تازه خبرونه
د افغان ځواکونو هوایي برید کې د یوې کورنې ۸ تنو ته مرګ او ژوبله اوشتې

تیره ورځ بغلان کې د هوایی ځواک په پایله کې د یوې کورنې دوه تنه وژل شوي او شپږ تنه نور یې، چې ماشومان او ښځې پکې شتون لري، ټپي شوي دي.
دغه کورنې د پلخمري ښار د چشمې شیر اوسیدونکي دي. د دوی خپلوان د ملکي وګړو تلفاتو پرضد غبرګون ښودلې او د شمال لوی لاره یې پورته له دوو ساعتونو د تګ او راتګ پر مخ تړلې وه.
د بغلان پولیسو او ځایي مقاماتو په دې اړه رسنیو ته هیڅ راز معلومات ندي ورکړي.
د بغلان د عامه روغتیا ریاست د شپږ تنو ټپي کیدل تائید کړي او ویلي یې دي چې دغه ټپیان دوه ښځې او څلور ماشومان دي.
د بغلان اوسیدونکي وایي چې دغه برید د جمعې ماښام هغه مهال ترسره شو چې طالبانو په چشمې شیر سیمه کې د ملی اردو پر یو قطار باندی یرغل وکړ چې هوایي ځواک د دغه قطار د ملاتړ لپاره یاده سیمه تر اور لاندې راوسته، چې په پای کې یې دوه کسه ملکي وګړي (یوه جنې او یو هلک) وژل شوي او شپږ تنه نور، چې ډیرې یې ماشومان دي، ټپي شوي دي.
د هیواد دفاعي ځواکونو او طالبانو لا تراوسه په دې اړه څه ندي ویلي.
تازه خبرونه
اقتصاد وزارت له راستنېدونکو سره د نادولتي ادارو د پراخې همکارۍ غوښتنه وکړه
د اقتصاد وزارت د څرګندونو له مخې؛ دین محمد حنیف د نادولتي کورنیو او بهرنیو بنسټونو له تېرو همکاریو د ستاینې ترڅنګ له راستنېدونکو سره د همکاریو او مرستې د دوام غوښتنه وکړه.

د اقتصاد وزارت چارسمبالي دین محمد حنیف او د راستنېدونکو مهاجرینو لپاره د مرستو د جلب او جذب کمیټې رییس او غړو له نادولتي کورنیو او بهرنیو بنسټونو چارواکو سره په ناسته کې د راستنېدونکو د ستونزو پر حل او آسانتیاوو برابرولو بحث او خبرې کړې دي.
د اقتصاد وزارت د څرګندونو له مخې؛ دین محمد حنیف د نادولتي کورنیو او بهرنیو بنسټونو له تېرو همکاریو د ستاینې ترڅنګ له راستنېدونکو سره د همکاریو او مرستې د دوام غوښتنه وکړه.
نوموړي له ټولو نادولتي بنسټونو وغوښتل، چې د راستنېدونکو د بېړنیو ستونزو پر حل سربېره د استوګنې په میشت ځایونو کې د سرپناوو او د اوبو رسولو سیسټمونو، عامه تاسیساتو لکه ښوونځیو، مدرسو، جوماتونو او روغتیایي کلینیکونو په جوړولو او د څښاک د اوبو د څاګانو کیندلو کې فعاله برخه واخلي.
د نادولتي بنسټونو چارواکو هم د هغو پروګرامونو او پروژو په اړه معلومات ورکړل، چې دوی یې د مهاجرینو او راستنېدونکو ستونزو د حل لپاره پلي کوي او د اقتصاد وزارت د بیا میشتېدنې او د مرستو د جذب او جلب له کمیټو سره د همکارۍ لپاره خپل بشپړ چمتووالی اعلان کړ.
تازه خبرونه
د اسلامي امارت پلاوي په چین کې د اوسپنېپټلۍ په نړیواله غونډه کې ګډون وکړ
په ټولګټو چارو وزارت کې د اوسپنېپټلۍ مرستیال محمد اسحاق صاحبزاده، د لوړې کچې لهپاره د افغان پلاوي مشري وکړه، چې لوړ پوړي دولتي چارواکي، د اوسپنېپټلۍ څانګوال، د صنعت مشران او څیړونکي یې د اوسپنېپټلۍ د عصري ټکنالوژۍ او بېخبنایي پراختیا ارزونې ته راټول کړل.

د افغانستان اسلامي امارت (IEA) یوه پلاوي د چین پر کوربتوب د اوسپنېپټلۍ د نړیوالې ټولنې (UIC) په دولسمه غونډه کې ګډون وکړ.
په دې غونډه کې له ۶۰ څخه د ډېرو هېوادونو استازو د اوسپنېپټلۍ په سکټور کې پر نوښتونو او ننګونو د بحث لپاره غونډه وکړه.
په ټولګټو چارو وزارت کې د اوسپنېپټلۍ مرستیال محمد اسحاق صاحبزاده، د لوړې کچې لهپاره د افغان پلاوي مشري وکړه، چې لوړ پوړي دولتي چارواکي، د اوسپنېپټلۍ څانګوال، د صنعت مشران او څیړونکي یې د اوسپنېپټلۍ د عصري ټکنالوژۍ او بېخبنایي پراختیا ارزونې ته راټول کړل.
د وزارت د ویاند محمد اشرف حقشناس د څرګندونو له مخې؛ غونډې پر مهمو موضوعاتو تمرکز وکړ، چې په کې د اوسپنېپټلۍ سیسټمونو پرمختګونه، د پولې هاخوا اتصال، د ظرفیت لوړولو سټراټیژیو او د عصري ټکنالوژیو ادغام شامل دي، چې هدف یې په نړیواله کچه د ریلي ټرانسپورټ بدلول دي.
نوموړي زیاته کړې؛ په داسې نړیوالو غونډو کې د افغانستان ګډون د سیمهییزې همکارۍ پیاوړتیا او د هېواد د اوسپنېپټلۍ بېخبنا لوړولو ته د IEA ژمنتیا پر ګوته کوي.
د اوسپنېپټلیو نړيواله ټولنه (UIC) چې مرکزي دفتر يې په پاريس کې دی؛ د نړۍ د ریلي همکاریو مخکښه اداره ده.
افغانستان له ۲۰۱۳ کال راپدېخوا د UIC غړی دی، چې غړیتوب يې د هېواد د اوسپنېپټلۍ د پراختيایي اهدافو له نړيوالو معيارونو او کړنو سره په سمون کې مهم رول لوبوي.
لکه څنګه، چې افغانستان غواړي د اوسپنېپټلۍ پراخه او له مرکزي او جنوبي آسيا سره نښلونکي سوداګريز دهليزونه پياوړي کړي؛ په څو اړخيزو پلټفرمونو لکه په UIC کې ګډون د تخنیکي همکارۍ، پانګونې او د پالیسۍ د سمون لپاره فرصتونه وړاندې کوي.
تازه خبرونه
چین د بګرام پر هوایي اډه کنترول نلري – زلمی خلیلزاد
خلیلزاد د شنبې پر ورځ(د چنګاښ یوویشتمه) په ایکس پاڼه کې لیکلي: “زه باور لرم هغه راپور، چې کمونیست چین اوس د بګرام سټراټیژیکه هوايي اډه کنټرولوي؛ رښتیا ندی.”

په افغانستان کې د امریکا پخواني استازي زلمي خلیلزاد هغه راپورونه او څرګندونې رد کړي، چې چین د بګرام هوايي اډه کنټرولوي.
نوموړي پرته له دې، چې د چا نوم واخلي د یوه راپور په اړه ویلي؛ د بګرام کنټرول د چین په لاس کې ندی.
خلیلزاد د شنبې پر ورځ(د چنګاښ یوویشتمه) په ایکس پاڼه کې لیکلي: “زه باور لرم هغه راپور، چې کمونیست چین اوس د بګرام سټراټیژیکه هوايي اډه کنټرولوي؛ رښتیا ندی.”
له دې مخکې د امریکا ولسمشر ډونالډ ټرمپ څوـ څو ځله ویلي، چې چین د بګرام هوايي اډه کنټرولوي.
په وروستۍ قضیه کې، ټرمپ تیره اونۍ له اډې څخه د امریکا د وتلو په اړه خواشیني څرګنده کړه او ویې ویل چې چین اوس یې کنټرولوي.
دوه ورځې مخکې زلمي خلیلزاد د ایکس په اړه د هغه راپور لینک خپور کړ، چې په کې د چین لخوا د بګرام هوايي اډې پر کنټول ټینګار شوی و.
خلیلزاد د همدې راپور په غبرګون کې ولیکل؛ هغه باور نلري، چې چین د اډې کنټرول ولري.
ولسمشر ټرمپ واک ته له بیا رسېدو وروسته برلهپسې له افغانستان څخه د ګړندي وتلو په اړه پر جوبایډن نیوکه کړې او څرګندوي، چې که هغه ولسمشر وای؛ د بګرام هوايي اډې کنټرول یې ساته.
ټرمپ ټینګار کړی و، چې بګرام د امریکا یوه لویه پوځي اډه وه، چې د چین له اټومي تاسیساتو یې یوازې یو ساعت واټن درلود.
دغه راز د امریکا دفاع وزیر پیټ هګسټ تېره ورځ په فلوریډا کې د خپلې وینا پر مهال د پخواني ولسمشر جو بایډن اداره تر نیوکې لاندې ونیوله او وایي؛ له افغانستان څخه د وتلو علت د ځواکونو کمزورتیا نه، بلکې د بایډن د ادارې سیاسي صعف و.
د بګرام هوايي اډه، چې د کابل په شمال کې موقعیت لري؛ د دوه لسیزو لپاره په افغانستان کې د امریکایي ځواکونو اصلي اډه وه.
-
د هوا حالاتو بدلونونه4 days ago
په اروپا کې د تودوخې له کبله ۲۳۰۰ کسان مړه شوي
-
نړۍ4 days ago
د ټرمپ د سوداګریزو تعرفو تر سیوري لاندې مارکو روبیو خپل آسیایي سفر پیل کړ
-
تازه خبرونه5 days ago
په هېواد کې د اداینې د برښنایي کولو لپاره هڅې روانې دي – د افغانستان بانک
-
تازه خبرونه4 days ago
د روغتیا نړیوالې ټولنې د افغان راستنېدونکو ترمنځ د ساري ناروغیو له خپرېدو خبر ورکړ
-
تازه خبرونه4 days ago
جنوبي کوریا په افغانستان کې د ۱۰ میلیون ډالرو پر ارزښت یوه پروژه پلي کوي
-
تازه خبرونه1 day ago
د خیبر پښتونخوا حکومت په کابل کې د سرطان روغتون د جوړولو لهپاره د مرستې وړاندیز وکړ
-
روغتيا4 days ago
یو بنګلهدیشي شرکت افغانستان ته د درمل صادرولو اعلان وکړ
-
لوبی4 days ago
په افغانستان فوټسال لیګ کې صداقت او ظاهراسد لوبدلو د پنجشنبې لوبې وګټلې