Connect with us

ساینس او ​​ټیکنالوژي

د اپل  آیفون – ۱۵ به له نوې مادل سره بازار ته وړاندې شي

Published

 on

(Last Updated On: ليندۍ ۹, ۱۴۰۱)

که څه هم د آیفون – ۱۴ “پرو” سمارت ګرځندونو له رامنځته کېدو یوازې دوه میاشتې تېرې شوي؛ راپورونو په ډاګه کړې، چې آیفون – ۱۵ به له بېلابېلو بڼو سره بازار ته وړاندې شي.

د آیفون د بڼې د بدلونو لپاره ډېرو کاروونکیو پرلپسې ډېرې غوښتنې کړي؛ خو بیل هم ډېره موده کیږي، چې اپل د آی فون ګرځند په مادل کې کوم ځانګړی بدلون راوستی ندی.

د راپورونو له مخې، د Apple iPhone 15 مادل به ډېر ګرد وي. اوسمهال د آیفون مادل غزېدلی دی.

د یو شمېر څرګندونو له مخې؛ د تایتانیوم مواد به د آیفون راتلونکي مادلونو په بڼه کې وکارول شي، چې روښانه یې وساتي. دا بدلون به یوازې په “پرو” مادلونو کې پلي شي او المونیم به په نورمالو مادلونو کې وکارول شي.

په آیفون ۱۵ کې د نورو بدلونونو تر منځ مونږ کولی شو د پرو مادلونو لپاره 3nm چپ او د ټولو مادلونو لپاره USB-C پورت ذکر کړو.

ساینس او ​​ټیکنالوژي

یو فلزي ربات کولی شي پر بڼه بدلولو ځان نرم او د تېښتې لار خپله کړي

Published

on

(Last Updated On: سلواغه ۱۱, ۱۴۰۱)

پوهانو څرګنده کړې؛ یو کوچنی فلزي ربات کولی شي پر بڼه بدلولو په سختو ځایونو کې هم خپلې دندې بشپړې کړي او حتی له پنجرې تیښته وکړي.

د ساینسي څېړنو له مخې؛ ساینس پوهانو د روباتیک په برخه کې پرمختګ کړی او د داسې ربات پر جوړولو بریالي شوي، چې کولی شي ځان نرم کړي او د فلزې پنجرې په ګډون ځان له هر سخت چاپېریاله بریالی وباسي.

سمندري خیار یا بحري بادرنګ ته له ورته حیواناتو الهام اخیستل شوي دا کوچني رباتونه هم ځان نرموي او هم سختولی شي. له همدې کبله دوی د دې وړتیا لري، چې په بېلابېلو برښنایي او طبي څانګو کې یو لړ عملي خدمات چمتو کړي او پر هغو رباتونو غلبه ومومي، چې یو یا جامد حالت لري.

دا رباتونه کولی په سختو لارو کې حرکت وکړي. ان د اړتیا وړ توکي د انسان معدې ته وړاندې او له فلزي پنجرو څخه د تېښتې پروخت ځان نرم او مایع کړي.

د چین د هانګ‌کانګ پوهنتون انجنیر چینګ‌فینګ پان وايي: په رباتونو کې د مایع او جامد حالتونو ترمنځ د بدلون وړتیا د دوی هڅې نورې هم زیاتوي.

د دغه ربات په جوړولو کې څېړونکیو غیر زهرجن موادو ته اړتیا درلوده، چې وکولی شي په اسانۍ سره د خونې په حرارت کې د نرم او سخت حالت ترمنځ هم بدلون ومومي. دوی ګالیم ته مخه کړه، چې دا یو نرم فلز دی او د ۲۹ اعشاریه ۷۶ سانتي ګراد درجې لرونکی دی. دا درجه د انسان د بدن د حرارت له درجه یوازې یو څو درجې ټیټه ده. ان تاسې کولی شئ ګالیم یوازې په خپل لاس کې له نیولو سره ویلې کړئ.

څېړونکي هیله لري، چې دا ربات به د درملو په رسولو کې وکارول شي؛ خو تر اوسه په بشپړه توګه څېړل شوی ندی.

