Connect with us

تازه خبرونه

په تېره یوه لسیزه کې له اقینې بندر څخه ۱۷۹ میلیون افغانۍ غلا شوي

خپور شوی

د

(Last Updated On: لړم ۳, ۱۴۰۱)

آریانا نیوز ته رسیدلي سندونه ښيي، چې له دیارلس سوه ۱۳۹۲ لمریز لیږدیز کال څخه تر ۱۳۹۸ پورې یو سل و نهه اویا میلیون افغانۍ او څلور سوه یو څلوېښت زره دالر تالا ترغۍ شوي دي.

د دغو افغانیو او دالرو پر غلا د اقینې بندر د خدمتونو پخوانی امر تورن دی، چې په ناقانونه توګه یې په اندخوی کې د ملي بانک له څانګې ایستلي دي.

آریانا نیوز د فاریاب ولایت له اقینې بندر څخه د میلیونو افغانیو او سلګونه زره دالرو د غلا اسناد تر لاسه کړي دي.

حبیب الله نومی، چې د دیارلس سوه دوه نوییم لمریز کال څخه تر اته نويیم پورې د دغه بندر د خدمتونو امر و؛  تر دیارلس سوه دري نوي کال پورې یې څه کم یو سل و اتلس میلیون افغانۍ په اندخوی کې د ملي بانک له څانګې په ناقانونه توګه ایستلي دي.

حبیب الله تورن دی، چې هر کال یې له دې بندره سلګونه زره افغانۍ غلا کړي دي.

آریانا ته د رارسیدلیو اسنادو له مخې؛ حبیب الله له دیارلس سوه څلور نوي څخه تر اته نويیم پورې د اقینې بندر له عوایدو څخه دري پنځوس میلیون او پېنځه سوه زره افغانۍ له بانکه ایستلي دي.

د لویې څارنوالۍ ویاند جمشید رسولي ویلي؛ د فاریاب ولایت استناف محکمه د قضیې د روشانه کولو لپاره نوموړی جاب کړی؛ خو تر دې دمه هغه یادې محکمې ته حاضر شوی ندی. هر کله ، چې نوموړي حاشر شو؛ قضیه به یې وڅېړل شي.

په مجموعي توګه د اقینې له بندر څخه په تېرو لس کلونو کې یو سل و اته اویا میلیون افغانۍ غلا شوي دي.

له بلې خوا د سوداګرۍ وزارت اسناد هم ښيي، چې د اقینې بندر له عوایدو څخه څلور سوه یو څلوېښت زره دالر هم شخصي جیبونو ته لویدلي دي.

په یوه بل سند کې هم راغلي، چې د اقینې بندر له امر سره د جوړجاړې له مخې دیارلس میلیون افغانۍ او درې سوه دوه نوي زره دالر د خدمتونو د ادارې له عوایدو څخه هم غلا شوي دي.

د مالیې وزارت ویاند شمروز خان مسجدي څرګنده کړې؛ هغه کس، چې پر فساد او ناقانونه کړنو تورن دی؛ سیمه ییزې ادارېکشفي، عدلي او قضایي بنسټونو ته ورپېژندلی دی او مونږ هم په دې تمه یو، چې د اړوند ادارو لخوا پرې قانون پلی شي.  

د اقینې بندر د خدمتونو اداره دولتي ده، چې د مالونو د کښته کولو، بارولو او د مالونو د ساتلو دندې لري.

تازه خبرونه

برای نخستین بار از طریق دهلیز هوایی یک پرواز از امارات متحده عربی به بلخ انجام شد

Published

on

(Last Updated On: کب ۴, ۱۴۰۲)

برای نخستین بار پس از روی کار آمدن امارت اسلامی، از طریق دهلیز هوایی یک پرواز از امارات متحده عربی به میدان‌ هوایی مولانا جلال‌الدین محمد بلخی در ولایت بلخ انجام شد.

مسوولان این میدان هوایی گفته‌اند که در پرواز انجام شده شانزده تُن اموال تجارتی مشمول سامان آلات برقی مربوط شرکت «بیات‌ پاور» بوده که از دُبی به شهرمزارشریف انتقال یافته است.

عبدالله مطمئن، مدیر گمرک میدان هوایی مولانا جلال‌الدین محمد بلخی در این زمینه گفته است: «این اولین بار است که از طریق دهلیز هوایی از دُبی به مزارشریف پرواز انجام شده؛ گفتگوها با تاجران جریان دارد و امیدواریم که در آینده نیز این دهلیز را فعال نگهداریم.»

در همین حال، مسوولان اتاق تجارت و سرمایه‌گذاری بلخ بر گشایش دهلیز هوایی و آغاز روند عمومی انتقال اموال تجارتی از طریق خط هوایی تأکید می‌کنند.

