Connect with us

تازه خبرونه

په افغانستان کې پانګونې ته د امریکايي پانګوالو هیلې ډېرې شوي

خپور شوی

د

(Last Updated On: کب ۱۳, ۱۳۹۸)

د افغانستان – امریکا ګډې سوداګریزۍ  خوني مسوولینو ويلي، چې د طالبانو او امریکا ترمنځ  د سولې راوستلو له هوکړې وروسته په ډېر شمېر امریکايي  پانګوالو په افغانستان کې پانګونه کړې ده.

د افغانستان او امریکا د ګډې سوداګرۍ خونې مشر څرګنده کړې، چې له وسلوالو مخالفانو سره د امریکا له هوکړي وروسته به په ډېرشمېر امریکايي پانګوال په افغانستان کې پانګونه او سوداګري پراخه کړي.

د نوموړي د څرګندونو له مخې؛ افغانستان د پانګونې او سوداګرۍ  په برخه کې خورا لوړ ظرفیتونه لري، چې د روان زیږدیز کال په جون میاشت کې به د افغانستان او امریکايي پانګوالو په ګډه ناسته کې پرې بحث وشي.

د افغانستان او امریکا د ګډې سوداګریزې خونې مشر جیفري ګرایکو ویلي؛ مونږ د امریکا او طالبانو له هوکړي وروسته هیله من شوي یو، چې ډېر امریکايي سوداګر او افغان سوداګر به ګډې پانګونې هم تر سره کړي.

د سوداګرۍ او پانګونې خونې مدیره پلاوي مشر سید زمان هاشمي وایي:  مونږ په دې ناسته کې چمتوالی نیسو، چې په افغانستان کې د امریکايي پانګوالو پانګونه جذب کړو.

د افغانستان او امریکا د ګډې خونې مدیره پلاوي مشر سلیمان لطفي ویلي؛ مونږ به هڅه وکړو، چې د دواړو هېوادونو پانګوالو ته د پانګونې د زمینو په اړه پوره معلو مات ورکړو.

افغان پانګوالو هم د افغانستان او امریکا د ګډې سوداګرۍ خونې په غونډه کې وویل، مونږ په افغانستان کې د سوداګرۍ لپاره ډېر فرصتونه لرو.

امریکايي سوداګر مت نیسلي وایي، مونږ په افغانستان کې د پانګونې ډېر ظرفیتونه لرو، چې ورسره به په افغانستان کې پانګونه پراخه شي.

د سوداګرۍ او پانګونې خوني مسو،لینو ويلي؛ دمګړۍ د افغانستان او امریکا ترمنځ کلنۍ  راکړه وکړه شپېته میلیون امریکايي دالروته رسیږي، چې ۵۵ میلیون يې واردات او پاتې یې د افغانستان  صادرات دي، چې په ډېر شمېر یې غالۍ دي.

خبریال: اسلم حجاب

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!