تازه خبرونه
د ولسمشر د فرمان له مخې بودجه لګول شوې – همایون قیومي
د ولسي جرګې ځانګړي کمیسیون هغه راپور، چې وایي، د تېر کال د ملي بودجې میلیاردونه افغانۍ بې ځایه لګیدلي؛ د ولسي جرګې لخوا تائید شو.
دغه راپورغوښتي، چې د مالیې وزارت مسوولین دې په دې ملي سند کې د سرغړونو له امله عدلي او قضایي بنسټونو ته وروپېژندل شي.
ولسي جرګې د مالیې وزارت سرپرست په ملي بودجه کې د میلیاردونو افغانیو د بې ځایه لګیدو په تړاو خپلې عمومي ناستې ته د ځواب ویلو لپاره غوښتی دی.
د ولسي جرګې د مالي چارو او بودجې د کمیسیون غړي سید عظیم کبرزاني ویلي، چې د راپور له مخې په بودجه کې یو لړ تعدیلات راغلي؛ ځکه دوه اعشاریه پېنځه میلیارد افغانۍ پر یوه کود ورزیاتې شوي، چې دا کار د بودجې له سند ښکاره سرغړونه ده.
دغه راز د ولسي جرګې ځینې غړي حکومت د بیت المال له پیسو څخه په بې ځایه لګښت تورنوي.
په ولسي جرګه کې د بغلان استازی نسیم مدبر وایي: آیا د بودجې کړنلاره قانون دی او که بل څه؟ همدارنګه څوارلس سرغړونې رامنځته شوي، چې ټولې ښکاره دي. ولسمشر له قانونه لوړ ندی؛ خو د ماليې وزیر وایي، چې په دې اړه فرمان و.
د ولسي جرګې د عدلي او قضایي چارو د کمیسیون غړی حبیب رحمان پدرام وایي، چې جرم کوئ او د خپل جرم حکم له ولسمشره اخلئ. خواشینی یم، چې یو شمېر استازي حکومتي شوي او دا دغو استازیو ته لوی شرم دی.
په ولسي جرګه کې د هرات استازی غلام فاروق مجروح وایي: کو لیک، چې د مالیې وزارت لولي؛ مخکې تر مخکې لیکل شوی او وزیر ته یې ورکړی. مونږ په قعطیه کې ۳۷ سرغړونې ښکاره او ارزولي دي؛ نو له دې وضعیت سره به څه همغږي رامنځته شي. په داسې حال کې، چې د مالیې وزارت سرپرست له ولسي جرګې څخه د ستاینې تمه لري.
د مالیې وزارت سرپرست همایون قیومي وایي، تعدیل د اړتیاووله مخې رامنځته شوی او په اړه یې د ولسمشر حکم شته او مونږ په دې تمه وو، چې ولسي جرګه به مو وستایي.
باالاخره ولسي جرګې د ځانګړي کمیسیون راپور د تېر کال د بودجې په اړه رایوو ته کېښود، چې په غوڅ اکثریت تائیدشو. په دې راپور کې یادونه شوې، چې د ماليې وزارت مسوولین دې عدلي او قضایي بنسټونو ته معرفي شي؛ خو ولسي جرګې د تېر کال د قطعیې په اړه رایي واچولې. په داسې حال کې، چې د راپور تائید د قطعیې د رد په معنا و؛ خو تر ناندریو وروسته رایې اچونې بلې ورځې ته پاتې شوې.
تازه خبرونه
ولس دې د اسلامي نظام د شرعي احکامو د پلي کولو لپاره همکاري وکړي – محمد خالد حنفي
د امربالمعروف، نهې عن المنکر او شکایتونو اورېدلو وزارت چارسمبالي نن چارشنبه په کابل کې د اسلامي نظام د ټینګښت لپاره د ملت د یووالي تر سرلیک لاندې غونډې ته په وینا کې ویلي: اوس د دې وخت رارسېدلی، چې د خلکو د ستونزو د حل او د اسلامي نظام د شرعي احکامو د پلي کولو لپاره خدمت او همکاري وکړو.
د یاد وزارت په خپره شوې خبرپاڼه کې راغلي؛ دغه غونډه د اسلامي امارت د یو شمېر مسوولینو په حضور کې ترسره شوې ده.
محمد خالد حنفي په دې ناسته کې زیاته کړې: د جهاد موخه د اشغال خاتمه، خپلواکي ترلاسه کول او په هېواد کې د اسلامي نظام ټینګول ول.
نوموړی وایي: دا د ډېرې خوښۍ ځای دی، چې مونږ افغان ولس د پخوا په څېر خپلمنځي اختلافات نلرو، د یو رهبر تر امر او د اسلامي نظام د بیرغ ترسیوري لاندې ژوند کوو.
هغه ویلي: دا اسلامي نظام د خلکو نظام دی. خلک له دې نظام څخه جلا نه ګڼل کیږي او د نظام او خلکو ترمنځ هیڅ واټن نشته؛ نو له اسلامي نظام سره همکاري د ټولو خلکو شرعي دنده ده.
ویل کیږي، چې د ښځو د شرعي حقونو د خوندیتوب او ساتنې تر څنګ زرګونه شکایتونه دې وزارت حل کړي دي.
تازه خبرونه
له اسلامي امارت سره په تعامل کې مو ملي ګټې رانغښتي- امریکا
د امریکا بهرنیو چارو وزارت مرستیال ويلي؛ هېوادنۍ ګټې واشنګټن اړ کوي، چې له اسلامي امارت سره له خبرو او تعامل ډډه ونکړي.
د امریکا بهرنیو چارو وزارت ویاند د سې شنبې پر ورځ ( د غویی یوولسمه) یوه خبري کنفرانس ته ویلي، چې له اسلامي امارت سره تعامل مستقیمو خبرو ته زمینه برابروي.
ویډانټ پټل څرګنده کړې، چې له اسلامي امارت سره تعامل نه یوازې د امریکا د ګټو د خوندیتوب لپاره ښه دی، بلکې د افغانستان له خلکو څخه د ملاتړ لپاره هم غوره لار ده.
د پټل د څرګندونو له مخې؛ دا تعامل پر اسلامي امارت د هغو امریکايي وګړو په ځانګړي توګه، چې په ناحقه نیول شوي له شرط پرته د خوشې کولو لپاره یو فشار هم دی.
هغه زیاته کړې، چې امریکا به د دغو فرصتونو پر کارولو له اسلامي امارت څخه د ترهګرۍ پر وړاندې د مبارزې په اړه د دوی له ژمنو هم ګټه پورته کړي.
هغه ټینګار کړی، چې د بشري حقونو مسله هم د اجنډا په سر کې ده.
تازه خبرونه
نړیوال بانک له افغانستان سره ۸۴ میلیون ډالر مرسته ومنله
نړیوال بانک ويلي، دې بنسټ له اقتصادي ناورین سره د مبارزې او په هېواد کې د اقتصادي پروژو د پلي کولو لپاره افغانستان ته ۸۴ میلیون ډالر مرسته منلې ده.
نړیوال بانک د سې شنبې پر شپه (د غویی یوولسمه) څرګنده کړې، چې له دې مرستو څخه به ۷۰ میلیون د افغانستان وجهي صندوق (ایآرټي اف) او نړیوالې پراختیايي ټولنې (آیډيای ) له لارې په افغانستان کې د هوسا ژوندانه اړوند پروژو پر پلي کولو ولګول شي.
په دې اړه د نړیوال بانک د افغانستان څانګې مشرې ملینډا ګوډ ویلي، چې نړیوالې پراختیایي ټولنې په وروستیو ۱۸ میاشتو کې د افغانستان د ښځو لپاره د کارموندنې په برخو کې د دې پیسو د لګولو لپاره یو ځانګړی او ګټور چوکاټ چمتو کړی دی.
د ګوډ د څرګندونو له مخې؛ پدې مرسته به IDA د افغانستان په ۲۶ ولایتونو کې افغانانو ته خپلو خدمتونه روان وساتي.
هغې زیاته کړې: له دې نوي تمویل سره به دا پروژه په کلیوالو او ښاري سیمو کې خپل فعالیتونه زیات کړي، د ښځو لپاره به د هوساینې ډېر فرصتونه برابر کړي او افغان راستنیدونکیو ته به د کار او خدماتو زمینه برابره کړي.
دغې پروژې په ۲۰۲۲ کال کې د افغانستان کليو او ښاري سيمو ته د نړيوال بانک د ۲۶۵ ميليون ډالرو پر مرسته خپل فعاليت پيل کړ، چې تر اوسه یې څه باندې ۷۷۶ زره افغان کورنیو ته لنډمهاله دندې پیدا کړي، چې له دې لارې شاوخوا ۵ اعشاریه ۴ میلیون کسانو ګټه اخیستې ده.
دغه راز په افغانستان کې ٩٢ زره ٢٠٠ زيانمنو کورنیو، چې ښځو یې چارسمبالې او مشرې وې له دې پروژې نغدي او غيرې نغدي مرستې ترلاسه کړې دي.
د نړیوال بانک د څرګندونو له مخې؛ په دې موده کې شاوخوا ۷ اعشاریه ۴ میلیون افغانانو ټولنیزو خدمتونو لکه سړکونو، روغتیايي مرکزونو او د څښاک پاکو اوبو ته لاسرسی موندلی دی.
دې ادارې یادونه کړې، چې په تېرو دوه کلونو کې د روغتیا او تغذیې، د اقلیمي بدلون د اغېزو او له طبیعي پېښو سره د مبارزې په برخه کې له ۲ اعشاریه ۱ میلیون ډېر کسان روزل شوي دي.
په افغانستان کې د اسلامي امارت له واکمنۍ وروسته په دغه هېواد کې د خلکو د ژوند وضعیت خراب شوی او د نړیوالو ټولنو د څرګندونو له مخې سږ کال شاوخوا ۲۳ میلیون افغانان بشري مرستو ته اړتیا لري.
دا په داسې حال کې ده، چې څو ورځې مخکې نړیوال بانک په افغانستان کې د ښځو او د هغوی پر مشرۍ سوداګریزو هڅو ترسره کولو او کارموندلو لپاره ۱۶ میلیون ډالر مرسته اعلان کړه وه.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
تازه خبرونه4 days ago
له پاکستان څخه دې د افغان کډوالو د جبري ایستلو چټکتیا راکمه شي
-
لوبی22 hours ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه