Connect with us

تازه خبرونه

د ګمرکونو عواید په ځانګړیو ټاکنیزو کمپاینونو کې لګول کیږي

خپور شوی

د

(Last Updated On: لړم ۳, ۱۴۰۱)

د ولسي جرګې غړي وايي؛ حکومت د بیت المال پر مټ په ټاکنیزو منډو ترړو بوخت دی او بې تجربې کسان یې پر لوړو پوځي دندو ګومارلي، چې له کبله یې په افغانستان کې تاوتریخوالي او وژنو زور اخیستی دی.

ولسي جرګې د شنبې د ورځې( د چنګاښ ۲۹) په عمومي غونډه کې پر امنیت، سولې او ټاکنو خبرې وکړې. د جرګې ډېرو غړیو د ناامنیو پر زیاتیدو اندېښنه وښوده او څرګنده شوه، چې د بیت المال پیسې په ټاکنیزو کمپاینونو کې لګول کیږي او حکومت د امنیت ټينګښت ته پام نکوي.

په ولسي جرګه کې د زابل استازی حمیدالله توخي وایي، چې ولې د کمپاین لګښتونه په امنیتي برخه کې نه لګول کیږي، چې ناروا کمپاینونه پرې پیل شوي او بودجه لګول کیږي. دا د ملت پیسې دي، ستا ځانګړې پیسې ندي، چې لګوي یې.

په ولسي جرګه کې د جوزجان استازی محمد عالم ساعي وایي، چې له بیا الماله د یوه ځانګړي نوماند په ګټه کار اخیستل کیږي او د افغانستان د ګمرکونو عواید یې له کسر سره مخ کړي دي. ولې د دې کار مخه نه نیول کیږي.  

ځينې نور بیا وايي، چې د جګړې مدیریت د داسې قومندانانو په غاړه دی، چې د جګړې هیڅ تجربه نلري؛ نو، ځکه تلفات د پام وړ ډېرشوي دي.

په ولسي جرګه کې د کابل استازی الله ګل مجاهد وایي، چې په امنیتي څوکیو کې هغه کسان ټاکل شوي، چې د جګړې تجربه نلري او له همدې کبله ځاني زیانونه وررسیږي.  

په ولسي جرګه کې د پنجشیر استازی زلمی نوري وایي؛ په ولایتونو کې پر امنیتي څوکیو ګومارنو ناامنۍ رامنځته کړي، چې دا قومي بڼه لري.  

د ولسي جرګې رييس میر رحمان رحماني هم پر روانو ناامنیو اندېښنه وښوده او ټينګار یې وکړ، چې امنیتي مسوولین به د پوښتنو لپاره استجواب کړي.

په دې وروستیو کې د جګړې پر ډېریدو او ولسي تلفاتو سربیره د افغان پوځ تلفات هم د پام وړ ډېر شوي، چې تازه بېلګه یې د کوماندو ځواکونو وژل کیدل دي. یوازې په بادغیس ولایت کې له دېرش ډېر کوماندو سرتېري د وسلوالو طالبانو په بریدونو کې ووژل شول. 

خبریال: رفیع صدیقي

تازه خبرونه

د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر

Published

on

(Last Updated On: غویی ۹, ۱۴۰۳)

د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمه‌ییزو پروژو په پلي کولو کې ونډه واخلي.

د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.

نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشه‌يي توکي او فساد یې له منځه وړی او خپلواک ملي حاکمیت ټینګ شوی دی.

د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.

ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوس‌مهال په سيمه کې د يوه سوله‌ييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.

د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.

اسلامي امارت په تېرو درې کلونو کې پرله‌پسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.

Continue Reading

تازه خبرونه

له پاکستان څخه دې د افغان کډوالو د جبري ایستلو چټکتیا راکمه شي

Published

on

(Last Updated On: غویی ۹, ۱۴۰۳)

د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.

د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.

هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.

د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.

پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.

مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.

د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.

Continue Reading

تازه خبرونه

ترکمنستان د ټاپي پروژې بشپړولو ته ژمن دی – امانوف

Published

on

(Last Updated On: غویی ۹, ۱۴۰۳)

د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.

د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.

هغه وایي: ترکمنستان د ټاپي د طبیعي ګاز نل‌لیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.

امانوف دا ټینګار هم کړی، چې په ترکمنستان کې د ګازو د نل‌لیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.

د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.

 

 

Continue Reading

Trending

Copyright © 2022 Ariana News. All rights reserved!