تازه خبرونه
د هسکې مېنې له قربانیانو سره د نمرو د وېش او حج ته د لېږلو ژمنه وشوه
ولسمشر اشرف غني د ننګرهار د هسکې مېنې د جودرې د شهیدانو په فاتحه کې د قربانیانو له کورنیو سره د یوې – یوې نمرې ځمکې د وېش او حج ته د لېږلو ژمنه کړې ده.
د تېرې جمعې( د تلې ۲۶) د لمانځه پر مهال د هسکې مېنې د جودرې په جومات کې یوې چاودنې د ماشومانو او تنکیو ځوانانو په ګډون ۷۲ لمونځ کوونکي ووژل او۴۰ نور یې ټپيان کړل.
د یک شنبې پر سهار ولسمشر اشرف غني د یو پلاوي په مشرۍ په هسکه مېنه کې د قربانیانو فاتحې ته ورغلو او له خلکو سره یې په یوه جوړه شوې ناسته کې ژمنه وکړه، چې د پېښې له عامِلانو به غچ واخلي.
په دې مراسمو کې ننګرهار والي شاه محمود میاخېل ویلي، د جودرې استوګن له کلونو راپدیخوا د طالب او داعش په مقابل کې کلک ولاړ ول.
د شینوارو مشرانو، د شهیدانو د کورنیو استازیو څرګنده کړې، چې د دوی له دومره قربانیو سره – سره حکومت دوی ته پام نکوي.
مخورو په شینوارو او په ځانګړي ډول هسکه مېنه کې د امنیت، صحت اومعارف په برخه کې د پروژو غوښتنه وکړه.
ولسمشر غني د جودرې پېښه په ملي او نړیواله کچه یوه لوی ناورین بولي او وایي، چې په شینوارو کې به د صحت او پوهنې په برخه کې رغنیزې پروژې پلي او ترڅنګ به یې ویجاړ شوي جوماتونه هم بېرته آباد شي.
ښاغلي غني د امنیت شورا سلاکار حمدالله محب ته سپارښتنه وکړه، چې د قربانیانو له کورنیو سره د یوې – یوې نمرې ځمکې او حج ته د لېږلو ژمنه وڅاري او ټنګار یې وکړ، چې له شینوارو به د داعش او نورو وسلوالو لمن ټوله او پرځای به یې پوستې جوړې شي.
لس میاشتې وړاندې هم ولسمشرغني، غني خېلو ته راغلی و او له شینوارو سره یې ورته ژمنې کړې وې.
خبریال: رحمت الله زیارمل
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه12 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ10 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري24 hours ago
د اوسپنې پټلۍ له لارې ترکیې ته د افغانستان صادرات پیل شول