تازه خبرونه
په تورخم کې سرحدي پولیس له خلکو ناقانونه پیسې اخلي
په تورخم کې سرحدي پولیس، نه یوازې اته ځایه له خلکو ناقانونه پیسې اخلي، بلکې په پراخه قاچاق کې هم ښکېل دي.
د لارۍ موتر چلوونکی شربت خان وایي، د تورخم ځنځیر په لس مترۍ کې د سرحدي پولیسو یوه کوټه د ناقانونه پیسو ټولونې لومړنی ځای دی.
د نوموړي په وینا؛ پولیسو د کوټې تر څنګ په شخصي جامو کې کسان درولي او پخپل زور له هرموتر څخه پېنځه سوه کلدارې اخلي.
د سوداګر حاجی زلمي لویه اندېښنه داده، چې د تورخم کمیسار د قاچاق لپاره خپله ډله جوړه کړې او له پاکستان څخه قاچاقي مالونه راتېروي.
د چاقاچ رالیږدوونکي ډاډ سن موتر چلوونکی حکمت الله وایي؛ سرحدي پولیس له مال رلیږدوونکیو او هغو لاسي کراچیو او موترو بیا پیسې اخلي، چې له دې ځای څخه دا قاچاقي توکي وړي.
د تورخم کمیسار مرستیال د انځور پر نه اخیستلو ټینګار کاوه او ویل یې، چې په دې کارو بارکې لوی خلک شریک دي او دا انځورونه پردې کار و بار هیڅ اغېزنشي کولی.
د ننګرهار د ولایتي شورا مرستیال لال محمد دُرانی وایي، دوی یوازې د قاچاق او په ځنځیر کې له موترو پرناقانونه پیسو اخستلو بسنه نه کوي، بلکې اته ځایه له خلکو ناقانونه پیسې هم اخلي.
خلک وايي، د همدې فساد پرمټ د تورخم له دروازې چاودیدونکي توکي هم راوړي او ترڅنګ یې هره میاشت میلیونونه افغانۍ ګټه تښتي.
د دوی د څرګندونو له مخې، په دې قاچاق کې د تورخم د ګمرک مسوولین هم ښکېل بلل کیږي.
د تورخم ګمرک مدیر محمد طاهر رشیدي وایي، سرحدي پولیس د قاچاق په مخنیوي کې هیڅ ډول همکاري نه کوي.
د تورخم کمیسار او د سرحدي پولیسو قومندان په دې اړه له څه ویلو ډډه وکړه.
د سرحدي پولیسو، د ملي امنیت، د ګمرک د پولیسو، په تورخم کې د والي د کسانو اود یادو بنسټونو د مسوولینو ترسترګو لاندې دا فساد له مودې راهیسې روان دی؛ خو د پوښتنې او مخنیوي یې هیڅوک نشته.
خبریال: رحمت الله زیارمل
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه14 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه15 hours ago
په عراق کې به همجنسبازان پر۱۵ کاله بند شي –پارلمان
-
لوبی12 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل