تازه خبرونه
د سرپرست وزیرانو سرپرستۍ د حکومت یوه برخه فلج کړې
د افغانستان په کابینه کې د اووه سلب صلاحیت شويو وزیرانو په ګډون یوولس وزارتونه د سرپرستانو لخوا اداره کیږي، چې د حکومت یوه برخه یې فلج کړې ده.
سره له دې، چې د ملي وحدت حکومت د سیاسي ډلو له نیوکو سره مخ دی؛ خو د ملي دفاع، بهرنیو چارو، کانونو او پترولیم، پوهنې، کاراو ټولنیزو چارو، لوړو زدکړو، مخابراتو، اطلاعاتو او فرهنګ، سرحدونو او قبایلو، فواید عامې او د ترانسپورت او ملکي هوایي چلند وزارتونه هغه بنسټونه دي، چې د سرپرستانو لخوا اداره کیږي.
په ولسي جرګه کې د بدخشان استازی عبدالرووف انعامي وایي، دا وزیران خلکو او د خلکو استازیو ته ځواب ورکوونکي نه دي او حکومت پر دغو سرپرستانو حکومت فلج کړی دی.
په ولسي جرګه د کونړ استازي صالح محمد صالح په ډاګه کړې، چې سرپرستي د دوه میاشتو لپاره ده؛ خو حکومت قانو تر پښو لاندې کړی او سرپرستي یې روانه ساتلې ده.
د سیمه ییزو ادارو یوه برخه هم له ننګونو سره مخ ده؛ که څه هم ولسمشر امر کړی و، چې د تېر کال د وري تر میاشتې پورې دې ټولې ولسوالۍ د وړ ولسوالانو لخوا اداره شي، خو اوس هم له ۳۸۲ ولسوالیو شاوخوا څلوېښت یې د سرپرستانو لخوا اداره کیږي.
د سیمه ییزو ارګانونو د خپلواکې ادارې ویانده منیره یوسف زاده زیاتوي، مونږ هڅه کوو، چې ولسوالیو ته نوي مسوولین ولیږو.
د هغې د وینا له مخې ، یوازې یو نورستان ولایت دی، چې د سرپرت والي لخوا اداره کیږي.
د ملي وحدت حکومت بیا وایي، چې د سرپرستي ستونزې د پای ته رسولو هڅه کوي.
د ولسمشر مرستیال ویاند نجیب الله آزاد وایي، څلور نوماند وزیران ولسي جرګې ته ورپېژندل شوي او پاتې نور به هم دې جرګې ته وروپېژندل شي.
د نوموړي په وینا؛ د ځنډ لامل یې شایسته سالاري ده.
مخکې له دې د تېر کال د لړم په میاشت کې اووه وزیران د ولسي جرګې لخوا؛ ځکه سلب صلاحیت شوي وه، چې ولې یې پراختیایي بودجه کمه لګولې ده.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه10 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه11 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه