تازه خبرونه
په افغانستان کې د کرونا ویروس مثبتې پېښې ۱۳۶۲ ته ورسیدې

د عامې روغتیا وزارت مسوولینو ویلي، چې له تېرو ۲۴ ګړیو راپدیخوا په ۱۵ ولایتونو کې د کرونا ویروس ۱۲۷مثبتې پېښې ثبت شوي؛ ۹ کسان له کرونا روغ شوي او ۳ کسانو ترې خپل خوږ ژوند له لاسه ورکړی دی.
په افغانستان کې د کورونا ویروس له ۱۲۷ مثبتو پېښو څخه ۵۳ په کندهار، ۲۱ په بلخ ، یوولس په کابل، لس په تخار، پېنځه په ننګرهار، پېنځه په پنجشیر، ۱۱ په پکتیا، ۲ په غزني، ۲ په فراه، ۳ په ، هرات او په لغمان، دایکندي، پروان او نیمروز ولایتونو کې هم یوه – یوه مثبتې پيښې ثبت شوې دي.
له دې سره په ټول هېواد کې د کورونا ویروس د مثبتو پيښو شمېر دیارلس سوه دوه شپېته شو.
د عامې روغتیا وزارت د تخصصي روغتون رييس نظام الدین جلیل وايي، چې په تېرو ۲۴ ګړیو کې د کرونا درې ناروغان په کندهار کې مړه شوي او په هرات او کندهار کې نهه کسان بېرته روغ شوي دي. د نوموړي د څرګندونو له مخې؛ کابل، هرات، کندهار ولایتونه په ترتیب د کورونا ناروغانو د شمېر له مخې په لومړي، دوه یم او درېیم ځای کې دي.
که څه هم د کرونا ویروس لومړۍ پېښه په هرات کې ثبت شوه؛ خو اوس دغه ویروس په کابل او کندهار کې په چټکه توګه د خوریدو په حال کې دی.
تازه خبرونه
ملا برادر د قطر له لومړي وزیر سره وکتل
په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.

د ریاست الوزراء اقتصادي مرستیالۍ خبر ورکړی، چې نن (پنجشنبه) ملا عبدالغني برادر قطر ته د خپل سفر په بهیر کې د قطر له لومړي وزیر محمد بن عبدالرحمن آل ثاني سره ولیدل.
په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.
دا غونډه د دوه اړخیزو اړیکو د پیاوړتیا او د دواړو هېوادونو ترمنځ د اقتصادي همکارۍ د پیاوړتیا لپاره روانې هڅې روښانه کوي.
تازه خبرونه
د پاکستان له زندانونو څخه ۶۳ افغان کډوال خوشې شول
دې وزارت د پنجشنبې پر ورځ (د سلواغې پېنځهویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم د سلواغې پر څلیریشتمه د پاکستان له بند څخه خوشې او هېواد ته راستانه شول.

د کډوالو او راستنیدونکو چارو وزارت ويلي، چې د پاکستان له زندانونو څخه د افغان کډوالو د خوشې کولو د هڅو په لړ کې ۶۳ افغانان د پاکستان له زندانونو خوشې او هېواد ته راولېږدول شول.
دې وزارت د پنجشنبې پر ورځ (د سلواغې پېنځهویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم د سلواغې پر څلیریشتمه د پاکستان له بند څخه خوشې او هېواد ته راستانه شول.
د کډوالو او راستنیدونکو چارو وزارت د معلوماتو له مخې؛ دا افغان کډوال د پاکستان پولیسو د قانوني اسنادو د نه لرلو له کبله نیولي وه او شپږ ورځې یې په زندانونو کې ساتلي وه.
د کډوالو او راستنیدونکو چارو وزارت زیاته کړې، چې دا کډوال د بشري مرستو له ترلاسه کولو وروسته خپلو اصلي سیمو ته لېږدول شوي دي.
په پاکستان کې د افغان کډوالو د نیولو او بندي کولو لړۍ له هغې وروسته نوره هم وغخېده، چې حکومت غیرقانوني افغان کډوالو ته د ۲۰۲۳ کال د نومبر تر لومړۍ پورې له پاکستان څخه د وتلو لپاره وروستۍ نېټه وټاکله.
تازه خبرونه
د ملګرو ملتونو امنیت شورا د کندوز ځانمرګی برید وغانده
امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.

د ملګرو ملتونو امنیت شورا په کندوز ولایت کې کابل بانک ته څېرمه د سېشنبې د ورځې ځانمرګی برید په سختو ټکو کې غندلی دی.
امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.
د امنیت شورا غړو ټینګار کړی، چې د دې ډول بریدونو عاملین، تنظیم کوونکي، تمویل کوونکي او ملاتړ کوونکي مسوول دي او پر محاکمه کولو یې ټینګار کړی دی.
دوی له ټولو هېوادونو غوښتي، چې په دې برخه کې له ټولو اړوند چارواکو سره په فعاله توګه د نړیوال قانون او د امنیت شورا له اړوند پرېکړو سره سم همکاري وکړي.
د یادونې ده، چې داعش په کندوز کې د هغه ځانمرګي برید مسوویت پر غاړه اخیستی، چې د سیمهییزو چارواکو د څرګندونو له مخې؛ په دې برید کې پېنځه کسان وژل شوي او اووه نور ټپیان دي.
-
لوبی4 days ago
د ۲۰۲۵آریانا سنوکر اتلولي د لومړۍ ورځې د لوبو پایلې
-
نړۍ2 days ago
د امریکا یوه پوځي الوتکه د سانډیاګو په ساحل کې راوغوځېده.
-
سوداگري4 days ago
افغانستان ته د پاکستان صادرات ۵۰۴ میلیون ډالرو ته رسیدلي
-
لوبی2 days ago
د افغانستان کرکټ ملي لوبډله سبا (جمعه) له پاکستان سره مخ کیږي
-
لوبی3 days ago
د ۲۰۲۵ آریانا سنوکر د اتلولۍ جام د دوهیمې ورځې پایلې
-
تازه خبرونه4 days ago
د خراسان داعشیان افغانستان، سیمې او نړۍ ته ګواښ دی – د م.م امنیت شورا
-
تازه خبرونه4 days ago
د ناروې کډوالو شورا په افغانستان کې خپل یو شمېر فعالیتونه ځنډوي
-
نړۍ4 days ago
که اسرائیلي یرغمل خوشې نشي دوزخ به جوړ شي – ټرمپ