تازه خبرونه
په افغانستان او عراق کې د جګړې د پای ته رسولو پرېکړه لیک رد شوه
د امریکا مشرانو جرګې په افغانستان او عراق کې د جګړې د پای ته رسولو پرېکړه لیک رد کړ.
د امریکا کانګریس شپاړس کاله مخکې د امریکا پوځ ته په افغانستان کې د جګړې جواز ورکړ؛ خو د دغې جګړې د اوږدیدو له کبله د مشرانو جرګې غړي رند پاول د دغه پرېکړه لیک د تعدیل، لغوې او د جګړې پای ته رسولو وړاندیز وکړ؛ خو د سناتورانو له مخالفت سره مخ، وړاندیز یې رد شو او امریکا به په افغانستان او عراق کې خپلو جګړو ته دوام ورکوي.
امریکايي سناتور رند پاول وایي، مونږ د امریکا په تاریخ کې په تر ټولو اوږده جګړه کې ښکېل یو. دغې جګړې نور خپل ارزښت له لاسه ورکړی دی. که زما وړاندیز و منل شي؛ نو د جګړې د واک په اړه پخوانۍ پرېکړې به پای ومومي. که زما دا وړاندیز ونه منل شي؛ نو د افغانستان جګړه به د تل لپاره روانه وي.
پاول پوښتي، چې امریکا پر سل زره سرتېرو د افغانستان جګړه ونه ګټله؛ نو څنګه به شونې شي، چې درې زره اضافي سرتېري دغه جګړه وګټي.
د امریکا د کانګرس د پوځي جرګه ګې ريیس جان مک کین بیا وايي، که د جګړې پرېکړه لیک لغوه شي؛ سخت دریځي به نور هم زړور شي.
د امریکا د مشرانو جرګې د پوځي کمیتي مشر جک رید وایي، که مونږ وړاندیز ومنو؛ نو دښمنان به مو ګټه وکړي او ملګري به مو سربداله شي. ښه به داوي، چې د دوه زره لومړي او دوه زره دوه یمو کلونو د پرېکړه لیکونو د بدیل لپاره مناظره او ډېرې خبرې وشي.
د پاول وړاندیز په داسې حال کې د مشرانو جرګې شپږ دېرش موافقې او یوشپېته مخالفې رایي تر لاسه کړې، چې د امریکا دفاع وزیر د افغانستان په اړه د ولسمشر ترمپ د ستراتیژۍ د ډېرو برخو له وروستي کیدو خبر ورکوي. دا ستراتیژي به د افغانستان له حالاتو سره سمه پلې کیږي.
خبریال: فهیم نوری
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه24 hours ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی22 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل