تازه خبرونه
د افغانستان په اړه د روسیې، چین، ایران او پاکستان غونډه جوړیږي – روسیه
د افغانستان لپاره د روسیې د ولسمشر ځانګړي استازي ضمیر کابلوف ویلي؛ د افغانستان په اړه د روسیې، چین، ایران او پاکستان ناسته به د جنورۍ په وروستیو کې جوړه شي.
ضمیر کابلوف تاس خبري اژانس ته ویلي، روسیه، چین، ایران او پاکستان د افغانستان په اړه یوې غونډې ته چمتووالی نیسي، چې ښايي د جنورۍ تر پایه ترسره شي.
نوموړي زیاته کړې: غونډې ته چمتووالی نيول شوی؛ نېټه او ځای یې وروسته څرګندیږي. هیله شته، چې دا ناسته د جنوري تر پایه ترسره شي.
د روسیې د ولسمشر ځانګړي استازي ویلي، چې په دې غونډه کې به د افغانستان له اوسنیو چارواکو سره پر ټولګډونه حکومت، ترهګرۍ او نشهيي توکو خبرې اترې وشي.
هغه ټینګار کړی، چې د ایران او پاکستان تر منځ د بریدونو تبادله به د غونډې پر چمتوالی اغېز ونهکړي.
کابلوف د یوې اړوند پوښتنې په ځواب کې ویلي: نه! داسې کومه اندېښنه نشته.
د پاکستان د بهرنیو چارو وزارت پر پاکستان د ایران برید غندلی او هغه مهال یې دا برید له هوايي پولو سرغړونه بللې وه، چې ښايي جدي پایلې ولري.
د پاکستان د بهرنیو چارو وزارت د جنورۍ پر اتلسمه نېټه څرګنده کړه؛ د دغه هېواد وسلهوالو ځواکونو د ایران په سیستانبلوچستان ایالت کې د وسلوالو پر ضد عملیات کړي، چې په کې د سخت دریځو پټنځایونه پر نښه شوي دي.
د پاکستان د ملي امنیت کمیټه، چې مشري یې د لنډمهالي حکومت د لومړي وزیر انوار الحق کاکړ پر غاړه ده؛ د جمعې پر ورځ دې پایلې ته ورسېده، چې اسلامآباد او تهران به وکولی شي په ګډه د تضادونو د له منځه وړلو لپاره دوه اړخیزو اړیکو ته پراختیا ورکړي.
د پاکستان د صدراعظم د سکرتریت له لوري په یوه خپره شوې خبرپاڼه کې راغلي؛ دواړه هېوادونه به وکولی شي، چې د ډیالوګ او ډیپلوماسۍ له لارې لږ تر لږه رامنځته شوې ناخوالې لرې کړي او د تاریخي اړیکو د ژورولو لپاره لار اواره کړي.
د یادونې ده، چې د جنورۍ پر ۱۶ د ایران وسلهوالو ځواکونو د پاکستان په خاوره کې د جیش العدل د وسلوالو دوه مرکزونه پر نښه کړل. په دې عملیاتو کې له بې پیلوټه الوتکو او توغندیو کار اخیستل شوی دی.
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ1 day ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه24 hours ago
د پاکستان خاوره د افغانستان پر ضد کارول کیږي
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
تازه خبرونه21 hours ago
د سې شنبې پر ورځ خراسان او سرخ پوشان لوبډلو لوبه وګټله