Connect with us

بلخ @ps

له افغان ځواکونو سره جګړه « تپلې او ناروا» ده- هېوادوال

Published

 on

(Last Updated On: کب ۱۳, ۱۳۹۸)

د بغلان ولایت اوسیدونکيو ویلي، چې د طالبانو او امریکایانو د سولې له هوکړې وروسته په هېواد کې له افغان ځواکونو سره جګړه روانه ساتل « تپلې او ناروا» ده.

دوی له طالبان او امریکایانو وغوښتل، چې له خپلمنځي خبرو مخکې د زندانیانو هر راز تبادله د افغانستان د خلکو په خیر نده.

د بغلان ولایتي شورا مشر او د افغان ځواکونو قومندان ویلي؛ دا جګړه تحمیلي ده او طالبان له دې کاره څه ګټه تر لاسه کولی نشي او یوازې د خلکو کرکه به راوپاروي.

د راپورونو له مخې طالبانو د یوې اوونۍ له اورکم وروسته بیا خپلو جنګیالیو ته سپارښتنه کړې، چې خپلې پوځي هڅې د تېر په څېر روانې وساتي؛ خو پر امریکایي او بهرنیو ځواکونو دې بریدونه نکوي.

دغه راز د راپورونو له مخې؛ وسلوالو طالبانو يو ځل بيا په پکتیا، کندهار، هلمند، زابل او روزګان ولايتونو کي خپل بريدونه پيل کړي، چي په کي يو شمېر امنيتي سرتېرو ته مرګ و ژوبله اوښتې ده.

ملګرو ملتونو هم په یوه تویت کې له طالبانو غوښتي، چې اورکم روان وساتي، چې خپلمنځي خبرو ته زمینه برابره، تلپاتې سوله رامنځته او شخړې سیاسي حل شي.  د افغانستان لپاره د اروپایي ټولنې ځانګړي استازي رونالد کوبیا هم د طالبانو پر بریدونو اندېښنه څرګنده کړې او وایي، چې د جګړې بیا پیل د امریکا او طالبانو له هوکړې سره اړخ نه لګوي او اوس د زور کارولو وخت ندی، بلکې باید ډاډ او باور رامنځته شي.

دا په داسي حال کي ده، چي د شنبې پر ورځ د کب ۱۰ د امريکا او طالبانو تر منځ / په افغانستان کې د سولې راوستلو / تړون لاسليک شو؛ خو اوس هم وسلوالو طالبانو او  افغان حکومت خپل لوري ندي بدل کړي؛ د افغان ځواکونو پر ضد د جګړې سپارښتنه شوې او د  بندیانو خوشې کول له خپلمنځي خبرو مخکې ناشونې ګڼل کیږي، چې دې کار ښکېلې خواوې جګړې ته راګرزولي دي. 

بلخ @ps

په بلخ کې د داعش د خراسانۍ ډلې درې مهم غړي ووژل شول – د استخباراتو ریاست

Published

on

(Last Updated On: وری ۷, ۱۴۰۲)

د افغانستان اسلامي امارت د استخباراتو عمومي ریاست د یکشنبې پر ورځ ( د وري شپږمه ) څرګنده کړې، چې په بلخ کې یې د یو لړ ځانګړیو عملیاتو پر مهال د داعش درې مهم غړي وژلي دي.

د یاد بنسټ د څرګندونو له مخې؛ د داعش ډلې پخوانی والي او دوه‌یم نمبر مشر مولوي ضیاءالدین، د خراسان څانګې د شورا غړی ابو عمر افریدی او د داعش د پوځي روزنې مسوول استاد سلمان تاجکستانی له منځه وړل شوي دي.

د استخباراتو عمومي ریاست ويلي، مولوي ضیاءالدین له شهاب المهاجر مخکې د خراسان لپاره د داعش والي او د اداري او قضايي چارو مسوول و.

