تازه خبرونه
پر انترکانتیننتال هوتل د ۵ بریدګرو برید پټې خواوې هم لري
د کورنیو چارو وزیر وايي، چې له بریدګرو سره د وسلو او چاودیدونکیو توکو په لیږد او ځای پر ځای کولو کې د هوتل د ننه کسانو همکاري کړې او د دغه خونړي برید زمینه یې ورته برابره کړې ده.
د کورنیو چارو وزیر ویس احمد برمک وایي؛ استخباراتي کمزوري بل هغه لامل دی، چې بریدګرو ته یې د برید تر سره کولو فرصت په لاس ورکړی دی.
د هرات ولایت د مخابراتي خدمتونو د تنطیم ادارې مسوول زمري همدرد په ډاګه کړې، چې کابو دولس ساعته په هوتل کې د ننه ایسار و او وايي، چې هوتل ته د ورغلې لارې د تلاشۍ په پوستو کې ایښودل شوي سکینر ماشینونه مخکې له مخکې له کاره غورزول شوي وه.
دی زیاتوي؛ ټول وسایل د پلټنې له پوستو تېر شوي؛ له مونږ سره ۲۰ بیکه ول، چې یو هم تلاشي شوی نه دی او سکینر ماشینونه دریدلي وه.
د نوموړي د څرګندونو له مخې؛ بریدګر د عمومي دروازې له لارې هوتل ته راننوتي او پر خلکو یې ډزې پیل کړې دي.
زمري څرګنده کړې، چې د هوتل په لومړي پوړ کې له ډزو سره سم په نورو پوړونو کې هم ډزې پیل شوې او بریدګرو په زیاترو خونو کې لاسي بمونه وغورزول او پر خلکو یې ناتاره ډزې وکړې.
د بدخشان د مخابراتو ریاست کار کوونکی سید ذکریا هم د برید پر مهال په انترکانتیننتال هوتل کې و. ده ځان له دوه یم پوړ څخه غورځولی، چې پښو یې ټپونه اخیستي او وایي، چې د ترور زوی مې د یو دوست لخوا راببل شوی و، خو ژوندی او مړی یې تر دې دمه معلوم نه دی.
دی هم په دې باور دی، چې د هوتل له داخله له همکارۍ پرته دا ډول برید امکان نه لري.
هغه زیاتوي، چې په برید کې شاوخوا شپېته کسان وژل شوي دي.
که څه هم له برید شل ساعته تېر شوي؛ خو خبریالانو ته اجازه نه ورکول کیږي، چې هوتل ته د ننه شي. اوس هم امبولانسونه دغه هوتل ته تګ راتګ کوي او ځيني کسان د خپلو خپلوانو مړي او ژوندي لټوي.
د کابل انترکانتینینتال هوتل د افغانستان پېنځه ستوریز او مهم هوتل دی، چې په دوه زره لسم میلادي کال کې هم نهه ځانمرګو بریدګرو پر دغه هوتل برید وکړ، چې نږدې دېرش کسانو ته یې مرګ و ژوبله واړوله.
دا، چې دا ځل بیا وسلوال بریدګر څنګه توانیدلي او دغه هوتل ته د ننه شوي، له خلکو سره یې په اړه ګڼې پوښتنې رامنځته کړې دي.
خبریال: فواد ناصري
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه20 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه19 hours ago
ترکمنستان د ټاپي پروژې بشپړولو ته ژمن دی – امانوف
-
لوبی17 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل