لوبی
افغانستان د آسیا په اووه کسیز راګبي سیالیو کې د برونزو مډال وګاټه
دغه سیالۍ د شنبې او یکشنبې پر ورځو د چین تایپه( تایوان) کې ترسره شوې.
د افغانستان راګبي ملي لوبډلې په ۲۰۲۶ز.کال آسیا اووه کسیز راګبي سیالیو کې بنګلهدېش ته د ۱۹ پر ۱۰ پر ماتې ورکولو د برونزو مډال وګاټه.
دغه سیالۍ د شنبې او یکشنبې پر ورځو د چین تایپه( تایوان) کې ترسره شوې.
د فیلیپین ملي لوبډلې په پایلوبه کې کوربه چین تایپه ته د ۱۹ پر ۱۴ له ماتې ورکولو سره له پنځه لوبو څخه د پنځه بریاوو پر ترلاسه کولو اتلولي خپله کړه.
چین تایپه دوهیم او افغانستان درېیم ځای خپل کړ او د برونزو مډال یې وګاټه؛ بنګلهدېش په څلورم ځای کې راغی.
په دغو سیالیو کې د افغانستان، بنګلهدېش، فیلیپین او چین تایپه څلور لوبډلو ګډون کړی و.
لوبی
لبنان په آسیا ملتونو ساحلي فوټبال جام کې افغانستان ته ۵ پر صفر ماتې ورکړه
لبنان له دې بریا سره شپږ امتیازونه ترلاسه کړل او د سیالیو د یوېڅلورمې پایلوبې پړاو ته د لار موندلو په لور نږدې شو؛ خو افغانستان په دغو سیالیو کې د خپلې لومړۍ بریا په لټه کې دی.
د لبنان د ساحلي فوټبال ملي لوبډلې د ۲۰۲۶ز.کال د آسیا ملتونو ساحلي فوټبال جام په لړ کې د شنبې پر ورځ افغانستان ته ۵ پر صفر ماتې ورکړه.
لبنان له دې بریا سره شپږ امتیازونه ترلاسه کړل او د سیالیو د یوېڅلورمې پایلوبې پړاو ته د لار موندلو په لور نږدې شو؛ خو افغانستان په دغو سیالیو کې د خپلې لومړۍ بریا په لټه کې دی.
افغانستان په دغو سیالیو کې خپله لومړۍ لوبه ایران ته بایللې وه.
د افغانستان د ساحلي فوټبال ملي لوبډله به د ګروپي پړاو په وروستۍ لوبه کې د دوشنبې پر ورځ له ویتنام سره مخ شي او لبنان به له ایران سره سیالي وکړي.
لوبی
د آسیا ملتونو ساحلي فوټبال جام؛ افغانستان له ایران څخه ۹ پر ۲ ماتې وخوړه
ایران، چې د دغو سیالیو څلور ځله اتل شوی؛ په« بان نام خِم» ساحلي لوبغالي کې پر لوبه بشپړ برلاسی شو او رضا دیري د درې ګولونو پر وهلو د خپلې لوبډلې په دې ستره بریا کې مهم رول ولوباوه.
نن پنجشنبه( د لړم اتهویشتمه) د افغانستان د ساحلي فوټبال ملي لوبډلې د ۲۰۲۶ز.کال د تایلینډ د آسیاملتونو ساحلي فوټبال جام په خپله لومړۍ لوبه کې د سیالیو له اتل ایران څخه ۹ پر ۲ ماتې وخوړه.
ایران، چې د دغو سیالیو څلور ځله اتل شوی؛ په« بان نام خِم» ساحلي لوبغالي کې پر لوبه بشپړ برلاسی شو او رضا دیري د درې ګولونو پر وهلو د خپلې لوبډلې په دې ستره بریا کې مهم رول ولوباوه.
محمد بهادري د افغانستان دواړه ګولونه ووهل.
افغانستان به خپله دوهیمه لوبه د شنبې پر ورځ له لبنان سره ترسره کړي.
لوبی
آریانا ټلویزیون د آسیا فوټبال کنفډراسیون د جایزو مراسم پر ژوندۍ بڼه خپروي
د افغانستان فوټبال مینهوال کولی شي دغه مراسم پنجشنبه( د لړم اتهویشتمه / د نومبر نولسمه) د کابل پر وخت د مازیګر پر ۴:۳۰ له آریانا ټلویزیون څخه پر ژوندۍ بڼه وګوري.
د آسیا فوټبال کنفډراسیون – ۲۰۲۶بانکوک د جایزو مراسم پنجشنبه( د لړم اتهویشتمه / د نومبر نولسمه) ترسره کېږي، چې په کې به د ۲۰۲۵/۲۰۲۶ آسیا فوټبال غوره لوبغاړو، روزونکو او بنسټونو ته جایزې ورکړ شي.
د دغو کلنیو مراسمو دېرشم پړاو د تایلینډ په پلازمېنه بانکوک کې د« آکسرا کینګ پاور» په ټیاتر کې ترسره کېږي. دا مراسم به د کابل پر وخت د مازیګر پر ۴:۳۰ پیل شي.
آریانا راډیو ټلویزیون به دغه مراسم په ټول افغانستان کې پر ژوندۍ بڼه خپاره کړي، چې د هېواد فوټبال مینهوال وکولی شي د آسیا فوټبال دغه مهم مراسم پر ژوندۍ بڼه وګوري.
په دې مراسمو کې به د آسیا فوټبال د ۱۹ بېلابېلو برخو غوره څېرې او بنسټونه وستایل شي. دا برخې د لوبغاړو انفرادي لاسته راوړنې، روزنه، د فوټبال بنسټیز پرمختګ او د آسیا فوټبال کنفډراسیون د غړیو او سیمهییزو فډراسیونونو فعالیتونه رانغاړي.
د دغو مراسمو له مهمو برخو څخه یوه د آسیا د کال غوره لوبغاړي جایزه ده، چې د سعودي عربستان لوبغاړی سالم الدوسري چانس ترې د درېیم ځل لپاره برخمن کیږي او د دې جایزې پر ګټلو به د آسیا د فوټبال په تاریخ کې لومړی لوبغاړی شي، چې دغه جایزه درې ځله ګټي.
الدوسري، چې د آسیا د کال غوره لوبغاړي له جایزې دفاع کوي؛ د دغې جایزې د ګټلو لپاره له خپل هېوادوال فراس البریکان او د ایران د ملي لوبډلې له ګول ساتونکي علیرضا بیرانوند سره سیالي کوي.
د دغو مراسمو کوربهتوب به د تایلینډ دوه ویاندویان، اوتسادا پانیچکول او جیرادا یوهارا کوي.
دا مراسم به له داسې هنري پروګرام سره پیل شي، چې د تایلینډ دودیز کلتور له معاصر هنر سره یوځای کوي.
په دغو مراسمو کې د آسیا الماس جایزه د نرینهوو او ښځینهوو د فوټبال د کال غوره روزونکي جایزې، د آسیا د کال غوره فوټسال لوبغاړي جایزه او د آسیايي فوټبال کنفډراسیون د رییس جایزه د بنسټیز فوټبال د پراختیا لپاره هم شاملې دي.
دغه راز د آسیا د نرینهوو او ښځینهوو د کال غوره ځوان لوبغاړي او له آسیا بهر د لوبېدونکو غوره آسیايي نرینه او ښځینه لوبغاړو څلور نورې جایزې به هم اعلان شي؛ خو دغه جایزې به په یو لړ نورو مراسمو کې ورکړ شي.
د آسیا فوټبال کنفډراسیون جایزې د دې لویې وچې د فوټبال له مهمو کلنیو مراسمو څخه دي، چې په کې یې د فوټبال د ډګر او له هغه بهر د پام وړ لاسته راوړنو او فعالیتونو ستاینه کېږي.
د افغانستان فوټبال مینهوال کولی شي دغه مراسم پنجشنبه( د لړم اتهویشتمه / د نومبر نولسمه) د کابل پر وخت د مازیګر پر ۴:۳۰ له آریانا ټلویزیون څخه پر ژوندۍ بڼه وګوري.
-
تازه خبرونه3 days agoڅلور سمنګاني ځوانان د کډوالۍ پر لارې له مړینې وروسته خاورو ته وسپارل شول
-
لوبی4 days agoآریانا ټلویزیون د آسیا فوټبال کنفډراسیون د جایزو مراسم پر ژوندۍ بڼه خپروي
-
سیمه ییز خبرونه4 days agoد ایران پر پوځي تاسیساتو امریکا او پر خلیجي هېوادونو ایران بریدونه کړي
-
ساینس او ټیکنالوژي3 days agoشمالي کوریا د خپلې لومړنۍ چټباټ مصنوعي ځیرکتیا مخکتنه وکړه
-
نړۍ3 days agoتر ۲۰۳۵ز.کال پورې به د مسلمانانو شمېر له عیسویانو ډېر شي – «پیو» مرکز
-
تازه خبرونه4 days agoبېځایه کېدا افغان ماشومان نور هم وږي او زیانمن کړل – د ماشومانو د ژغورنې نړیواله اداره
-
تازه خبرونه3 days agoافغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف
-
لوبی5 days agoزیمبابوی په دوهیمه ټسټ لوبه کې افغانستان ته د ۵۷ منډو پر توپیر ماتې ورکړه
