تازه خبرونه
په دوحه کې له دمې وروسته د نهم پړاو خبرې بیا پیلیږي
د قطر په دوحه کې د پنجشنبې پر ورځ له غرمې وروسته د امریکایي او طالب پلاوو تر منځ د افغانستان د سولې په اړه خبرې پیل شوې؛ خو د جمعې پر ورځ په کې دمه رامنځته شوه.
طالبانو په یوه خبرپاڼه کې په ډاګه کړې، چې د خبرو نهم پړاو د جمعې پر ورځ( د وږي پر لومړۍ) ودرید او ټاکل شوې، چې ماښام مهال بیا له سره پیل شي.
پر لومړۍ ورځ د دغو خبرو اترو مشري په افغانستان کې د بهرنیو ځواکونو لوی قومندان سکات میلر او طالب استازي شېر محمد عباس ستانکزي کړې ده.
له دغو خبرو څخه با خبره سرچینو ویلي؛ د دې خبرو اترو پر لومړۍ ورځ دواړه لوريو د امریکا د استخباراتي ځواکونو پر حضور او یا نه حضور، د طالب بندیانو پر آزادولو او دا، چې د سولې تړون به په کومه کچه لاسلیک شي، مشورې کړې دي.
یو شمېر سیاسیونو ویلي؛ د امریکایانو او طالبانو تر منځ کوم داسې خنډ ندی پاتې، چې د سولې هوکړې لاسلیک وننګوي.
په پاکستان کې د افغانستان پخواني سفیر عمر زاخېلوال ویلي، چې سره کرښه نشته؛ خو په ژیړه کې لږ اختلاف شته او دا هم دومره د ټینګار وړ نده، چې د سولې هوکړې د لاسلیک مخه ونیسي.
د حزب اسلامي رییس عبدالهادي ارغندیوال څرګنده کړې؛ مونږ په تمه یو، چې امریکا به په افغانستان کې د تلپاتې سولې په اړه عادلانه پرېکړه وکړي.
د امریکا د ځمکنیو ځواکونو د قومندانۍ پخواني مرستیال جک کین ویلي؛ د هغه هوکړه لیک له مخې، چې د دواړو لوریو تر منځ به لاسلیک شي امریکا به له ځنډه پرته له خپلو څوارلس زره سرتېرو څخه اته زره شپږ سوه سرتېري له افغانستان وباسي او ټاکل شوې د ۲۰۲۰ کال د اکتوبر تر میاشتې خپل ټول سرتېري له دې هېواد وباسي.
نوموړی وایي، د سولې هوکړې چورلیز دا دی: امریکا له طالبانو سره هوکړې ته رسیدلې، چې له دې هېواده به د ۲۰۲۰ کال تر پایه ووځي. دا کار له اوس څخه څوارلس تر ۱۵ میاشتې وخت اخلي او په بدل کې مونږ څو شرطونه لرو:
لومړی طالبان او افغان حکومت به په خپلو کې خبرې اترې کوي.
دوه یم مونږ په ۱۴۰ ورځو کې په بیړه خپل اته زره شپږ سوه سرتېري له افغانستان څخه وباسوو او ټول به هم وباسوو. د دې لپاره، چې ډاډمن شو د طالبانو او افغان حکومت تر منځ هوکړه شوې.
درېیم هغه څه دي، چې مونږ یې له ستونزو سره مخ کړي یو: لومړی؛ طالبان به امریکا ته تضمین ورکړي، چې القاعده به په افغانستان کې خوندي جنت جوړ نه کړي. دوه یم دا، چې طالبان باید داعش ته ماتې ورکړي. مونږ پوهیږو، چې طالبان د باور وړ ندي او په دې اړه شواهد هم شته.
تمه کیږي، چې په دې پړاو کې دا هوکړې نهایي شي؛ خو معلومه نده، چې دا خبرې به څومره اوږدې شي. دا په داسې حال کې ده، چې افغان حکومت ویلي؛ تر هغې، چې امریکا او طالبان لومړنۍ هوکړې ته ونه رسیږي، د خپل مرکچي پلاوي د غړو نومونه نه په ډاګه کوي.
خبریال: شاهپور فرهمند
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
-
تازه خبرونه1 day ago
الله ګل مجاهد د قتل پر تور ونیول شو
-
سوداگري4 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی4 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
نړۍ5 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
سوداگري1 day ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
سعودي عربستان ته د افغان حاجیانو د لېږد بهیر پیل شو
-
تازه خبرونه23 hours ago
په بغلان کې سېلابونو ۱۹۴۵ کسانو ته مرګ او ژوبله اړولې