Connect with us

لوبی

آریانا ټلویزیون د افغانستان ولیبال غوره لیګ سیالیو خپرولو تړون لاسلیک کړ

خپور شوی

د

(Last Updated On: سلواغه ۲۲, ۱۴۰۲)

د افغانستان ولیبال غوره لیګ د درېیم پړاو سیالۍ د آریانا نړیوال ټلویزیون له خوا پر ښه او غوره کیفیت خپریږي.

د آریانا نړیوالې تلویزیوني شبکې او د ولیبال ملي فډراسیون چارواکو نن ( یکشنبه د سلواغې دوه‌ویشتمه ) د یوې غونډې په ترڅ کې د دغو سیالیو یا ټورنمنټ پر ژوندۍ بڼه د خپرېدو تړون لاسلیک کړ.

د دې سیالیو د بچې اچونې مراسم به د دوشنبې پر ورځ ( د سلواغې درویشتمه ) ترسره شي او په دې پړاو کې به اته لوبډلې حاضرې وي، چې خپل سیالان وپېژني.

د دې سیالیو د پرانیستلو مراسم به د روانې اوونۍ د پنجشنبې پر ورځ په کابل کې ترسره شي.

هره ورځ درې لوبې ترسره کیږي، چې دوه یې پر ژوندۍ او ځانګړې بڼه له آریانا نړیوال ټلویزیون څخه خپریږي.

د دغو سیالیو کچه؛ ځکه لوړه بلل شوې، چې د ولیبال ملي فډراسیون د مسوولینو د څرګندونو له مخې؛ د هېواد له بېلابېلو برخو څخه غوره لوبغاړي پېژندل کېږي او په کابل کې به له روزنې وروسته دغو سیالیو ته لار مومي.

د يادونې وړ ده، چې د دغو سياليو دوه تېر پړاوونه د شپږ لوبډلو پر شتون ترسره شوي دي.

لوبی

د افغانستان کرکټ الف لوبډله سریلانکا ته د شپږ لوبو لپاره سفر کوي

Published

on

(Last Updated On: کب ۴, ۱۴۰۲)

د افغانستان کرکټ بورډ څرګنده کړې، چې د هېواد الف لوبډله به د روان کال په اپریل میاشت کې د سریلانکا پر وړاندې د پېنځه یو ورځنیو او یوې څلور ورځنیو سیالیو لپاره دې هېواد ته سفر کوي.

دا سیالۍ به د اپریل پر اته‌ویشتمه پیل شي او د مې تر څوارلسمه پورې به روانې وي.

د افغانستان الف لوبډله به د سیالیو له پیل څخه درې ورځې مخکې سریلانکا ته ورسیږي.

لومړۍ دوه یو ورځنۍ لوبې به د اپریل پر اته‌ویشتمه او دېرشمه او نورې درې لوبې به د مې پر درېیمه، پېنځمه او اووه‌مه ترسره شي. څلور ورځنۍ سیالۍ به د مې پر یوولسمه پیل شي.

د افغانستان کرکټ بورډ اجرائیوي رییس نصیب خان په دوه اړخیزو او څو اړخیزو سیالیو کې د افغانستان الف لوبډلې پرله‌پسې ګډون څخه خوښي وښوده او د دې لوبډلې د بوخت ساتلو پر اهمیت یې ټینګار وکړ، چې د ملي لوبډلې ملاتړته به ځانونه چمتو کوي.

Continue Reading

لوبی

افغانستان له سریلانکا څخه د ۲۰ اوریز لوبلړ درېیمه لوبه وګټله

Published

on

(Last Updated On: کب ۶, ۱۴۰۲)

افغانستان د چارشنبې پر ورځ ( د کب دوه‌یمه) سري لانکا ته د کرکټ د ۲۰ اوریزې لوبې په درېیمه سیالۍ کې د درې منډو پر توپیر ماتې ورکړه.

د سري لانکا په ډمبولا لوبغالي کې افغانستان د لوبې پچه وګټله او د پېنځه لوبغاړو پر سوځېدو یې کوربه لوبډلې ته په ټاکل شویو ۲۰ اورونو کې د ۲۱۰ منډو هدف وټاکه.

سريلانکا په ۲۰ اورونو کې د شپږو لوبغاړو پر سوځېدو ۲۰۶منډې وکړې او لوبه افغانستان وګټله.

د سريلانکا توپ‌وهونکی پاتم نیسانکا په یوازې ۳۰ توپونو د ۶۰ منډو له کولو وروسته په پښه کې د درد له کبله له ډګره ووت او د سريلانکا بل توپ‌وهونکي کمیندو منډیس ۶۵ منډې وکړې.

د افغانستان توپ‌اچونکي محمد نبي د سري لانکا دوه لوبغاړي وسوځول؛ فرید احمد، نور احمد او قیس احمد هم یو- یو ویکټ خپل کړ.

د افغانستان د توپ‌وهنې په برخه کې رحمان الله ګربز ترټولو زیاتې ۷۰ منډې وکړې او د دې لوبې ترټولو غوره لوبغاړی ونومول شو.

دغه راز د افغانستان بل توپ‌وهونکي حضرت الله ځاځي ۴۵ منډې وکړې او عظمت الله عمرزی له ۳۱ منډو وروسته وسوځېد.

د سريلانکا لپاره متیشا پټیرانا او اکیلا دننجایا دوه – دوه او ونینډو هسرنګا یو لوبغاړی وسوځاوه.

د دې لوبلړ د وروستۍ لوبې له ګټلو سره سريلانکا ته د افغانستان د لوبډلې سفر هم پای ته ورسید.

د یادونې ده، چې د دواړو لوبډلو ترمنځ درې یو ورځنی لوبې ۳-۰ او یوه ټیسټ لوبه هم سريلانکا ګټلې ده.

Continue Reading

لوبی

سري لانکا له افغانستان څخه د ۲۰ اوریز لوبلړ دوه‌یمه لوبه هم وګټله

Published

on

(Last Updated On: کب ۱, ۱۴۰۲)

د افغانستان کرکټ ملي لوبډلې د شل اوریزو سیالیو په دوه‌یمه لوبه کې له سریلانکا څخه د ۷۲ منډو پر توپیز ماتې وخوړه.

د دوشنبې د ورځې ( د سلواغې دېرشمه / د فبرورۍ نولسمه) په لوبه کې د افغان لوبډلې لوبډلمشر ابراهیم ځدراڼ د پچې له ګټلو وروسته د توپ‌اچوونې پرېکړه وکړه.

سري لانکا په ټاکل شویو ۲۰ اورونو کې افغانستان ته د ۱۸۸ منډو هدف وټاکه.

د افغانستان ټول لوبغاړي د ۱۷ اورونو په ۱۱۵ منډو کې وسوځېدل.

افغانستان د یاد لوبلړ لومړۍ لوبه بایللې وه او دوه‌یمه بریا هم سریلانکا خپله کړه.

له دې مخکې سریلانکا له افغانستان څخه ټسټ لوبه او د یو ورځنیو سیالیو لوبې هم ګټلې دي.

د یادونې ده، چې درېیمه او وروستۍ لوبه به د چارشنبې پر ورځ په رنګیري ډمبولا نړیوال کرکټ لوبغالي کې ترسره شي.

Continue Reading

Trending

Copyright © 2022 Ariana News. All rights reserved!