تازه خبرونه
په افغانستان کې هره ورځ ۹ ماشومانو ته مرګ و ژوبله اوړي-یونسیف
په افغانستان کې د یونسیف دفتر په ډاګه کړې، چې هره ورځ په دې هېواد کې په منځنۍ کچه د جګړو له کبله نهه ماشومانو ته مرګ و ژوبله اوړي.
د یونسیف په تازه راپور کې، چې د سې شبې پر ورځ( د لیندۍ ۲۶) خپور شوی راغلي؛ افغانستان د نړۍ په کچه ماشومانو ته خطرناک هېواد دی او په ۲۰۱۹ کال کې د ماشومانو تلفات د تېر کال په تناسب یوولس سلنه زیات شوي دي.
په افغانستان کې د یونسیف د دفتر مشر ابوبکر کامپو وایي، چې د روان کال په لومړیو نهو میاشتو کې شپږ سوه یودېرش ماشومان په افغانستان کې وژل شوي او یو زر و اته سوه دېرش ماشومان ټپیان دي چې د ۲۰۱۸ کال په پرتله دا یوولس سلنه زیاتوالی ښیي.
د دې راپور له مخې، د ۲۰۰۹ او ۲۰۱۸ کلونو تر منځ شپږ نیم زره ماشومان وژل شوي او پېنځلس زره نور ټپیان دي، چې له دې کبله په ۲۰۱۸ کال کې افغانستان د نړۍ په کچه ماشومانو ته خونړی او جنګي هېواد وګڼل شو.
د یونسیف د څرګندونو له مخې؛ درې اعشاریه اته میلیون ماشومان بشري مرستو ته اړتیا لري، له هرو درې ښځو یوه یې له اتلس کلنۍ مخکې ودیږي، درې اعشاریه اووه میلیون ماشومان، چې د ښوونځي شرایطو ته برابر دي، له زدکړو بې برخې دي، له پېنځه کلونو ټیټ عمره شپږ سوه زره ماشومان پر خوار ځواکۍ اخته دي، دېرش سلنه ماشومان پر درندو کارونو بوخت دي.
څلور سوه زره ځوانان هر کال د کار بازار ته وړاندې کیږي؛ خو مسلکي ندي، چې خپلې ستونزې حل کړي.
ښاغلي ابوبکر کامپو وايي: زه فکر کوم دا به ډېره سخته وي، چې یوازې یوه لوري ته د نیوکې ګوته ونیسو. باید ټول د تاوتریخوالي او وژنو د مخنيوي لپاره کار وکړي. په داسې یوه وضعیت کې، چې تلفات په ځانګړي توګه د ماشومانو تلفات ډېر دي؛ باید د جګړې د پای لپاره د سولې رغنده خبرې وشي.
د یونسیف د څرګندونو له مخې؛ په افغانستان کې څلور لسیزو جګړو پر ماشومانو ناوړه اغېز کړی او د جګړې ښکېل لوري د ماشومانو په ساتنه کې پاتې راغلي دي.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې