تازه خبرونه
د ټاکنو په لومړنیو پایلو کې اشرف غني ګټونکی دی
د هېواد د ۱۳۹۸ لمریز کال د ولسمشریزو ټاکنو په لومړنیو پایلو کې، چې اعلام یې نږدې درې میاشتې وځنډیده؛ نن یکشنبه( د مرغومي لومړۍ / د دسمبر ۲۲) له غرمې مخکې په یوه خبري ناسته کې په ډاګه شوې.
د دغو پایلو له مخې؛ اشرف غني د ۵۰٫۶۴ رایو پخپلولو له ټولو ډېرې رایې خپلې کړې دي.
د یادو ټاکنو بل نوماند داکتر عبدالله عبدالله د ۷۲۰۹۹۰ رایو په تر لاسه کولو دوه یم ځای خپل کړ.
د ټاکنو خپلواک کمیسیون ريیسه حوا علم نورستانۍ وايي، چې دا پایلې وروستۍ ندي او د ټاکنیزو شکایتونو د څېړنو له بشپړیدو وروسته به وروستۍ پایلې اعلان شي.
د یادو ټاکنو اړوند نوماندانو په لاندې ترتیب لومړنۍ پایلې تر لاسه کړې دي:
نوماند |
د رایو شمېر |
سلنه |
محمد اشرف غنی |
923868 |
50.64% |
عبدالله عبدالله |
720990 |
39.52% |
گلبدین حکمتیار |
70242 |
3.85% |
رحمت الله نبیل |
33921 |
1.86% |
دکتور فرامرز تمنا |
18066 |
0.99% |
سید نورالله جلیلی |
15526 |
0.85% |
عبدالطیف پدارم |
12608 |
0.69% |
عنایت الله حفیظ |
11374 |
0.62% |
محمد حکیم تورسن |
6504 |
0.36% |
احمد ولی مسعود |
3942 |
0.22% |
محمد شهاب حکیمی |
3324 |
0.18% |
غلام فاروق نجرابی |
1606 |
0.09% |
محمد حنیف اتمر |
1565 |
0.09% |
نور رحمان لیوال |
865 |
0.05% |
داکتر اشرف غني د لومړنیو پایلو په درشل کې له بري وروسته یوې خبري ناستې ته څرګند شو او وایي، چې دولت جوړووونکې ډله، ملت جوړوونکې ده او هغو، چې بله طرحه لرله اوس دې بل فکر وکړي.
غني وايي؛ مونږ جمهوریت غوښته او جمهوریت خوندي شو.
هغه دا هم وویل، چې د ټاکنو د لومړنیو پایلو اعلان د افغانستان د ملي دفاعي او امنیتي ځواکونو د هڅو پایله ده او دوی د جمهوري ریاست ژغورونکي دي.
دا په داسې حال کې ده، چې د ثبات او همپالنې ټاکنډلې د اړوند ټاکنو د لومړنۍ پایلې اعلام پر درغلیو ولاړ بولي او څرګندوي، چې دغه پایله پرته له دې، چې د ۳۰۰ زره جنجالي رایو په اړه زمونږ اندېښنې په پام کې ونیول شي؛ اعلام شوې او مونږ ته د منلو وړ هم نده.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه10 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه10 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه