تازه خبرونه
خلک دې د کرونا ویروس د مخنیوي لپاره په نوروز جشن کې ګډون نکوي ـ روغتیا وزیر
د عامې روغتیا وزارت له خلکو غوښتي، چې د کرونا ویروس د مخنیوي لپاره دې د نوروز جشن په ځانګړیو مراسمو کې له ګډون ډډه وکړي.
د افغانستان خلک د نوروز نمانځنې ته ځانګړي مراسم جوړوي؛ زیاتره نوروزي پروګرامونه یې ډله ییز وي، مزارشریف ښار ته له نورو ولایتونو او حتا د سیمې او نړۍ له هېوادونو خلک ورځي او د روضې په انګر کې د جنډې پورته کولو مراسم له نږدې ګوري.
د عامې روغتیا وزیر فیروزالدین فیروز ویلي؛ د کرونا یو اتیا شکمنې پېښې او له ایرانه د پنځوس زره افغانانو بېرته را ستنیدنې د اندېښنې وړ دي.
نوموړی وایي: د نوروز نمانځنې لپاره زمونږ دریځ دادی، چې هېواد وال خپلې لیدنې کتنې او تګ راتګ لږ کړي؛ راټولیدنې او ناستې تر سره نکړي. غوره داده، چې د نوروز په نمانځنه کې ګډون ونکړي؛ ځکه له دې سره به ځان، کورنۍ او ټولنه د کرونا له ویروس نه یوازې خوندي کړي، بلکې د خپریدو منخیوی به یې هم وشي. مونږ وایو، چې په کې له ګډون کولو ډده وکړئ.
په افغانستان کې تر اوسه د کرونا ویروس لسګونه شکمنې پېښې څېړل شوي؛ خو تر اوسه یوه مثبته پېښه په لویدیځ ولایت هرات کې ثبت شوې، چې په دې وایروس ککړ کس له ایران څخه هرات ته راغلی و.
د ملي امنیت شورا ویاند جاوید فیصل ویلي؛ په دې وروستیو کې افغان دولت د کرونا ویروس د مخنیوي لپاره پرېکړه کړې، چې په هرات ولایت کې به ښوونځي او پوهنتونونه هم د زدکوونکیو او محصلانو پر مخ بند وي.
ولسمشر غني د کابینې نننۍ ناستې ته له ایران څخه د افغان کډوالو پر شړلو اندېښنه وښوده او څرګنده یې کړه، چې دغه ستونزه پاملرنه غواړي.
هغه له مسوولینو یې وغوښتل، چې د هېواد په لویدیځو پولو کې امکانات ډېر کړي.
د عامې روغتیا وزارت د څرګندونو له مخې؛ تر دې مهاله د افغانستان په هرات، هلمند، فراه، غور، بغلان، بلخ، فاریاب، غزني، لوګر او کابل کې یواتیا شکمنې پېښې آزمویل شوي، چې له یوه کس پرته د ټولو پایله منفي وه.
د عامې روغتیا وزیر فیروزالدین فیروز دا هم په ډاګه کړې، چې د کرونا هره معاینه ورته ۱۶ سوه دالره پریوځي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره