Connect with us

تازه خبرونه

په هوایي بریدونو کې کونړیانو ته مرګ و ژوبله اوښتې- ولسي استازي

Published

 on

(Last Updated On: ليندۍ ۲۴, ۱۳۹۷)

د کونړ ولایتي ولسي استازي وايي، د کونړ په شلتن ولسوالۍ کې افغان او بهرنیو ځواکونو پر شپنیو عملیاتو شاوخوا شل ملکي وګړي وژل شوي او شپاړس نور ټپیان دي.

دوه ورځې وړاندې افغان او بهرنیو ځواکونو د کونړ د شلتن ولسوالۍ په سنو سیمه کې ځانګړي عملیات کړي دي.

د کونړ ولایتي شورا ولسي استازي وايي، په دغو عملیاتو کې د ښځو او ماشومانو په ګډون له شل ډېر ملکي وګړي وژل شوي او شپاړس نور ټپیان دي.

د کونړ مرکزي روغتون روغتیايي مسوولینو پېنځلس ټپیان تر درملنې لاندې نیولي، چې اووه یې ښځې او اته یې ماشومان دي.

د ټپیانو له ډلې څلور تنه د جلال آباد مرکزي ورغتون ته لیږدول شوي دي.

ځايي خلک وايي، د شپې پر لس بجو سیمې ته چورلکې راغلې او د وسلوالو پر یوه مرکز سربېره یې د خلکو کورونه هم بمبارد کړل.

د کونړ والي عبدالستارمیرزکوال وايي؛ د شلتن د سنو په سیمه کې د مخالفانو یوه مهمه ناسته موخه وه، چې په کې د عرب او چیچني جنګیالیو ترڅنګ د طالبانو د څلور مهمو قومندانو په ګډون ټول ۳۸ کسان وژل شوي دي.

د کونړ چارواکي دا هم وايي، چې روغتونونو ته راوړل شووې ښځې او ماشومانون ښايي د وژل شویو مهمو طالب قومندانانو او جنګیالیو وي؛ خو په وینا یې د پېښې جدي څېړنه پیل شوې او که هرڅوک وي سمه درملنه به یې وشي.

خبریال: رحمت الله زیارمل

تازه خبرونه

د ملګرو ملتونو امنیت شورا د افغانستان د روان وضعیت په اړه غونډه کوي

Published

on

(Last Updated On: تله ۴, ۱۴۰۱)

د ملګرو ملتونو د اووه ورځنۍ غونډې له پای ته رسېدو وروسته ټاکل شوې، چې د دغې ټولنې امنیت شورا سبا سې شنبه د تلې پر پېنځمه د افغانستان د روان وضعیت د څېړلو لپاره خپله غونډه وکړي.

تمه ده، چې د ملګرو ملتونو د امنیت شورا په دې غونډه کې د افغانستان پر اقتصادي، بشري او د دې هېواد له خاورې پر امنیتي اندېښنو خبرې وشي.

د افغانستان د څوکۍ چارسمبالی نصیراحمد فایق به په دې غونډه کې ګډون او وینا وکړي.

په ملګرو ملتونو کې د افغانستان د څوکۍ چارسمبالی نصیراحمد فایق په یوه تویت کې څرګنده کړې؛ په دې غونډه کې به د افغانستان استازیتوب وکړي.

په ملګرو ملتونو کې د افغانستان د څوکۍ چارسمبالی نصیراحمد فایق څرګنده کړې: زه به د ملګرو ملتونو د امنیت شورا په هغه غونډه کې، چې د سپتمبر پر ۲۷ د افغانستان د وضعیت په اړه جوړېږي او تمرکز به یې د افغانستان د وضعیت په اړه بحث وي؛ ګډون او وینا وکړم. په دې مهمه غونډه کې به د تل په څېر د خپل ولس په استازیتوب د دوی غوښتنې او غږ پورته کوم.

د اسلامي امارت د ویاند مرستیال بلال کریمي وايي؛ د هرې هغې غونډې هرکلی کوو، چې د افغانستان له حکومت او خلکو سره د همکارۍ لپاره جوړېږي او ټینګار کوي، چې دا غونډې باید د افغانستان له نوي حکومت سره د تعامل او همکارۍ د پراخولو زمینه برابره کړي.

