تازه خبرونه
په زابل کې تازه پرانیستل شوي ښوونځي د تړلو له ګواښ سره مخ دي- قومي مشران
دوه میاشتې مخکې د دغه ولایت چارواکو د دوه کلونو په اوږدو کې د ۱۱۰ ښوونځیو د بیا پرانیستلو خبر ورکړی و؛ خو اوس د اړوند سيمو اوسیدونکي او قومي مشران وايي، د ودانیو د نشتون، د ښوونکیو او کتابونو د کمښت او د موجوده ښوونکیو د معاشونو د ځنډ له مبله دغه ښوونځي یو ځل بیا د بندیدو له ګواښ سره مخ کړي.
په زابل کې اوس هم د جګړو او ناامنیو له کبله له نیمايي ډېر ماشومان له زدکړو بې برخې دي؛ خو دوه میاشتې مخکې د دغه ولایت چارواکو د هغو ۱۱۰ ښوونځيو د بیا پرانیستلو خبر ورکړ، چې د ناامنیو او امکاناتو د نشتوالي له کبله تړل شوي وه.
قومي مشررحمت الله وايي، د کتابونو نه موجودیت، د مسلکي ښوونکیو کمښت او د موجوده ښوونکیو د معاشونو ځنډ د دې لامل شوى، چې دغه ښوونځي د بیا تړلو له ګواښ سره مخ شي.
قوميپ مشر نیک محمد له حکومت غواړي، چې تازه پرانیستل شویو ښوونځیو ته دې ودانۍ جوړې او اړوند امکانات دې ورته برابر کړي.
شملزي له دیورند کرښي سره نږدې پرته ولسوالي ده، چې ۱۷ کاله وروسته په کې طالبانو د قومي مشرانو په غوښتنه د ۲۰ ښوونځيو د بیا پرانیستلو اجازه ورکړې؛ خو دا مهال په دغو تازه پرانیستل شويو ښوونځیو کې د ودانيو د نشتوالي تر څنګ نه کتاب شته او نه هم ښوونکي.
د شملزو ولسوال عنایت الله توخي وايي، د یادو ستونزو په اړه څو ځله له چارواکو سره خبرې شوي؛ خو ستونزه اوس هم پخپل ځاى پاتې ده.
د زابل د پوهنې رییس نصرالله زاهد وايي، د تازه پرانیستل شویو او پخوانیو ښوونځيو لپاره یې د ودانیو د جوړولو په اړه پر پلانونو کار روان دی او ډېر ژر به د ښوونکیو د معاشونو او کتابونو د ستونزې لپاره هم هڅې پیل او پرانیستل شوي ښوونځي به په هیڅ صورت بیا ونه تړل شي.
د دغه ولایت د پوهنې ریاست د چارواکو د معلوماتو له مخې؛ په زابل کې دا مهال ۲۲۴ ښوونځي شته، چې ۲۰۰ یې فعال او ۲۴ نور یې د ناامنیو تر څنګ د امکاناتو د نشتوالي له کبله تړلي پاتې دي.
خبریال: بريالي رحيمي
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه11 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه12 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه