با صلاحیته قضائي او حقوقي پلاوی کابل ته د ستري محکمې لخوا راوبلل شي.
حسن کاظمي قُمي د خپلو خبرو په پیل کې ایران ته د بهرنیو چارو وزارت د چارسمبالي او ورسره پلاوي له ورتګ او په دوه اړخیزو همکاریو کې د پرمختګ د یادونې تر څنګ پر سیمهییز اتصال، د چابهار بندر د فعالیت، د چین- افغانستان او ایران اقتصادي دهلیز او د ګډو اقتصادي همکاریو په اړه د ایران پر چمتوالي بحث وکړ.
ویل کیږي، چې قُمي د افغانستان اوسني مثبت وضعیت ته پر کتو د ملګرو ملتونو لخوا د افغانستان لپاره د ځانګړي استازي ټاکنه نامناسبه ګڼي او په اړه یې د افغان حکومت دریځ وستایه.
تازه خبرونه
یو شمېر هېوادونو په افغانستان کې پر مرګونو سیلابونو خواخوږي څرګنده کړه
په بغلان ولایت کې د سیلابونو له کبله، چې له ۳۰۰ ډېر کسان یې مړه کړي؛ پاکستان، ایران، قطر او متحده عربي اماراتو له افغانستان سره خپله خواخوږي څرګنده کړه.
د پاکستان بهرنیو چارو وزارت په یوه خبرپاڼه کې څرګنده کړې: د پاکستان حکومت او خلک د افغانستان په څو ولایتونو کې د سختو بارانونو او د ناڅاپه سیلابونو د راوتلو له کبله پر ځاني او مالي زیانونو د زړه له کومې خواشیني څرګندوي. پاکستان په دې سختو حالاتو کې د افغانستان له خلکو سره د پیوستون څرګندونه کوي.
د قطر بهرنیو چارو وزارت ویلي: د قطر دولت د دې هېواد په شمالي بغلان ولایت کې د سختو سیلابونو له کبله، چې خلکو ته یې مرګ، ژوبله او مالي زیاونو ړولي؛ له افغانستان سره خپل بشپړ پیوستون څرګندوي.
قطر له افغانستان او خلکو سره پخپلو مرستو ټینګار کړی او دې هېواد ته یې د اسانتیاوو برابرولو او همکارۍ بشپړ چمتووالی ښودلی دی.
د متحده عربي اماراتو بهرنیو چارو وزارت هم د افغانستان له خلکو او د قربانیانو له کورنیو سره خپله خواخوږي او خواشیني څرګنده کړې ده.
دغه راز په مزارشریف کې د ایران قونسلګرۍ ویلي: ایران د بغلان او تخار ولایتونو په ګډون د افغانستان په شمالي سیمو کې د وروستیو سیلابونو له کبله پر ځاني او مالي زیانونو خپله ژوره خواخوږي او خواشیني څرګندوي.
د ملګرو ملتونو عمومي منشي هم د افغانستان له خلکو سره خپل پیوستون څرګند کړ.
انټونیو ګوټرش ویلي؛ ملګري ملتونه او په افغانستان کې یې شریکان د حکومت له چارواکو سره همغږي دي، چې اړتیاوې چټکۍ وارزوي او بېړنۍ مرستې برابرې کړي.
دا په داسې حال کې ده، چې په قطر کې د اسلامي امارت د سیاسي دفتر مشر سهیل شاهین په هېواد کې له سیلاب ځپلیو کورنیو سره د مرستندویه بنسټونو او هېوادوالو د همکارۍ غوښتنه کړې ده.
تازه خبرونه
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.
لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.
د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.
د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.
دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.
د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.
ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.
تازه خبرونه
سعودي عربستان ته د افغان حاجیانو د لېږد بهیر پیل شو
د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.
د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.
نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.
دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.
عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.
له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.
ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.
-
تازه خبرونه4 days ago
د پاکستان خاوره د افغانستان پر ضد کارول کیږي
-
نړۍ4 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
د سې شنبې پر ورځ خراسان او سرخ پوشان لوبډلو لوبه وګټله
-
تازه خبرونه4 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
سوداگري3 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی3 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
لوبی5 days ago
اټک انرژی جوانان واحدي لوبډله او عینو مېنې خدیم ماټ کړل