تازه خبرونه
سولې ته د وسلوالو طالبانو په راضي کولو کې لږ پرمختګ شوی- پنتاګون
د امریکا دفاع وزارت په خپلو تازه څېړنو کې موندلې، چې کابل او واشنګتن سولې ته د وسلوالو طالبانو په راضي کولو کې لږ پرمختګ کړی او له همدې کبله په افغانستان کې د جګړې د دوام نښې ډېرې دي.
که څه هم د افغانستان د سولې لپاره هڅې مخ په ډېریدو دي؛ خو د امریکا دفاع وزارت ویلي، چې په افغانستان کې د سولې ټينګښت تر اوسه ډېر لیرې ښکاري.
د دغه وزارت څېړونکي دفتر ویلي، چې امریکا او افغانستان، سولې ته د وسلوالو طالبانو په قانع کولو کې د پام وړ پرمختګ ندی کړی.
د پنتاګون په تازه ارزونه کې راغلي، چې په تېرو درې میاشتو کې د افغان سرتېرو تلفات لوړ شوي او د جګړې له کبله مرستو ته د اړو کسانو شمېر هم لوړ شوی دی.
د افغانستان د سولې لپاره د امریکا د بهرنیو چارو وزارت ځانګړي استازي په خپل یوه تویت کې د سولې په روانو خبرو کې له لاسته راوړنو خبر ورکوي.
د افغانستان د سولې عالي شورا مرستیال عزیزالله دین محمد وایي: د امریکا حکومت سولې ته ډېره لیوالتیا لري او مونږ د سولې عالي شورا د غړیو په توګه سصولې ته له پخوا ډېر هیله من شوي یو.
اروپايي ټولنې هم په افغانستان کې د سولې لپاره د اجماع له جوړیدو او په سیمه ییزه او نړیواله کچه د افغانستان د جګړې له بیا ارزونې سره ملاتړ څرګند کړی او ویلي یې دي، چې د ژنیو غونډه په افغانستان کې د سولې د ټينګښت لپاره یو مناسب فرصت دی.
د اروپايي ټولنې د بهرني سیاست مسووله فیدریکا موګریني وایي: د بهرنیو چارو وزیران به د غونډې د ګډونوالو په توګه په مرکزي آسیا کې راغلي بدلونونه وڅېړي. دا غونډه د افغانستان د سولې، ثبات او پرمختګ لپاره مناسب فرصت دی. په دې غونډه کې به نړیوال په افغانستان کې د سالمې ادارې په اړه د افغانستان هغه ژمنې هم و ارزوي، چې پر دوه زره شپاړسم کال یې په بروکسل کې له نړیوالو سره کړې وې.
د کابل اوسیدونکي بیا وایي، چې د سولې لپاره وروستیو پرمختګونو او هڅو د خلکو هیلې یو څه راژوندۍ کړې دي.
د جمعیت اسلامي د رهبرۍ غړی محمد اسماعیل خان وایي: طالبان به د تېر په څیر سخت دریځ ونښيي؛ ځکه زه باور لرم، چې د سولې لپاره زمینه چمتو ده او طالبان، خلک، د افغانستان حکومت، امریکا او نړیواله ټولنه اوس سولې ته همغږې شوي دي.
طالبانو هم په قطر کې امریکایي استازي خلیلزاد ته د سولې د خبرو د پیلیدو لپاره خپلې غوښتنې او پوښتنې وړاندې کړي، چې د ځینو څرګندونو له مخې له بېلابېلو خواوو سره پرې غور روان دی.
ولسمشر غني له سیاسي رهبرانو او قومي مشرانو سره د سولې د مشورتي بورد د جوړښت په اړه سلا مشورې پی کړي، چې دغه بورد به د سولې د عالي شورا ځای نه نیسي، بلکې یوازې مشوره به ورکوي.
د یادونې ده، چې ډېر ژر به په هېواد کې د سولې لپاره د مشورتي بورد رامنځته کیدل هم اعلان شي.
خبریال: شاهپور فرهمند
تازه خبرونه
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
په ګمبیا کې د یکشنبې پر ورځ د اسلامي همکاریو ټولنې د پېنځلسمې سرمشریزې ګډونوالو د افغانستان له اسلامي امارت وغوښتل، چې د افغان نجونو او ښځو د زدهکړو او کار کولو حق ته درناوی وکړي.
د دې غونډې په پای کې دوی د زدهکړو او کار حق د افغان نجونو او ښځو له اساسي حقونو څخه وباله او په دې اړه یې د اسلامي امارت له چارواکو سره د نورو ډېرو بحثونو غوښتنه وکړه.
دغه راز د غونډې ګډونوالو په افغانستان کې د هر اړخیزې حکومتولۍ او تلپاتې سولې او ثبات د خوندي کولو لپاره د قومي ډلو، نشهیي توکو، تروریزم او ټولنیزو ستونزو مخنیوي ته د هڅو پر اړتیا ټینګار څرګند کړ.
د اسلامي همکاریو ټولنې د ۵۷ غړیو هېوادونو استازو په دغه کنفرانس کې، چې د تلپاتې پراختیا لپاره د خبرو له لارې د یووالي او پیوستون پیاوړتیا تر سرلیک لاندې جوړه شوې وه، ګډون کړی و.
د یادونې ده، چې په دې غونډه کې د اسلامي امارت یوه پلاوي ګډون درلود.
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه1 day ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه17 hours ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه22 hours ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
سوداگري19 hours ago
د ترکمنستان د سوداګرو او صنایعو اتحادیې مشر هرات ته سفر وګړ