تازه خبرونه
په وروستیو چاپو او ځانګړيو عملیاتو کې ډېر ولسي وګري زیانمن شوي- د مشرانو جرګې غړي
د مشرانو جرګې یو شمېر غړي وايي، چې د شپې په وروستیو چاپو او ځانګړیو عملیاتو کې ډېرو ولسي وګریو ته مرګ و ژوبله اوښتې ده.
که څه هم افغان حکومت وايي، چې د وسلوالو مخالفانو د ځپلو لپاره شپني عملیات تر ټولو کامیاب دي؛ خو په دغو عملیاتو کې زیاتره وخت ولسي وګړیو ته زیان اوړي.
د مشرانو جرګې غړي وايي، که په شپنیو عملیاتو کې پوره پاملرنه ونشي؛ له دولت سره به د خلکو واټن نور هم ډېر شي او ستر ناورین به رامنځته کړي.
د مشرانو جرګې د شکایتونو جرګه ګۍ وايي، چې په زرمت ولسوالۍ کې کمپاین نومو ځواکونو په دوه بریدونو کې اتلس ولسي وګړي وژل شوي دي.
د مشرانو جرګې غړې لیلما احمدي وایي، چې په شپنیو بریدونو کې ډېر عام وګړي وژل کیږي په ځانګړي توګه ښځې او ماشومان.
نوموړې زیاته کړې، خلک چېرته ولاړ شي؛ له یوې خوا داعش او طالب وژنې کوي او له بلې خوا په یادو عملیاتو کې خلک وژل کیږي. ولسمشر باید د یوې ځانګړي پروګرام له مخې د ځاني او مالي زیانونو مخه ونیسي.
د مشرانو جرګې غړی زلمي زابلي په ډاګه کړې، چې پوځي عملیات پر پټو سترګو تر سره او د سیمې خلک په کې وژل کیږي. پوځي عملیاتو باید پر نښه شوي ځای تر سره او دښمن ووژل شي.
د مشرانو جرګې د شکایتونو کمیسیون وايي، چې دوی په خپلو څېړنو کې وموندله، چې د پکتیا د زرمت ولسوالۍ په دوه شپنیو عملیاتو کې اتلس ولسي وګړي وژل شوي دي.
د مشرانو جرګې د شکایتونو کمیسیون رييس محمد حنیف حنفي زیاتوي؛ په زرمت کې ۱۲ ملکي وګړي وژل شوي وه او دا ګواښ هم شوی و، چې له دې بریده به څوک نه خبروئ او که نه ورته عملیات به بیا تر سره کړو. یوکس په ټپي حالت کې ځان د مور غېږي ته رارسولی و؛ کور ته وردننه شول، د مور له غېږې یې راپورته کړ او هملته یې وواژه. د دې وژنې عامل نعمت تڼیوال دی، چې باید عدلي او قضایي بنسټونو ته وروپېژندل شي.
د مشرانو جرګې رييس هم له حکومت څخه وغوښتل؛ د هغو جنګسالارنو مخه باید ونیسي، چې په عملیاتو کې عام او ولسي وګړي وژني.
د مشرانو جرګې رییس فضل الهادي مسلمیار وایي، چې هغو، چې د قومي مشر نعیم خان پر کور برید کړی د خلکو قاتلین دي. هغه په جرمونو کې ښکېل نه و او له ولسمشره غواړو، چې خپل هغه شعار پلی کړي، چې جنګسالار نه غواړم. جنسالار د امنیتي ځواکونو له ادرسه د غیرنظامیانو پر وژنه لاس پورې کړ او د یو قومي مشر پر کور او کورنۍ یې برید تر سره کړ. د دې وژنې عامل نعمت الله دی، چې باید عدلي او قضایي بنسټونو ته د قاتل په توګه وروپېژندل شي.
د مشرانو جرګې غړي وايي؛ له شپنيو بریدونو سیمه ییز چارواکي نه خبریږي او پخپلسر تر سره کیږي.
خبریال: رفیع صدیقي
تازه خبرونه
Afghanistan Humanitarian Trust Fund report highlights problems tackled
Mohammad Jamal Alsaati, Special Advisor to IsDB President and IsDB Coordinator for Afghanistan Humanitarian Trust Fund (AHTF), said this week that 14 projects, signed in 2023, have materialized at a total cost of $35.35 million.
He said in a statement issued Sunday that of this, $24.14 was from contributions from AHTF with a further $12.21 million provided by implementing partners and other international organizations.
Alsaati said all the services provided have created job and capacity building opportunities for the people of Afghanistan and that as of March 2024, pledges to the fund totaled almost $35 million, with more funding expected.