اسدالله اسدی، رئیس اتاق تجارت و سرمایه‌گذاری بلخ گفته است: «در بخش انتقالات اموال تجارتی کارگوی هوایی هم خیلی از موارد مهم می‌باشد.»

این در حالی است که پیش از این از طریق دهلیز هوایی میدان هوایی مولانا جلال‌الدین محمد بلخی، جلغوزه و سایر اقلام تجارتی به کشورهای منطقه صادر شده بود.

Continue Reading

تازه خبرونه

د اسلامي امارت د غوښتنو له منل‌کېدو پرته به د م.م په غونډو کې ګډون ونه‌کړو- مولوي عبدالکبیر

Published

on

(Last Updated On: کب ۴, ۱۴۰۲)

د ریاست الوزراء سیاسي مرستیال مولوي عبدالکبیر د دوحې په ناسته کې د اسلامي امارت د پلاوي د ګډون په اړه د ملګرو ملتونو وروستۍ پرېکړې ته ګوته ونیوله او هغه یې ناسمه وبلله.

مولوي عبدالکبیر په دې اړه څرګنده کړې؛ که ملګري ملتونه او هېوادونه د اسلامي امارت غوښتنې ومني؛ نو د ملګرو ملتونو او هېوادونو په راتلونکیو غونډو کې به د افغانانو استازیتوب وکړي.

د ارګ په خبرپاڼه کې راغلي، چې تېر ماښام (پنجشنبه د کب درېیمه) په کابل کې د افغانستان اسلامي امارت د رياست الوزراء سياسي مرستيال مولوي عبدالکبیر له سراج الاسلام دارالعلوم څخه د فارغو شویو عالمانو د دستار بندۍ پر مهال ویلي؛ که د اسلامي امارت غوښتنې ومنل شي؛ نو د ملګرو ملتونو او هېوادونو په راتلونکیو غونډو کې به د افغانستان پر استازیتوب ګډون وکړو.

د یادونې ده، چې د دوحې له غونډې مخکې د افغانستان بهرنیو چارو وزارت چارسمبالي له ملګرو ملتونو څخه د خبرو اترو او تعامل لپاره د استازیتوب غوښتنه کړې وه؛ خو د نه منل کېدو پر دلیل بیا اسلامي امارت په دې غونډه کې د نه ګډون پرېګړه وکړه.

Continue Reading

تازه خبرونه

په افغانستان کې د ګډو ګټو لپاره یوه ځواکمنه اجماع رامنځته شوې – ټوماس ویسټ

Published

on

(Last Updated On: کب ۴, ۱۴۰۲)

د افغانستان لپاره د امریکا ځانګړي استازي ټوماس ویسټ د پنجشنبې پر ورځ (د کب درېیمه) په ایکس پاڼه کې لیکلي، چې د فبرورۍ پر اتلسمه او نولسمه د دوحې له تر سره شوي دوه ورځني کنفرانس څخه واشنګټن ته راستون شوی دی.

ټوماس ویسټ د دوحې د غونډې په اړه څرګنده کړې؛ هیڅ هېواد نه غواړي، چې د تروریزم ګواښ له افغانستان څخه راپورته شي او ټول کار او ټولنیز ژوندانه ته د افغان نجونو د راګرځېدا او د منځنيو ښوونځيو، لیسو او پوهنتونونو د پرانیستې غوښتونکي دي.

د افغانستان لپاره د امریکا ځانګړي استازي دا هم ویلي، چې له افغانانو سره د مرستې لپاره کلکې ژمنې شته؛ خو د اقتصادي ثبات او د افغانانو د اقتصادي راتلونکي مالکیت په اړه اندېښنې شته.

ټوماس ویسټ د اسلامي امارت له‌خوا د کوکنارو پر کښت د بندیز د پلي کیدو یادونه هم کړې او وایي، چې ډېرو هېوادونو منلې او د ملګرو ملتونو د اړوندې ادارې د ارزونې له مخې د کوکنارو په کښت کې ۹۵ سلنه کموالی راغلی دی.

دغه راز نوموړي د افغانستان د مدني ټولنې له استازو سره ناستې ته نغوته کړې او ټینګار کوي، چې امریکا د ملګرو ملتونو پر مشرۍ د افغانستان په اړه د دغه راز غونډو له جوړېدو ملاتړ کوي.

همدارنګه په دې اړه وایي، چې د افغانانو او نړیوالو ګډې ګټې باید د دغو غونډو په‌سر کې وي.

دا په داسې حال کې ده، چې افغانستان د دوحې له غونډې مخکې د بهرنیو چارو وزارت چارسمبالي پر استازیتوب له ملګرو ملتونو څخه دې غونډې ته د لوړې کچې د خبرو اترو او تعامل وړاندیز کړی و؛ خو د نه منل کېدو پر دلیل بیا اسلامي امارت په دې غونډه کې د نه ګډون پرېګړه وکړه.

Continue Reading

Trending

Copyright © 2022 Ariana News. All rights reserved!