Connect with us

تازه خبرونه

ناتو د افغان ځواکونو د تجهیز او مالي ملاتړ ډاډ څرګند کړ

خپور شوی

 په

(Last Updated On: لړم ۳, ۱۳۹۸)

د افغانستان ملاتړي هېوادونه د ترهګرو د ځالو او پټنځیو د له منځه وړلو لپاره پر خپلو ژمنو ټینګار کوي او وایي، چې د پیسو پر ورکړې سربېره به افغان ځواکونو ته د داعش پر وړاندې جنګیدو لپاره تجهیزات هم برابر وي.

په بروکسل کې د ناتو عمومي منشي د دفاع وزیرانو د دوه یمې ورځې په ناسته کې، چې د افغانستان سیاسي او امنیتي وضعیت ته ځانګړې شوې وه؛ څرګنده کړې، چې مونږ باید د داعش پر وړاندې په مبارزه کې خپلې لاسته راوړنې خوندي کړو.

هغه زیاته کړې؛ مونږ د روزنې او تمویل په برخه کې هم د افغان امنیتي ځواکونو ملاتړ روان ساتو؛ ځکه، چې افغان ځواکونه کولی شي له نړیوالې ترهګرۍ سره مبارزه وکړي او د سولې لپاره شرایط رامنځته کړي.

ښاغلي ینس ستولتنبرګ د تېرې میاشتې د ولسمشرۍ ټاکنو په اړه ویلي، چې افغان ځواکونو د ټاکنو د امنیت په برابرولو کې کلیدي رول لوبولی دی.

دغه راز هغه له ټاکنیزو ډلو هم غوښتنه کړې، چې له زغمه کار واخلي؛ ځکه، چې ټاکنو کمیسیون د پایلو د روښانه کولو لپاره بشپړ کار روان ساتلی دی.

دغه راز ناتو د سولې خبرو له بیا  پیلولو ملاتړ کړی او د ناتو مشر وایي، چې طالبان باید رښتیني روغې جوړې ته لیوالتیا وښیي.

د نوموړي په اند؛ متحدین بېلابېل نظرونه لري؛ مونږ ژمن یو، چې باید په تاوتریخوالي کې د پام وړ کموالی رامینځته کړو.

ینس ستولتنبرګ له افغانستان سره د مخابراتي، ترانسپورتي او عامه خدمتونو د اغېزو په اړه د مرستو او همکاریو ډاډ څرګند کړ.

 د نوموړي د څرګندونو له مخې؛ په افغانستان کې د فساد پر وړاندې مبارزه ډېره مهمه ده او همدا علت دی، چې زمونږ د مرستو ډېره برخه له فساد سره د مبارزې لپاره ځانګړې شوې او مونږ باید ډاډه شو، چې مرستې بې ځایه نه او رڼې لګول کیږي.

نوموړی د سوریې د شمال او افغانستان وضعیت نه پرتله کوي او څرګندوي، چې هڅې مو په کې توپیر لري؛ مونږ په افغانستان کې حضور لرو او هوکړه مو کړې، چې له امریکا او ناتو سره په دغه هېواد کې خپل ماموریت ته ژمن پاتې شو.

د امریکا دفاع وزیر مارک سپر، چې د بروکسل له غونډې څو ورځې مخکې له افغان چارواکو او په افغانستان کې له میشتو ځواکونو سره لیدلي؛ د ناتو د دفاع وزیرانو په غونډه کې هم څرګنده کړې، چې موخه یې په افغانستان کې د ځواک ساتل دي.

دا په داسې حال کې ده، چې د افغانستان دفاع وزارت سرپرست اسدالله خالد هم د ناتو د دفاع وزیرانو د غونډې په څنډه کې له خپل ایتالوي سیال سره لیدلي او د افغان ځواکونو د وړتیاوو لپاره یې د ایتالیا ملاتړ اړین ګڼلی دی.

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

Trending

Copyright © 2022 Ariana News. All rights reserved!