Connect with us

تازه خبرونه

افغانان له پاکستان څخه په ډېر بد وخت کې ستنېدو ته اړ شول – د خواړو نړیوال پروګرام

خپور شوی

د

د افغانستان لپاره د خواړو نړیوال پروګرام رییس ويلي، افغانان د کال په خورا بد وخت کې له پاکستان څخه کډه ولو ته اړ شوي او اوس د ژمي په سړه هوا کې د اوسېدلو لپاره ځای نه‌لري.

مېرمن شاوي لي ویلي، چې راستانه شوي کډوال نه یوازې بېړنیو مرستو ته اړتیا لري، بلکې په افغانستان کې د خپل ژوند د بیا جوړونې لپاره هم مرستې ته اړ دي.

د خواړو نړیوال پروګرام د ژمي له رارسېدو سره د افغان کډوالو د جبري ایستلو په اړه اندېښنه څرګنده کړې او ویلي یې دي، چې افغان کډوال د کال په تر ټولو بد وخت کې له پاکستان کډه کوي او اوس د ژمي په سړه هوا کې د اوسیدلو لپاره ځای نه‌لري.

په افغانستان کې د دې ادارې استازې او مشرې شاوي لي ويلي، چې تر اوسه يې له ٢٥٠ زره څخه زياتو خلکو سره مرسته کړې او له يوميليون ډېر کسان مرستو ته اړتيا لري.

په افغانستان کې د خواړو نړیوال پروګرام مشره شاوي لي وایي: هغوی اړ شول، چې په خورا بد وخت کې افغانستان ته ستانه شي. هر یو، چې ما ولیده هغه ویل؛ دوی نه پوهیږي، چې څنګه په دې سخت ژمي کې ژوند وکړي. ډېرۍ هغه میرمنې، چې له پاکستان څخه راستانې شوي له خپلو میړونو پرته شړل شوي او خاوندان یې د پاکستانيو پولیسو له خوا نیول شوي او  بندیان دي. د دې کډوالو لپاره هیڅ د ارام غېږه نشته. دغه راز له پاکستان څخه راستانه شوي کډوال هم د پاکستانيو ځواکونو له چلنده شکایت کوي او وايي، چې دا بهیر باید ودرول شي او یا هم پاکستان پرېږدي، چې کډوال خپلې پیسې هم انتقال کړي.

که څه هم تمه وه، چې د دې پروسې د درولو لپاره به د دواړو هېوادونو تر منځ خبرې اترې وشي؛ خو ظاهراً پاکستان چمتو نه‌دی، چې د افغان کډوالو د ایستلو بهیر ودروي او اسلامي امارت هم وايي، چې له راستنېدونکیو کډوالو سره پوره مرسته کوي.

پاکستان د نوامبر پر لومړۍ نېټه د اووه میلیون بې‌اسنادو افغان کډوالو د لسمې برخې د ایستلو بهیر پیل کړ او د دغه هېواد د لنډمهالي حکومت د کورنیو چارو وزیر ویلي، چې د دغو ټولو کډوالو ایستل به دوه میاشتې وخت ونیسي. دا مهال له پاکستان څخه شاوخوا ۴۰۰ زره  افغان کډوال هېواد ته راستانه شوي دي.

تازه خبرونه

د اسلامي همکاریو ټولنه له اسلامي امارت سره د پړاوایز تعامل د لارې نقشه جوړوي

په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.

Published

on

 

د اسلامي همکاریو ټولنې د افغانستان په اړه د وزیرانو د تماس ډلې د جدې ښار په مقدماتي تخنیکي غونډه کې له اسلامي امارت سره د پړاوایز تعامل او اړیکو د تنظیم لپاره د لارې نقشې پر جوړولو بحث او خبرې کړې دي.

په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.

د اسلامي همکاریو ټولنې د څرګندونو له مخې؛ دغه چوکاټ د افغانانو د ګټو د خوندي کولو او په افغانستان کې د ثبات او پرمختګ لپاره د مرستې لپاره په پام کې نیول شوی دی.

دغه راز په دې غونډه کې هغه لومړیتوبونه وڅېړل شول، چې د تماس ډله به پرې د اسلامي همکاریو ټولنې د بهرنیو چارو د وزیرانو شورا د اړوند پرېکړه‌لیکونو د عملي کولو لپاره تمرکز کوي.

ګډونوالو له اسلامي امارت چارواکو سره د ګډو لومړیتوبونو په اړه مستقیمې او رغنده خبرو اترو پر ترسره کولو هم نظرونه وړاندې کړل.

Continue Reading

تازه خبرونه

د کورنیو چارو وزارت د کوکنارو د کښت د زیاتوالي په اړه د ملګرو ملتونو راپور رد کړ

یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشه‌یي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.

Published

on

 

د اسلامي امارت د کورنیو چارو وزارت په افغانستان کې د کوکنارو د کښت د زیاتوالي په اړه د ملګرو ملتونو د نشه‌یي توکو او جرمونو پر وړاندې د مبارزې دفتر تازه راپور رد کړی او د دغه راپور د ارزونې پر کړنلارې یې نیوکه کړې ده.

یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشه‌یي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.

د ملګرو ملتونو د نشه‌یي توکو او جرمونو پر وړاندې د مبارزې دفتر په خپل تازه راپور کې ویلي، چې په افغانستان کې د کوکنارو کښت په ۲۰۲۶ز.کال کې تر ۳۰۰ سلنې ډېر زیات شوی او څه باندې ۴۳ زره هکټاره ځمکې ته رسېدلی دی. په داسې حال کې، چې دغه کچه تېر کال شاوخوا ۱۰ زره هکټاره وه.

د یاد دفتر د«۲۰۲۶ز. کال لپاره د افغانستان د تریاکو د وضعیت ارزونې» د راپور له مخې؛ د تریاکو تولید هم نږدې ۴۰۰ سلنه زیات شوی او په ۲۰۲۵ز.کال کې له نږدې ۳۰۰ ټنو څخه په روان کال کې شاوخوا یو زر او ۵۰۰ ټنو ته رسېدلی دی.

راپور ښيي، چې په افغانستان کې د کوکنارو د کښت مرکز شمال‌ختیځو ولایتونو ته لېږدول شوی او د کښت شاوخوا ۷۶ سلنه ځمکه په همدې سیمه کې ده.

بدخشان او تخار د کوکنارو د کښت له مهمو مرکزونو څخه بلل شوي دي.

د دغه بنسټ د څرګندونو له مخې؛ په ۲۰۲۶ز. کال کې د ۱۶ ولایتونو د کوکنارو کښت ثبت شوی، چې د تېر کال پر پرتله پنځه ولایتونه زیاتوالی ښيي.

د ملګرو ملتونو دغه دفتر د بزګرانو اقتصادي ستونزې او د بدیل عاید د فرصتونو محدودیت د کوکنارو د کښت د بیا زیاتېدا اصلي لاملونه بللي او خبرداری یې ورکړی، چې له بزګرانو څخه له دوامدار ملاتړ پرته به د دغه بوټي د کښت مخنیوی ستونزمن وي.

په راپور کې راغلي، چې د وچو تریاکو د هر کیلوګرام منځنۍ بیه په ۲۰۲۵ز.کال کې له شاوخوا ۵۷۰ ډالرو څخه په روان کال کې ۵۰۰ ډالرو ته راټیټه شوې؛ خو اوس هم د نشه‌یي توکو پر سراسري بندیز د لګېدو له مخکینۍ کچې څخه د پام وړ لوړه ده.

ملګرو ملتونو زیاته کړې؛ په افغانستان کې د کوکنارو کښت او د تریاکو تولید، سره له دې زیاتوالي، اوس هم د بندیز له لګېدا مخکې کچې ته نه‌دي رسېدلي. هغه مهال څه باندې ۲۰۰ زره هکټاره ځمکه د کوکنارو تر کښت لاندې وه.

دا په داسې حال کې ده، چې له دې مخکې اسلامي امارت ویلي وه؛ د کوکنارو کښت، پلور او قاچاق د افغانستان له پولو بهر ته لېږدېدلی دی.

Continue Reading

تازه خبرونه

افغانستان د اسلام‌آباد د ایکو غونډې له حذفېدا وروسته د تهران سرمشریزې ته ځي

ټاکل شوې، چې د ایکو اته‌لسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمه‌ییزو همکاریو په اړه خبرې اترې وکړي.

Published

on

د بهرنیو چارو وزارت د اطلاعاتو او عامه اړیکو رییس ضیاء احمد تکل ويلي، چې د افغانستان اسلامي امارت پلاوی به د اقتصادي همکاریو ټولنې( ایکو) په اته‌لسمه سرمشریزه کې ګډون وکړي.

د نوموړي د څرګندونو له مخې، د دې پلاوي مشري به د بهرنیو چارو وزیر امیرخان متقي پر غاړه ولري.

ټاکل شوې، چې د ایکو اته‌لسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمه‌ییزو همکاریو په اړه خبرې اترې وکړي.

دا اعلان په داسې حال کې کیږي، چې د نومبر پر پنځلسمه او شپاړلسمه په اسلام‌آباد کې د پاکستان پر کوربه‌توب د اقتصادي همکاریو ټولنې د بهرنیو چارو وزیرانو په دېرشمه غونډه کې له ګډون څخه پاتې شو. په داسې حال کې، چې افغانستان د دې سیمه‌ییزې ټولنې غړی هېواد دی.

د پاکستان بهرنیو چارو وزارت ویلي وه، چې کابل ته بلنه ورکړ شوې نه‌وه؛ ځکه اسلام‌آباد د افغانستان اوسنۍ اداره پر رسمیت نه‌پیژني.

پاکستانيو چارواکو دا ادعا هم کړې، چې د افغانستان غړیتوب د اقتصادي همکاریو ټولنې د دارالانشا لخوا ځنډول شوی دی.

دا پرېکړه د افغان چارواکو له نیوکو سره مخ شوه.

اسلامي امارت استدلال کوي، چې سیاسي اختلافات باید د سیمه ییزو اقتصادي نوښتونو او همکاریو په برخه کې د افغانستان د ګډون مخه ونه نیسي.

د تهران په سرمشریزه کې د افغانستان ګډون به کابل ته دا فرصت برابر کړي، چې له سیمه ییزو شریکانو سره د سوداګرۍ، اقتصادي پراختیا، ټرانسپورټي نښلون او سیمه‌ییزو همکاریو ته ورته مسایلو په اړه بیا اړیکې ټینګې او خبرې اترې وکړي.

Continue Reading
Advertisement

Trending

Copyright © 2026 Ariana News. All rights reserved!