د استخباراتو ریاست ویلي، چې استاد سلمان د تاجکستان تبعه او د پوځي روزنې او چاودیدونکیو توکو په جوړولو کې څانګوال او متخصص و.

دغه ځانګړي عملیات له تېرې یوې اوونۍ راپدیخوا په بلخ ولایت کې د داعش پر ضد د اسلامي امارت دوه‌یم عملیات دي.

د اسلامي امارت ویاند ذبیح الله مجاهد د تېر کال د کب میاشتې پر اووه ویشتمه نېټه ویلي وه، چې په مزارشریف ښار کې د داعش پر درې پټنځیو برید شوی دی.

د افغانستان اسلامي امارت د استخباراتو عمومي ریاست هم د یکشنبې پر ورځ ( د وري شپږمه ) په ډاګه کړه، چې په فاریاب کې یې د داعش هغه وسله‌وال نیولي، چې د بلخ والي داوود مزمل په وژلو کې یې لاس درلود.

د دغه رياست د څرګندونو له مخې، دغو کسانو په کابل، بلخ او فارياب په بريدونو کې لاس درلود.

دا په داسې حال کې ده، چې د اسلامي امارت د استخباراتو عمومي ریاست د کابل ښار د دولسمې امنیتي حوزې د اړوند سیمې په ځانګړیو عملیاتو کې د داعش د هغه غړی وژل تائید کړل، چې د کورنیو چارو وزارت پر جومات یې د برید مشري کړې وه.

Continue Reading

بلخ @ps

د بلخ والي محمد داوود مزمل په یوه چاودنه کې ووژل شو

Published

on

(Last Updated On: کب ۱۸, ۱۴۰۱)

د افغانستان د بلخ ولایت والي ملا محمد داوود مزمل د دغه ولایت په مقام کې د چاودنې له کبله خپل خوږ ژوند له لاسه ورکړ.

د بلخ امنیه قومندانۍ ویاند محمد آصف وزیري آریانا نیوز ته ویلي، چې چاودنه نن سهار ( پنجشنبه د کب ۱۸) شاوخوا نهه بجې د بلخ ولایت په مقام کې دننه رامنځته شوې ده.

د وزيري د څرګندونو له مخې؛ په دې چاودنه کې پر محمد داوود مزمل سربېره دوه نور کسان هم وژل شوي دي.

د افغانستان اسلامي امارت ویاند ذبیح الله مجاهد هم په یوه تویت کې د داوود مزمل وژل کېدل تائید کړي دي.

نوموړي څرګنده کړې: له خواشینۍ سره مو خبر ترلاسه کړ، چې د بلخ والي الحاج ملا محمد داوود مزمل له یوه بل ملکي وګړي سره د اسلام د دښمنانو لخوا په یوه چاودنه کې شهید شوی دی.

تر اوسه هیچا د دې پېښې پړه پر غاړه نده اخيستې.

Continue Reading

بلخ @ps

په بلخ کې د یوې کورنۍ اووه غړي وژل شوي

Published

on

(Last Updated On: سلواغه ۱۶, ۱۴۰۱)

د بلخ امنیتي چارواکو ويلي؛ د دې ولایت په چمتال ولسوالۍ کې د یوې کورنۍ اووه غړي پر مرموز ډول وژل شوي دي.

د بلخ ولایت د امنیه قومندانۍ ویاند محمد آصف وزیري څرګنده کړې، دغه کورنۍ د جمعې پر شپه (د سلواغې ۱۴ ) پر مرموز ډول وژل شوې ده.

د محمد آصف وزيري د څرګندونو له مخې؛ د دې پېښې په قربانيانو کې ماشومان او ښځې هم شته دی.

آصف وزیری وايي، تر اوسه د دې وژنې لامل او انګېزه نده څرګنده؛ خو د پېښې د عاملینو د نیولو هڅې روانې دي.

Continue Reading

Trending

Copyright © 2022 Ariana News. All rights reserved!