تازه خبرونه
په افغانستان کې به د امنیت او ثبات نوی فصل پرانیستل شي- سعودي چارواکي
د سعودي چارواکي هیله لري، چې په دغه هېواد کې د دیني عالمانو له غونډې وروسته به په افغانستان کې د امنیت او ثبات نوی فصل پرانیستل شي.
په سعودي کې د افغانستان د جګړې د حل لارې موندلو په موخه د اسلامي هېوادونو د دیني عالمانو له غونډې وروسته د دغه هېواد پادشا ملک سلمان له افغان دیني عالمانو سره کتلي دي.
ملک سلمان تمه ښودلې، چې له دغه کنفرانس وروسته به په افغانستان کې د امنیت او ثبات تازه فصل پرانیستل شي.
هغه ټينګار کړی؛ په افغانستان کې سولې او ثبات ته رسیدل یوازې د خبرو او زغم له لارې امکان لري، چې په دې خبرو کې باید اسلامي موازین په پام کې ونیول شي.
د سعودي عربستان پادشاه ملک سلمان وایي: مونږ هیله من یو، چې په افغانستان کې د تاوتریخوالي پاڼه واړول شي او د امنیت او ثبات تازه فصل پرانیستل شي. د نوي فصل په پرانیستل کیدو به د افغانانو هیلې، چې امنیت او ثبات دي، پوره شي.
په دغه لیدنه کې د افغانستان دیني عالمانو له ملک سلمان څخه غوښتي، چې په افغانستان کې د سولې لپاره هڅې چټکې کړي او د افغان دولت او وسلوالو طالبانو تر منځ منځګړیتوب وکړي.
په سعودي عربستان کې د افغانستان د کړکیچ د حل لپاره د اسلامي هېوادونو د دیني عالمانو دا غونډه په څو لسیزو کې بې سارې ګڼل شوې ده.
افغان دیني عالم ویلي، چې ۵۷ اسلامي هېوادونو پرېکړه کړې، چې افغانستان اسلامي هېواد دی او پر وړاندې یې جګړه ناروا ده؛ ځکه، نو مونږ له دې حرکته ملاتړ کوو.
د افغانستان د خلکو د ملي اجماع رييس ابراهیم الکوزی وایي، چې د عالمانو له پرېکړې ملاتړ ښه کار دی؛ خو د افغانستان خلک دې پر ښکېلو خواوو فشار راوړي، چې د سولې لپاره زمینه برابره شي.
په سعودي عربستان کې د اووه پنځوس اسلامي هېوادونو څخه له دوه سوه ډېرو د یني عالمانو ګډون درلود. دغو دیني عالمانو په افغانستان کې روانه جګړه غیر شرعي وبلله او ټينګار وشو، چې د جګړې ښکېلې خواې باید دغه جګړه و دروي او د سولې خبرې پیل کړي.
وسلوالو طالبانو بیا د دغې غونډې مخالفت کړی او ویلي یې دي، چې را ټولو شویو دیني عالمانو د لویدیځ لخوا د افغانستان اشغال ته هیڅ پام ونکړ او نه یې په دې اړه خبرې وکړې.
خبریال: شاهپور فرهمند
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه17 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه17 hours ago
په عراق کې به همجنسبازان پر۱۵ کاله بند شي –پارلمان
-
لوبی15 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل