تازه خبرونه
د داکتر غني او عبدالله ناندریو او د امریکا د مرستو کمیدو خلک اندېښمن کړي
د اشرف غني او عبدالله عبدالله سیاسي ناندریو او د امریکا لخوا د یو میلیارد ډالرو مرستو بندیدو د خلکو نیوکې او غوښتنې را پارولې دي.
د هېواد د بېلابېلو سیمو اوسیدونکیو ویلي؛ دواړو سیاسي مشرانو افغانستان یرغمل کړی او د هرې ورځې له تېریدو سره هېواد له سختو حالاتو سره مخ کوي.
دوی خبرداری ورکوي، چې د سیاسي ناندریو په پایله کې د امریکا لخوا د مرستو بندیدو زیان او تاوان خلک او دولتي ځواکونه ګالي.
دوی د سیاسي مشرانو تر منځ په بیړه د همغږۍ غوښتنه کوي او څرګندوي: کرونا ویروس، سیاسي کړکېچ او روانې شخړې د افغانانو درې سترې ننګونې دي، چې افغانستان ورسره مخ ساتل کیږي. دا هغه ننګونې دي، چې ورځ تر بلې پراختیا مومي او خلک یې هر اړخیز اندېښمن کړي هم دي.
د کابل اوسیدونکی محي الدین الفتي وایي: خلکو ته دا حالت د منلو ندی؛ د افغانستان په اوسني کړکېچ کې په ځانګړي توګه د امریکا مرستې له لاسه وځي او زیان یې هم ولس ګالي.
د هېواد په شمال کې هم سیاسي کړکېچ او د امریکا د مرستو بندیدو د دې کړکېچ د ناوړه پایلو په تړاو اندېښنې زیاتې کړې دي.
د بلخ اوسیدونکي خیبر ابراهیمي ویلي، دواړو سیاسي مشرانو د افغانستان نن او راتلوونکی برمته کړی دی.
د هېواد په ختیځ او لویدیځ کې احمد شاه او عبدالصبور نومو هم ورته اندېښنې په ډاګه کړي او په څرګندوي، چې پر روان سیاسي کړکېچ، شخړو، وحشت او کرونا ویروس سربېره به خلک له اقتصادي ناورین او سرخوګي سره هم مخ شي.
په سویل ختیځ کې د پکتیا ولایتي شورا مشرعبدالملک ځاځی هم چندان هیله من ندی او له سیاسي مشرانو غواړي، چې په بیړه زغم خپل کړي او هېواد له پر شاتګ را وګرزوي.
نړیوالې ټولنې په ځانګړي توګه امریکا خبرداری ورکړی، چې که اشرف غني او عبدالله عبدالله په خپلو کې جوړ نشي؛ هېوادونه او مرستندویې ټولنې به له افغانستان سره خپلې مرستې ودروي.
هو! هغه مرستې، چې کلیدي جوړښتونه په ځانګړي توګه ملي، دفاعي او امنیتي بنسټونه یې فعال ساتلي دي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو