تازه خبرونه
د ترمپ تګلاره د اوباما په پرتله د بریالیتوب ښه فرصت لري-غني
د افغانستان ولسمشر وایي، د امریکا نوې تګلاره د بارک اوباما د تګلارې په پرتله د بریالیتوب لپاره ښه فرصت لري. بارک اوباما په افغانستان کې همکار نه درلود، ولسمشر ترمپ نه یوازې یو کس دی، بلکې د افغانستان په اړه د همکارې ډلې مشري هم کوي. د ترمپ په اداري تګلاره کې له مونږ سره پراخې او بې سارې مشورې کیږي.
ولسمشر محمد اشرف غني له امریکا غږ سره په مرکه کې د امریکا د نوې تګلارې اړوند ټکي روښانه کړل؛ په څلور کلونو کې به د افغانستان د خاورې اتیا سلنه د دولت تر کنترول لاندې راولي، افغان کمانډو ځواکونه به دوه برابره ډېرشي، د افغانستان هوایي ځواکونه به پیاوړي کړي او په پوځي مشرتابه کې به ښه والی او سمونونه راځي.
ولسمشر غني زیاتوي؛ هغه سیمې، چې تصفیه کیږي، ځکه نه شي ساتل کیدای، چې په پولیسو کې سمونونه نه دي راغلي.
نوموړي په ډاګه کړې؛ افغان پوځ کولی شي، چې هره ولسوالي په څو ورځو کې بېرته ونیسي، خو زمونږ ستونزه د دې سیمو په ساتنه کې ده او په دې خاطر، چې په پولیسو کې د پام وړ سمونونه نه دي راغلي او حد اکثر ظرفیت نه لري، خو دا بدلون کوي.
هغه زیاتوي؛ لومړی: له افغانستان څخه د تازه ملاتړ له لارې طالبانو ته پوځي بریا ناشونې شوې ده.
دوه یم هغوی باید درک کړي، چې د افغانستان خلک له لاسه ورکوي. طالبان په هر ظلم او زیاتي پر جوماتونو، زیارتونو او کلیو د بریدونو او بشري سرغړونو له لارې خلک نور هم له ځانه لیرې کوي.
ټاکل شوې له درې زره زیات نور امریکایی سرتېري افغانستان ته راشي، خو ولسمشر غني وایي، دغه سرتېري به په جګړه کې ښکېل نه شي او د افغان ځواکونو سلا مشورې او زدکړې به پر مخ وړي.
خبریال: فهیم نوري
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه14 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه15 hours ago
په عراق کې به همجنسبازان پر۱۵ کاله بند شي –پارلمان
-
لوبی12 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل