تازه خبرونه
پاکستان له دې وروسته د افغان طالبانو پر خلاف جګړه نه کوي
د پاکستان د لومړي وزیر د ملي امنیت سلاکار سرتاج عزیز وايي چې پاکستان له دې وروسته د افغان طالبانو پر خلاف جګړه نه کوي.
نوموړی وايي افغان طالبان د پاکستان دښمنان دي؛ نو ځکه افغانستان نه غواړي په وړاندې یې جګړه وکړي.
ولسمشرۍ ماڼي په دې هکله څه نه دي ویلي؛ خو د ملي یوالي د حکومت اجرایوي رییس وايي، طالبان د افغانستان او پاکستان دواړو دښمنان دي او باید دواړه هیوادونه یې پر وړاندې وجنګیږي.
افغان چارواکي ټینګار کوي چې د تروریزم ځالې په پاکستان کې دي او هلته د پاکستاني پوځيانو او استخباراتو لخوا روزنه ورکول کیږي.
د پاکستان د لومړي وزیر د ملي امنیت سلاکار سرتاج عزیز وايي چې افغان طالبان د پاکستان ګټو ته خطر نه پیښوي، نو ځکه دغه هیواد نه غواړي د هغوی په وړاندې جګړه وکړي. نوموړی وايي چې پاکستان کوښښ کوي چې افغان طالبان له کابل سره د سولې خبرو ته کښینوي:” دا سمه ده چې د حقاني شبکې له پاکستان څخه فعالت کاوه، خو اصلي خبره دا ده چې په دوه زره لومړي کال کې چې کله امریکا په افغانستان یرغل وکړ، افغان طالبان پاکستان ته را واوښتل. دهغوي یو شمیر مونږ ته خطر پیښاوه، خو ځینې نور بې خطره وو. هغه کسان چې مونږ ته خطر نه پیښوي، نو ولې په وړاندې جګړه وکړو.”
افغان سیاسي کارپوه کاکو جان نیازی وایي چې پاکستان باید خپل دریځ بدل کړي او له بدي ډک سیاست پرېږدي او له موږ سره دې همکار شي، ځکه چې په افغانستان کې ناامني په پاکستان کې د ناامني په معنا دی.
د افغانستان د کورنیو چارو وزارت او ولسمشرۍ ماڼۍ د سرتاج عزیز د دغو څرګندونو په هکله څه نه وايي ، خو د ملي یوالي د حکومت اجرایوي ریاست وايي طالبان د دواړو هیوادونو ګډ دښمنان دي.
پاکستان ته د افغان ولسمشر اشرف غني له سفر څو ورځې وروسته د پاکستان د ملي امنیت د سلاکار دغه څرګندونې مخې ته راځي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه16 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه17 hours ago
په عراق کې به همجنسبازان پر۱۵ کاله بند شي –پارلمان
-
لوبی14 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل