سیمه ییز خبرونه
په پکتیکا کې د وسلوالو طالبانو پر یوه مرکز هوایي برید شوی
Last Updated on: لړم ۳, ۱۴۰۱
د پکتیکا د امنیه قومنداني ویاند شاه محمد آرین آریانانیوز ته ویلي، چې یاد برید د برمل ولسوالۍ په منګړیتۍ نومې سیمه کې بې پیلوته الوتکې کړی، چې په کې د یوه سرګروپ په ګډون لس وسلوال طالبان وژل شوي دي.
آرین زیاته کړې، چې برید د وسلوالو طالبانو پر مرکز تر سره شوی، چې په کې شته وسله او مهمات هم له منځه تللي دي.
په وژل شویو طالبانو کې د هغوی یو تن سرګروپ، چې سنګري یادیده هم شته.
د یادونې ده، چې په دغه هوایي برید کې ملکي وګړیو ته کوم مالي او ځاني زیان ندی اوښتی.
وسلوالو طالبانو تر اوسه د یاد برید په اړه څه ندي ویلي.
خبریال: فریدالله احمدزی