کارپوهانو ویلي؛ په راتلونکي کې باید نورې څېړنې هم ترسره شي او وښودل شي، چې دا رباتونه په طبي برخه کې څنګه کارول کیدی شي.

Continue Reading

ساینس او ​​ټیکنالوژي

د ناسا یوه پخوانۍ سپوږمکۍ به ډېر ژر پر ځمکه ولګیږي

Published

on

(Last Updated On: مرغومی ۱۹, ۱۴۰۱)

د ERBS په نوم د ناسا یوه ۳۸ کلنه له کاره لوېدلې سپوږمکۍ به ډېر ژر له آسمانه پر ځمکه ولګیږي.

د راپورونو له مخې؛ شونې ده، چې دغه سپوږمکۍ د یکشنبې پر شپه (د مرغومي ۱۸ ) سقوط وکړي.

ناسا اعلان کړی، چې د دې سپوږمکۍ راغورزېدل به انسانانو ته کوم ګواښ نه رامنځته کوي.

ناسا په خپله خبرپاڼه کې څرګنده کړې، چې پر انسانانو د دې سپوږمکۍ د پاتې شونو د راغورزېدو شونتیا ډېره لږ ده.

د ناسا چارواکو ویلي: ناسا تمه لري، چې د سپوږمکۍ ډېرې برخې به هوا ته له راننوتو سره سمې وسوځیږي؛ خو تمه کیږي، چې د هغې ځینې برخې د پاتې شي. په ځمکه کې د خلکو د ټپي کیدو خطر خورا ټیټ دی. یعنې په ۹۴۰۰ کې یو دی.

د ERBS سپوږمکۍ د ناسا د درې سپوږمکیو د ماموریت یوه برخه وه، چې په ۱۹۸۴ ز. کال کې د ځمکې ټیټ مدار ته استول شوې وه.

له بلې خوا په کالیفورنیا کې میشت فضايي شرکت Aerospace Corp ادعا کوي، چې دا سپوږمکۍ به د دوشنبې پر ورځ (د جدي ۱۹) سهار وختي راوغورځیږي او له آفریقا، آسیا، منځني ختیځ او د شمالي او جنوبي امریکا له لویدیځو سیمو تېریږي.

Continue Reading

ساینس او ​​ټیکنالوژي

په تویتر کې د سیاسي خبرتیاوو بندیز لرې شو

Published

on

(Last Updated On: مرغومی ۱۵, ۱۴۰۱)

تویتر د خپلې پخوانۍ پالیسۍ پر بدلولو څرګنده کړې، چې له دې وروسته تویتر سیاسي اعلاناتو ته اجازه ورکوي.

د راپورونو له مخې تویتر ویلي، چې دوی به په امریکا کې د هیله بښونکیو خبرتیاوو لپاره خپله خبرتیایي پالیسي نرمه او دغه راز به له تلویزیوني او نورو رسنیزو خبرتیاوو سره د سیالۍ ډګر ته راودانګي.

تویتر په ۲۰۱۹ کال کې پر سیاسي اعلاناتو بندیز ولګاوه او له هغه وروسته یې د ټولنیزو شبکو اړوند اعلانونه محدود کړل او د فیسبوک په څېر نورې ټولنیزې رسنۍ هم د امریکا د ولسمشریزو ټاکنو په اړه په خپلو پالیسیو کې د ناسمو معلوماتو د خپرولو له کبله تر نیوکې لاندې راغلې.

د تویترد هغه وخت اجرائیوي مدیر جیک دورسي د دې پرېکړې د اعلان په وخت کې ویلي وه: مونږ باور لرو، چې سیاسي پیغام باید پخپله د اوریدونکیو د نظرونو د جذبولو وړتیا ولري، نه دا، چې هغه واخیستل شي.

له هغه وخته، چې ایلان ماسک تویتر اخیستی؛ یو لړ ډېر محدودیتونه یې لرې کړي او اړوند هڅې ورسره پراخه شوې دي.

Continue Reading

Trending

Copyright © 2022 Ariana News. All rights reserved!