تازه خبرونه
ازبکستان او پولنډ د افغانستان په اړه خبرې وکړې
د ټرینډ نیوز خبري سرچینې د راپور له مخې؛ د غونډې په جریان کې دواړو خواوو د افغانستان په اړه د دوه اړخیزو همکاریو پر اړینو مسلو خبرې وکړې او د سیمې د ثبات او امنیت د ودې لپاره یې د ازبکستان او پولنډ ترمنځ د تعامل د زیاتېدا شونتیاوې وڅېړلې.
د ازبکستان بهرنیو چارو وزارت اعلان کړی، چې د افغانستان لپاره د دغه هېواد ځانګړي استازي عصمت الله ارګاشیف له خپل پولنډي سیال سره په لیدنه کې د افغانستان پر اړوند مسلو او همکاریو خبرې وکړې.
د ټرینډ نیوز خبري سرچینې د راپور له مخې؛ د غونډې په جریان کې دواړو خواوو د افغانستان په اړه د دوه اړخیزو همکاریو پر اړینو مسلو خبرې وکړې او د سیمې د ثبات او امنیت د ودې لپاره یې د ازبکستان او پولنډ ترمنځ د تعامل د زیاتېدا شونتیاوې وڅېړلې.
دواړو خواوو د سیمې او افغانستان د ثبات په اړه خپلې متقابلې ژمنې بیا تائید کړې او هوکړه وشوه، چې په دوامداره توګه مشورې جاري وساتي.
د پولنډ بهرنیو چارو وزارت د ختیځې څانګې مرستیال مارک کالکا هم په دې غونډه کې حاضر و.