تازه خبرونه
د کابل په پوځي روغتون کې ځانمرګي نفوذي کسانو ځای پر ځای کړي وه
ځانمرګي برید ګر له برید مخکې د نفوذي کسانو په وسیله د سردار محمد داوود خان په ۴۰۰ بستریز روغتون کې له درندو وسلو او بشپړو مهماتو سره ځای پر ځای شوي وه.
د روغتون داکتران، چې په پېښه کې ټپیان شوي وایي، چې پېنځه برید ګر له برید مخکې په روغتون کې له بشپړووسلو او مهماتو سره ځای پر ځای شوي وه؛ نښته هم لومړی د روغتون په دهلیزونو کې پیل شوه او وروسته چاودنه وشوه.
د سردار محمد داوود خان روغتون ته د ستنې انتقالول هم آسانه کار نه دی؛ ځکه د پلټنې له څو پوستو دننه کیدل ناشوني دي او هیڅ عادي کس ته اجازه نه ورکول کیږي، چې روغتون ته دننه شي.
د سردار محمد داوود خان روغتون نرسه قمر وایي، چې په حکومت کې دننه نفوذي افرادو ترهګر روغتون ته لیږدولي دي.
د سردار محمد داوود خان روغتون داکتر محمد نبي وایي، برید ګرو پر هیچا رحم ونه کړ؛ وړ او زوړ، ښځه او نر، چې په مخه ورتلل، پر چاقو او ډزو یې له منځه یوړل.
زیاتره ټپیان هغه کسان دي، چې د روغتون له درېیم او څلورم پوړ یې ځانونه کښته اچولي دي.
د ملي دفاع وزارت ویاند دولت وزیری مني، چې په حکومت کې ځینو افرادو د چهارشنبې ورځې په برید کې لاس درلود؛ خو اوس هم حکومت د برید په تړاو ډېر څه نه وایي.
د تلفاتو شمېره اوس او کره او وروستۍ شوې نه ده؛ خو یوازې وزیر اکبر خان روغتون ته ۷۶ وژل شوي او ټپیان لیږدول شوي دي. په داسې حال کې، چې د پېښې شاهدان له سل کسانو د تلفاتو خبره کوي.
داعش ډلې د چهارشنبې د برید مسوولیت منلی او په خپل خبري آژانس عماق کې یې د تلفاتو شمېر ۴۰۰ ښودلی دی؛ خو د ملي امنیت پخواني رییس امرالله صالح ویلي، چې دغه برید د آی اس آی لخوا د هغې ډلې په ذریعه له طالبانو سره په همغږي تر سره شوی، چې تازه جوړه شوې ده.
خبریال: باعث حیات
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره