سوداگري
د کابل ـ جلال آباد ترمنځ غزیدلی سړک د له منځه تلو په حال کې دى
د کابلـ جلال آباد ترمنځ د غزيدلې لويې لار له پخيدو څخه د گوتو په شمار کلونه تېريږي؛ خودمگړۍ د باروړونکيو موټرو د زيات بار د وړلو پر لامل د ويجاړيدو په حال کې ده.
د دې لارې مسافرين وايي:
پردې سړک د باروړونکيو موټرو خاوندان په خپلو موټرو کې له اندازې زيات بار ليږدوي، چې له كبله يې د سړک ډېره برخه ويجاړه شوې او پاتې برخه يې هم د له منځ تلو په حال کې ده.
دوى زياتوي، که پردې سړک د باروړنکيو موټرو د زيات بار ليږدولو مخه ونه نيول شي؛ نو ډېر ژر به دغه پوخ سړک له منځه لاړ شي.
دوى پرځايي چارواکو نيوکه کوي، چې دا هرڅه گوري؛ خو د مخنيوې لپاره يې هيڅ هم نه کوي.
بلخوا د باروړونکيو موټرو خاوندان هم مني، چې دوى پردې سړک له اندازې زيات بار ليږدوي؛ خو وايي:
دا کار د تلې (ترازو) د مسوولینو او کارکوونکيو په غوښتنه کوو.
دوى زياتوي:
د لغمان په سرخکانو کې د فوايد عامې وزارت له لوري د موټرو د وزن معلوموولو لپاره دلگول شوې تلې یا ترازو مسوولين ورته وايي، چې له پاکستان او جلال آباد څخه په خپلو موترو کې له اندازې زيات بار راليږدوئ؛ خو په بدل کې به يې پيسې راکوي.
د لغمان د سرخکانو په سیمه کې د لویو موټرو د وزن معلومولو لپاره د لگول شوې تلې مسوول غلام قادر فقیرزی وايي، چې:
د لغمان د والي او نورو چارواکو په همغږۍ کارکوو او له هیچا غیرقانوني پیسې نه اخستل کیږي.
د نوموړي په وينا، له هغه موټرڅخه باركښته کیږي، چې له اندازې زیات وزن یې بار کړی وي.
د لغمان والي فضل الله مجددي وايي، چې:
یاده تله په مناسب ځای کې نه ده لگول شوې او سمه څارنه هم ترې نه شي کيدی.
دی زياتوي، په باربار له مرکزي چارواکو غوښتل شوي، چې د سرخکانو تله او مسوولین له دغه ځایه ليرې کړي.
د ښاغلي مجددي په وينا، په مرکز کې ځینې کسان شته، چې د دغې تلې د شتون او د هغوی د مسوولینوملاتړکوي او فساد ته زمينه برابره وي.
د فوید عامې وزات مسوولینو تر دې دمه په دې اړه څه ويلي نه دي.
دا یوازې د کابل- جلال آباد سړک نه دی، چې د بارداره موټرو د ډېر وزن د ليږدولو له كبله د ویجاړیدو په حال کی دی.
د تورخم ـ جلال آباد ترمنځ غزیدلی سړک هم همدا حال لري.
له دې رپوټ وړاندې مو د دغه سړک په اړه د خلکو اندېښتې او د فساد شواهد خپاره کړي ول؛ خو مرکزي چارواکو پرې هیڅ غبرگون ونه ښود.
د يادونې وړده، چې د تورخم- جلال آباد ترمنځ غزيدلى سړک د ولسمشرحامد کرزى د لومړۍ دورې په لومړيو کې د پاکستان او د کابل- جلال آباد ترمنځ غزیدلی سړک د جرمني پر مالی لگښت په پاخه او اساسې ډول رغول شوي؛ خو که د اړوند ادرو مسوولين پردې سړکونو د باروړونکيو موټرو د زيات بارمخه ونه نيسې؛ نو د سړک پاتې برخې به هم ډېر ژر له منځه لاړې شي.
سوداگري
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
د ازبکستان او پاکستان د بهرنیو چارو وزیرانو د ازبکستان، افغانستان او پاکستان د اوسپنې پټلۍ پروژې پر ژر عملي کېدو ټینګار کړی دی.
د پاکستان د بهرنیو چارو وزیر له خپل ازبک سیال بختیار سیدوف سره په لیدنه کې د ازبکستان، افغانستان او پاکستان یا افغان ټرانس اوسپنې پټلۍ پروژې د چټکتیا غوښتنه کړې ده.
د دې وزارت خبرپاڼې له مخې؛ په دې ليدنو کې د دوه اړخيزو سوداګريزو اړيکو د پراختيا، د پانګونې او مخابراتي پروژو په اړه بحثونه وشول.
په خبرپاڼه کې راغلي، چې دواړو لوریو د “افغان ټرانس” پروژې عملي کېدل د سیمې د هېوادونو پر ګټه وګڼل او څرګندوي، چې دا پروژه به د جنوبي او مرکزي آسیا ترمنځ د سوداګرۍ پر لنډې او ډاډمنه لار بدله شي.
په دې کتنه کې د ازبکستان د بهرنیو چارو وزیر د افغان ټرانس اوسپنې پټلۍ پروژې د ژر تر ژره عملي کېدو لپاره د هڅو پر چټکتیا ټینګار څرګند کړ.
د پاکستان بهرنیو چارو وزارت اعلان کړی، چې د دغه هېواد د بهرنیو چارو وزیر په اسلامآباد کې له خپل ازبک سیال بختیار سیدوف سره په کتنه کې د ازبکستان، افغانستان او پاکستان د اوسپنې پټلۍ پروژې د چټکتیا غوښتنه وکړه. دواړو لوریو د “افغان ټرانس” پروژې پلي کېدل د سیمې د هېوادونو په ګټه وګڼل.
د دغې خبرپاڼې له مخې؛ د پاکستان بهرنیو چارو وزیر محمد اسحاق ډار د ازبکستان د بهرنیو چارو له وزیر بختیار سیدوف سره د پراخو دوه اړخیزو سوداګریزو اړیکو، پانګونې، امنیت، د خلکو تر منځ د اړیکو او ارتباطي پروژو پر ټولو اړخونو خبرې وکړې او د ازبکستان د ژر تر ژره تطبیق لپاره یې د افغانستان او پاکستان د اوسپنې پټلۍ پر پروژې ټینګار وکړ.
له دې مخکې د ازبکستان چارواکو داسې ټینګار کړی و: د افغانستان له لارې د اوسپنې پټلۍ، چې منځنۍ آسیا د افغانستان له لارې له پاکستان سره نښلوي، د ۲۰۲۷ کال تر پایه بشپړه شي.
تمه ده، چې دا ۷۶۰ کیلومټره د اوسپنې پټلۍ به د ازبکستان او پاکستان ترمنځ د کارګو د لېږد وخت هم راکم کړي. د “افغان ټرانس” پروژې یوه بله ګټه د توکو د لېږد رالېږد په لګښت کې ۴۰ سلنه کموالی دی.
اقتصادي شنونکي شبیر بشیري ویلي؛ د ازبکستان، افغانستان او پاکستان ترمنځ د اوسپنې پټلۍ جوړول د سیمې د هېوادونو ترمنځ د سوداګریزو او اقتصادي اړیکو په پراخولو او اسانتیا کې اغېزمن رول لري.
د يادونې وړ ده، چې د افغانستان، پاکستان او ازبکستان تر منځ د اوسپنې پټلۍ د جوړولو پلان په ۲۰۱۸ کال کې طرحه شو، چې څه باندې څلور نيم ميليارډ ډالر لګښت لري. په دې وروستیو کې اسلامي امارت ویلي، چې قطر هم د دې پروژې مالي ملاتړ اعلان کړی دی.
سوداگري
د تاتارستان سوداګر په افغانستان کې پر تېلو او ګازو پانګونې ته لیواله شول
د کانونو او پټرولیم وزارت ویلي، چې د دې وزارت چارسمبالي شهاب الدین دلاور په کابل کې د تاتارستان جمهوریت له یو شمېر سوداګرو، د تېلو او ګازو د پروسس کمپنیو له استازو سره وکتل.
د تاتارستان سوداګرو د کانونو او پټرولیم وزارت له رهبرۍ سره په لیدنه کې د تېلو او ګازو د استخراج او پروسس په برخه کې د خپلو کاري تجربو په اړه د معلوماتو وړاندې کولو ترڅنګ ویلي، چې افغانستان پر یو منظم سیسټم سربېره د بشپړ امنیت درلودونکی دی او د پانګونې لپاره په کې ښه زمینه برابره شوې ده. دوی وایي؛ زمونږ کمپنۍ لیواله ده، چې د افغانستان د تېلو او ګازو د سروې، اکتشاف او استخراج په برخه کې پانګونه وکړي.
د کانونو او پټرولیم وزارت چارسمبالي د دوی د پانګونې له لیوالتیا هر کلی کړی او وایي، چې له نېکه مرغه افغانستان په بېلابېلو برخو کې د تېلو او ګازو پراخې زېرمې لري، چې په ځانګړي توګه اوس د هرات ولایت د تېلو او ګازو بلاکونه هم اعلان ته سپارل د تاتارستان مسلمان هېواد سوداګر هم کولی شي د هېواد د تېلو او ګازو په زېرمو کې پانګونه وکړي او دا وزارت به د خپلو اړوند قوانینو له مخې پوره همکاري وکړي.
دا په داسې حال کې ده، چې نوموړي نن په کابل کې د ټاپي پروژې له اجرائیوي رییس او مل پلاوي سره د دې پروژې پر بېلابېلو خواوو هم بحث او خبرې کړې دي.
سوداگري
افغان – ترکمن شرکتونو د ودانیزو او خوراکي توکو تړونونه لاسلیک کړل
د افغانستان صنایعو او سوداګرۍ وزارت څرګنده کړې، چې د افغانستان او ترکمنستان شرکتونو د ودانیزو او خوراکي توکو په ګډون له ۱۰ ډېر تړونونه او دوه هوکړهلیکونه لاسلیک کړي دي.
دغه تړونونه هرات ولایت ته د ترکمنستان د سوداګرو پلاوي د سفر پر مهال د صنعت او سوداګرۍ وزارت د چارسمبالي نورالدین عزیزي په حضور کې لاسلیک شوي دي.
د صنایعو او سوداګرۍ وزارت د خبرپاڼې له مخې؛ نورلدین عزیزي د دغو تړونونو د لاسلیک په مراسمو کې څرګنده کړې: د افغانستان او ترکمنستان ترمنځ د سوداګریزو او اقتصادي اړیکو د پراختیا لپاره تر ټولو ښه فرصت برابر شوی، چې دواړه لوري باید پوره ګټه ترې پورته کړي.
د صنایعو او سوداګرۍ وزارت په خبرپاڼه کې راغلي؛ یاد تړونونه ترکمنستان ته د دغه وزارت د چارسمبالي د سفر او د ترکمنستان له ملي رهبر قربانقلي بردي محمدوف سره د کتنې په پایله کې لاسلیک شوي دي.
له دې مخکې د ترکمنستان دې پلاوي ویلي وه، چې د دوی موخه د دواړو هېوادونو د خصوصي سکټورونو ترمنځ د اقتصادي اړیکو پراخول دي؛ نو هڅه کوي هر کال له افغان صنعتکارانو څخه سلګونه ټنه ودانیز توکي لکه سیخ، رنګ او مرمر ډبرې واخلي.
-
تازه خبرونه4 days ago
د پاکستان خاوره د افغانستان پر ضد کارول کیږي
-
نړۍ4 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
د سې شنبې پر ورځ خراسان او سرخ پوشان لوبډلو لوبه وګټله
-
سوداگري3 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه4 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
لوبی3 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
لوبی5 days ago
اټک انرژی جوانان واحدي لوبډله او عینو مېنې خدیم ماټ کړل