تازه خبرونه
اسلامي امارت د محمود شاه حبیبي د نیول کېدو ادعا رد کړه
ذبیحالله مجاهد ویلي:« مونږ د محمود شاه حبیبي په اړه هېڅ معلومات نهلرو. هغه د افغانستان اسلامي امارت لهخوا نیول شوی نهدی. که له مونږ سره وای، دا ستونزه به له وړاندې حل شوې وای.»
د اسلامي امارت ویاند د افغان ـ امریکايي سوداګر محمود شاه حبیبي د نیول کېدا ادعا رد کړې ده؛ نوموړی د امریکا د څرګندونو له مخې، څلور کاله مخکې په کابل کې نادرکه شوی دی.
ذبیحالله مجاهد ویلي:« مونږ د محمود شاه حبیبي په اړه هېڅ معلومات نهلرو. هغه د افغانستان اسلامي امارت لهخوا نیول شوی نهدی. که له مونږ سره وای، دا ستونزه به له وړاندې حل شوې وای.»
د نوموړي دا څرګندونې یوه ورځ له هغې وروسته شوي؛ د امریکا فډرالي څېړنو ادارې د حبیبي د ورکېدا د څلورمې کلیزې پر مناسبت یو ځل بیا له خلکو وغوښتل، چې د هغه د ځای په اړه معلومات ورکړي.
د امریکا فډرالي څېړنو ادارې د معلوماتو له مخې؛ حبیبي د ۲۰۲۲ز.کال د اګست پر لسمه په کابل کې خپل کور ته نږدې نادرکه شو. هغه مهال یې په کابل کې د «آسیا مشورتي ګروپ» په مخابراتي شرکت کې سلاکار و او له دې مخکې یې د افغانستان د ملکي هوايي چلند ادارې مشري هم کړې وه.
د امریکا اړوند ادارې ادعا کړې، چې حبیبي د امارت اسلامي د استخباراتو عمومي ریاست لهخوا نیول شوی دی.
یادې ادارې د هغه د ورکېدا په اړه خپلې څېړنې روانې ساتلې او په ۲۰۲۵ز.کال کې یې د حبیبي عکس د ورک کس په توګه خپور کړ.
د امریکا د بهرنیو چارو وزارت هم د هغه د معلوماتو لپاره پېنځه میلیون امریکايي ډالر جایزه ټاکلې، چې د موندلو، بېرته ترلاسه کولو او امریکا ته د ستنولو لامل شي.
Afghanistan’s Justice Minister Abdul Hakim Sharei says the reclamation of state-owned land seized by land grabbers is a legal matter and should not be linked to ethnicity, religion or language.
Sharei, who also heads the Commission for the Prevention of Land Grabbing, made the remarks at a meeting with officials and representatives of charitable organizations in Kabul.
He said the commission is legally and religiously obligated to enforce rulings issued by the special court handling cases involving seized state land. Once the court determines that a disputed plot belongs to the state, the commission must enforce the decision, he said.
Sharei said the special court bases its rulings on documents, evidence and the law, adding that legal principles must be applied equally to all parties.
The justice minister also called on charitable organizations to work toward establishing a nationwide union and to expand their activities into fundamental and infrastructure projects.
He urged charities to avoid photographing or filming people while distributing aid, saying such practices could undermine the dignity of those receiving assistance.
Representatives of charitable organizations raised concerns over taxes, customs procedures and lengthy administrative processes. The Ministry of Justice said it would work to address the issues following the establishment of a nationwide union.
تازه خبرونه
نړۍ افغان ولس ته شا اړولې – د ناروې کډوالو شورا
د ناروې کډوالو شورا د هغې خبرپاڼې له مخې؛ له افغانستان څخه د لویدیځو ځواکونو او ډیپلوماټانو د وتلو د پېنځمې کلیزې پر مناسبت خپره کړې ویلي، چې میلیونونه افغان ملکي وګړي له مخ پر خرابېدونکو بشري شرایطو سره مخ دي او نړیوالې مرستې هم د کمېدا په حال کې دي.
د ناروې کډوالو شورا (NRC) د دوشنبې پر ورځ ویلي؛ افغانستان له ژور بشري، اقتصادي او اقلیمي ناورین سره مخ دی. په داسې حال کې، چې د ناټو هېوادونو د افغانانو د ملاتړ ژمنې هېرې کړې دي.
د ناروې کډوالو شورا د هغې خبرپاڼې له مخې؛ له افغانستان څخه د لویدیځو ځواکونو او ډیپلوماټانو د وتلو د پېنځمې کلیزې پر مناسبت خپره کړې ویلي، چې میلیونونه افغان ملکي وګړي له مخ پر خرابېدونکو بشري شرایطو سره مخ دي او نړیوالې مرستې هم د کمېدا په حال کې دي.
د دغې شورا د څرګندونو له مخې، له ۲۰۲۳ز.کال راپدېخوا له شپږ میلیونو ډېر افغانان له ګاونډ هېوادونو بېرته افغانستان ته ستانه شوي، چې له اقلیمي بدلونونو، سیمهییزو ترینګلتیاوو او پر ښځو او نجونو د محدودیتونو له کبله پر زیانمنو خلکو فشار نور هم زیات کړی دی.
د ناروې کډوالو شورا عمومي منشي یان ایګلینډ ویلي:« ناټو هېوادونو له افغان نجونو او هلکانو سره خپلې ژمنې هېرې کړي او افغان ملکي وګړو ته یې شااړولې ده.»
هغه خبرداری ورکړی، چې د بشري مرستو د بودجې کمېدا مرستندویه ادارې اړ کړي، چې د زیانمنو افغان کورنیو لپاره د خوړو، اوبو، سرپناه او روغتیايي مرستو کچه راکمه کړي.
د ناروې کډوالو شورا ویلي، میلیونونه بېرته راستانه شوي کسان له نامعلوم راتلونکي سره مخ دي او اړ دي، چې خپل ژوند له سره جوړ کړي. د دغې شورا د څرګندونو له مخې، تر ۷۳ سلنې پورې بېرته راستانه شوي کسان بېروزګاره دي او د کار او عاید لپاره ډېرې لږې زمینې لري.
ایګلینډ ویلي:« سرپناه او د معیشت ملاتړ د بېرته راستانه شویو کسانو له تر ټولو مهمو اړتیاوو څخه دي.» هغه زیاته کړې، چې ډېرې کورنۍ د مناسب استوګنځي په موندلو او خپلو ماشومانو ته د خوړو په برابرولو کې له ستونزو سره مخ دي.
افغان چارواکي پلان لري، چې بېرته راستانه شویو کسانو ته د هغوی د اړتیاوو د پوره کولو د هڅو د یوې مهمې برخې په توګه ځمکې ووېشي؛ خو د ناروې د کډوالو شورا ویلي، د بېرته راستانه شویو کسانو ډېر شمېر، د ځمکو د وېش پېچلې کړنلارې، د پانګونې کموالی او د بنسټیزو خدمتونو نشتوالی د هغوی بېرته ادغام ستونزمنوي.
د ناروې کډوالو شورا همداراز خبرداری ورکړی، چې د افغانستان د بشري مرستو لپاره بودجه راکمه شوې ده. د افغانستان د بشري اړتیاوو او غبرګون پلان په ۲۰۲۱ز.کال کې نږدې ۹۶ سلنه تمویل شوی و؛ خو په ۲۰۲۵ز.کال کې د تمویل کچه ۴۲ سلنې ته راټیټه شوه. د روان کال تر اوسه یوازې ۲۶ سلنه اړینې مرستې برابرې شوې دي.
د ناروې د کډوالو شورا له نړیوالې ټولنې غوښتي، چې په افغانستان کې پراختیايي پانګونه زیاته او د اوږدمهالو حللارو او بیا رغونې ملاتړ وکړي.
دغې شورا له نړیوالو لوریو هم غوښتي، چې له افغان چارواکو سره خبرې او همکاري وکړي او سیاسي مسایل د زیانمنو خلکو د بشري مرستو او بنسټیزو خدمتونو د ترلاسه کولو مخه ونه نیسي.
تازه خبرونه
ملا برادر د ټاپي پروژې د پرمختګ په اړه د ترکمنستان له ملي مشر سره ولیدل
ملا برادر له ترکمنستان څخه وغوښتل؛ دواړه هېوادونه د ګاز بیې په اړه هوکړې ته ورسېږي او د بیې ټاکلو فورمول داسې بدل شي، چې پر بیه د اروپايي بازارونو د بیو د سختو بدلونونو د اغېز مخنیوی شي.
د ریاستالوزراء اقتصادي مرستیال ملا عبدالغني برادر، هرات ولایت ته د خپل سفر پر مهال، نن(دوشنبه د زمري نولسمه ) په تورغونډۍ کې د ترکمنستان له ملي مشر قربانقلي بردي محمدوف سره د ټاپي پروژې پر وروستیو پرمختګونو او د افغانستان او ترکمنستان ترمنځ راتلونکو اقتصادي همکاریو خبرې وکړې.
د ریاستالوزراء د خبرپاڼې له مخې؛ ملا برادر ویلي؛ په هرات کې د ټاپي پروژې چارې ښې روانې دي او تمه ده، چې پاتې برخې یې پر ټاکلي وخت بشپړې شي.
ملا برادر له ترکمنستان څخه وغوښتل؛ دواړه هېوادونه د ګاز بیې په اړه هوکړې ته ورسېږي او د بیې ټاکلو فورمول داسې بدل شي، چې پر بیه د اروپايي بازارونو د بیو د سختو بدلونونو د اغېز مخنیوی شي.
هغه وړاندیز وکړ، چې د ګاز تړون دې د اوږدې مودې لپاره وشي؛ شرایط دې یې ساده وي او د تړون د بیاکتنې لپاره دې د انعطاف وړ کړنلاره په پام کې ونیول شي.
نوموړي په هرات کې د ګاز د وېش او لګښت شبکې د جوړولو، د ټاپي پروژې د پاتې موضوعاتو د اواري لپاره د ګډې تخنیکي او حقوقي کمیټې د جوړولو او په دې پروژه کې افغانانو ته د ډېرو کاري فرصتونو د برابرولو لپاره د ګډو هڅو غوښتنه وکړه.
برادر ویلي؛ ټاپي پروژې د افغانستان او ترکمنستان سټراټېژیکې همکارۍ پیاوړې کړې دي او دواړه لوري باید د سوداګرۍ د پراختیا لپاره د نفتو د لېږد لپاره د آقکریم بندر د پرانیستو، په ترکمنباشي بندر کې د افغانستان د ټرانزیټي مالونو لپاره د آسانتیاوو برابرولو، د لاجورد لارې بیا فعالولو ته د شته ستونزو د حل او د هرات ـ تورغونډۍ د اوسپنېپټلۍ د بیارغونې او پراختیا په برخو کې ګډ کار وکړي.
هغه له ترکمنستان څخه وغوښتل، چې په افغانستان کې د برښنا او ټرانسپورټ په برخو کې له سترو اقتصادي پروژو ملاتړ وکړي.
په دې لیدنه کې قربانقلي بردي محمدوف ویلي، چې د ترکمنستان او افغانستان اړیکې د ښه نیت او ښه ګاونډیتوب پر بنسټ پیاوړې شوې او په بېلابېلو برخو کې یې د ګډو همکاریو زمینه برابره کړې ده.
محمدوف زیاته کړې؛ ترکمنستان چمتو دی، چې هرات ته د ټاپي نللیکې د غځولو ترڅنګ، په دې ولایت کې د ګاز د وېش شبکې د جوړولو او د ټاپ پروژې د عملي چارو د پیل په برخه کې همکاري وکړي. هغه ویلي، چې یو شمېر بهرنیو شرکتونو په ټاپ پروژه کې پانګونې ته چمتووالی ښودلی دی.
هغه همداراز ویلي؛ عشقآباد چمتو دی، چې په ترکمنباشي بندر کې د افغانستان د ټرانزیټي او سوداګریزو مالونو لپاره ټولې اړینې آسانتیاوې برابرې کړي.
نوموړي د دواړو هېوادونو او سیمې ترمنځ د سوداګرۍ د زیاتوالي لپاره د لاجورد لارې د بیا فعالولو په موخه پر ګډو هڅو هم ټینګار کړی دی.
د ترکمنستان ملي مشر افغان لوري ته ډاډ ورکړی، چې په افغانستان کې د برښنا او اوسپنېپټلۍ په برخو کې د پیل شویو پروژو چارې به پر ټاکلي وخت او چټکۍ بشپړې شي.
په پای کې دواړو لوریو هوکړه کړې؛ د ټاپي، ټاپ، فایبر نوري او اوسپنېپټلۍ پروژو د څارنې او پلي کولو لپاره به د لوړپوړیو چارواکو پر مشرۍ تخنیکي کمیټه جوړه کړي، چې د دغو پروژو د پلي کېدا بهیر ښه پر مخ یووړل شي.
بشارالاسد پر اعدام محکوم شو
آباسین ډیفنډرز په کابل غوره لیګ کې شمشاد ایګلز ته د ۴ ویکټو پر توپیر ماتې ورکړه
کابل زلمي پامیر سټارز ته د اووه ویکټو پر توپیر ماتې ورکړه
اسلامي امارت د محمود شاه حبیبي د نیول کېدو ادعا رد کړه
Justice minister rejects claims of ethnic, religious bias in land reclamation
د ایران د سویل په تازه بریدونو کې له ۳۰ ډېر ملکي وګړي ووژل شول
د افغانستان د غېږنیونې غوره لیګ لومړي پړاو ته اووه ورځې پاتې دي
ټرمپ کانګرس ته د ایران پر ضد د پوځي عملیاتو د بیا پیل خبر ورکړ
ایران، افغانستان او تاجکستان د ټرانزیټي آسانتیاوو او سیمهییز نښلون سند لاسلیک کړ
د صادراتو کمښت د پاکستان د ام بڼوال له درندو زیانونو سره مخ کړل
تحول: د ایران له لوري د افغانستان د همکارۍ منل
څار: د اسلامي امارت پېنځه کلن مزل
تحول: د افغانستان له لارې د هرمز تنګي بدیله لار
څار: پر سیمه د پاکستان، سعودي او ترکیې د نوی تړون اغېز
تحول: د ایران د جګړې پر سر د اختلافونو زیاتېدا
-
سیمه ییز خبرونه3 days agoپه پاکستان کې د مالونو د سراسري لېږد درېدا؛ موټرچلوونکي اعتصاب کوي
-
تازه خبرونه5 days agoامریکا په افغانستان کې د داعش خراسان له ګواښه خبرداری ورکړ
-
څار5 days agoڅار: د داعش خراسان د ګواښ په اړه د امریکا خبرداری
-
تازه خبرونه3 days agoروسي شرکتونه په افغانستان کې د برښنايي وسایلو پر تولید پانګونه کوي
-
تازه خبرونه3 days agoد مالداویا ولسمشرې د اسلامي امارت پلاوي ته پر ویزه صادرولو نیوکه وکړه
-
لوبی3 days agoله پناه غوښتنې څخه د سکاټلنډ تر ملي لوبډلې؛ د افغان کرکټلوبغاړي زړهراکښونکې کیسه
-
تازه خبرونه2 days agoروسیه د افغانستان له لارې هند سمندر ته د اوسپنېپټلۍ بدیله لار جوړول ارزوي
-
تحول5 days agoتحول: د چابهار بندر لپاره د امریکا د بندیزونو د معافیت پای ته رسېدل