د اسلامي امارت له بیا واکمنېدو راپدیخوا د ملګرو ملتونو د امنیت شورا په غونډو کې د افغانستان وضعیت له تودو موضوعاتو څخه و او تر دې دمه دې ټولنې د افغانستان د اقتصادي، بشري او امنیتي اندېښنو په اړه څو ځانګړې غونډې کړې، چې وروستۍ هغه یې د روان کال د وږي میاشتې پر اوومه نېټه د روسیې په غوښتنه غونډه ده.

په داسې حال کې، چې د افغانستان اسلامي حکومت په تېرو نږدې څوارلس میاشتو کې هم له رسمي دریځه برخمن شوی ندی او په ملګرو ملتونو کې د افغانستان څوکۍ ورسپارل شوې نده او اسلامي امارت دا چاره غیرعادلانه او د نړیوالو اصولو او قوانینو خلاف بولي او ټینګار کوي، چې د مشروع دولت ټول شرایط یې پوره کړي دي.

Continue Reading

تازه خبرونه

شیخ یوسف القرضاوي وفات شو

Published

on

(Last Updated On: تله ۴, ۱۴۰۱)

د اسلامي نړۍ نومیالی عالم او د مصر د اخوان المسلمین روحاني مشر شیخ یوسف القرضاوي نن دوشنبه د تلې پر څلورمه د ۹۶ کلونو پر عمر وفات شو.

شیخ القرضاوي د اسلامي عالمانو د نړیوال اتحاد بنسټ ایښودونکی هم و.

د نوموړي له ۱۲۰ ډېر کتابونه خپاره شوي او په دیني علومو کې یې اته نړیوالې جایزې ترلاسه کړي. شیخ القرضاوي په اوسني وخت کې یو له خورا اغېزمنو اسلامي عالمانو څخه و.

نوموړي په الجزیره شبکه کې خپله د شریعت او ژوند خپرونه خپروله، چې په ټوله نړۍ کې له ۴۰ څخه تر ۶۰ میلیون لیدونکي لري.

القرضاوي د اخوان المسلمین یو له مخکښو فکري شخصیتونو څخه و، چې د خپل ژوند په ټول اوږده پړاو کې یې خپله سیاسي او دیني پوهه په ساده ژبه وړاندې کړه.

د افغانستان اسلامي امارت د خواخوږۍ په یوه پیغام کې څرګنده کړې، چې د شیخ یوسف القرضاوي مړینه د اسلامي امت لپاره یوه نه جبرانېدونکې ستره ضایعه ده.

Continue Reading

تازه خبرونه

په دوبۍ کې د افغانستان د ۵۰۰۰ قیراطي یاقوت مخکتنه وشوه

Published

on

(Last Updated On: تله ۴, ۱۴۰۱)

د دوبۍ په یوه ځانګړي نندارتون کې د افغانستان یو نه لیدل شوی ۵۰۰۰ قیراطي یاقوت نندارې ته وړاندې شو.

د نشنل نیوز د څرګندونو له مخې؛ دا یاقوت شاوخوا یو کیلو ګرامه وزن لري، چې د لاس د خپړې پرکچه  لوی او زړه راکښونکی ارغواني رنګ لري.

دا یاقوت د ایران او افغانستان د پولې د حیدرآباد د اړوند سیمې په یوه کلي کې موندل شوی او مالک یې وايي؛ هیله ده دا ناڅاپه موندنه به د هغه کلي د اوسیدونکیو بخت بدل کړي، چې ښوونځي، روغتون او حتا برښنا ته لاسرسی نلري.

ویل کېږي، چې په بازار کې د دغې بې اسناده ډبرې ارزښت شاوخوا لس میلیون دالره دی.

د هند د راجستان ایالت د جیپور ښار د جواهراتو د کتونکې آزاد رخستي نړیوال لابراتوار د دې یاقوت وزن او کیفیت تائید کړی او څرګندوي، چې تر دې دمه یې په دې کچه ( ۵۰۱۰ قیراطه) یاقوت لیدلی ندی.

Continue Reading

Trending

Copyright © 2022 Ariana News. All rights reserved!