Alsaati’s comments were in a statement issued by the Islamic Development Bank, (IsDB), after it released the first comprehensive report on the achievements of the AHTF.
The report highlights the coordinated efforts by the IsDB, its partners, and stakeholders towards “Promoting Self Reliance and Resilience” in Afghanistan.
The AHTF’s mission is to provide initial humanitarian aid but then to prioritize development and self-reliance to move beyond emergency assistance – promoting reconstruction, empowerment and sustainable development.
IsDB President and Group Chairman, Muhammad Al Jasser meanwhile said following the release of the report that after receiving generous contributions, the AHTF “sprung into action, delivering essential aid to Afghanistan’s most vulnerable communities.”
He said the fund was able to tackle food insecurity, offer child nutrition programs, provide healthcare, innovative education, clean water, sanitation and hygiene services.
“Our projects are making a tangible difference on the ground,” Jasser said.
The Secretary General of the Organization of Islamic Cooperation (OIC), Hissein Brahim Taha also reacted to the report and said: “We are very pleased to see several humanitarian and development-focused projects are underway in Afghanistan – driven by the IsDB in collaboration with its regional and global partners.
“But much work still lies ahead, so we look forward to further help and support from our Member States, in addition to continued financial assistance for the AHTF from international aid and relief agencies,” said Taha.
The fund was established at a Council of Foreign Ministers of the OIC on 19th December 2021.
تازه خبرونه
ملا برادر د هرات پاشدان بند پروژې د پاتې کار پرانیسته وکړه
د اسلامي امارت د ریاست الوزراء اقتصادي مرستیال ملا عبدالغني برادر هرات ولایت ته د سفر پر مهال د پاشدان اوبو او برښنا بند د پاتې کار پیل اړین یاد کړ او څرګندوي، چې پخپل وخت به بشپړ او ګټې اخیستنې ته وسپارل شي.
د رییس الوزراء اقتصادي مرستيال ملا عبدالغني برادر وايي؛ د پاشدان بند پروژه يوه اړینه ملي پروژه ده، چې هڅه کیږي په خپل وخت بشپړه او ګټې اخيستنې ته وسپارل شي.
د اوبو د دغه بند د جوړېدو چارې له څه باندې یوې لسیزې راپدیخوا روانې دي، چې په دې موده کې یې د کار بهیر له ګڼو خنډونو سره مخ شوی؛ خو اوس له درې کلن ځنډ وروسته د دغې پروژې چارې پیل شوې.
د رییس الوزرا اقتصادي مرستیال ملا عبدالغني برادر د دې پروژې د پرانستلو پر مهال ویلي؛ د اوبو بندونه جوړول د اسلامي امارت کاري لومړیتوب دی.
د دغه بند پر جوړولو څه باندې ۱۱۷ میلیون ډالره لګښت راځي، چې نږدې ۸۵ سلنه چارې یې بشپړې شوي او د روان کال تر پایه به په بشپړ ډول ګټې اخیستنې ته وسپارل شي.
د دې پروژې له بشپړېدو سره به شاوخوا ۶۵ زره جریبه کرنیزه ځمکه خړوبه او زرګونه کسانوته د کار زمینه برابره شي.
د اوبو دغه بند د هرات د کرخ ولسوالۍ پر سیند جوړیږي، چې له څه باندې یوې لسیزې راپدیخوا یې کار ځنډنې روان دی. اوس اسلامي امارت هوډ کړی، چې د دغې ملي پروژې چارې بشپړې کړي.
د پاشدان اوبو او برېښنا بند د جوړېدو چارې د یوه کورني شرکت له لوري د آذربایجاني شرکت پر همکارۍ پر مخ وړل کېږي.
د دې پروژې انجنیر عبدالله غازي زاده ويلي، د اوبو او برښنا دغه بند تر ډېره د کرنې او څښاک د اوبو لپاره جوړېږي، چې د اوبو د زیرمو د ښه مدیریت لپاره به شاوخوا ۷۳ کیلومټره واړه او لوی کانالونه هم ولري.
اوسمهال په دې پروژه کې شاوخوا ۴۰۰ کسان په مستقیم ډول کار کوي.
ویل کیږي، چې دغه بند ۵۴ میلیون مټرمکعب اوبه زیرمه کوي، چې د کرنې او څښاک صحي اوبو لپاره به وکارول شي.
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
تازه خبرونه20 hours ago
د بغلان ولایت د غوري سمنټو تولید زیات شوی
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه1 day ago
له پاکستان څخه دې د افغان کډوالو د جبري ایستلو چټکتیا راکمه شي