د هوا حالاتو بدلونونه
افغانستان د اقلیمي بدلونونو پر وړاندې د مبارزې لپاره نړیوالو مرستو ته اړتیا لري – ملابرادر
د ریاستالوزراء اقتصادي مرستیال ملا عبدالغني برادر ويلي، افغانستان د اقلیمي بدلونونو په رامنځته کولو کې ونډه نهلري؛ خو له پایلو یې زیانمنېږي.
د ریاستالوزراء اقتصادي مرستیال ملا عبدالغني برادر د اقلیمي خطرونو د کمولو نړیوالې ورځې په مناسبت جوړو شویو مراسمو کې د اقلیمي بدلونونو پر وړاندې د مبارزې او د طبیعي پېښو له کبله د اوښتونکو زیانونو د کمولو لپاره د افغانستان د نړیوالو مالي او تخنیکي مرستو پر عادلانه لاسرسي ټینګار کړی دی.
د ریاستالوزراء اقتصادي مرستیال ملا عبدالغني برادر ويلي، افغانستان د اقلیمي بدلونونو په رامنځته کولو کې ونډه نهلري؛ خو له پایلو یې زیانمنېږي.
نوموړي نن(سېشنبه د تلې یوویشتمه) د اقلیمي خطرونو د کمولو نړیوالې ورځې پر مناسبت جوړو شویو مراسمو کې د اقلیمي بدلونونو پر وړاندې د مبارزې او د طبیعي پېښو له کبله د زیانونو د کمولو لپاره نړیوالو مالي او تخنیکي مرستو ته د افغانستان د عادلانه لاسرسي غوښتنه وکړه.
هغه زیاته کړې، افغانستان تېر کال د زلزلو، موسمي سېلابونو او وچکالۍ له کبله له درندو ټولنیزو او اقتصادي زیانونو سره مخ شو.
د نوموړي د څرګندونو له مخې، دغو پېښو د عامه بنسټونو ترڅنګ خلکو ته هم مرګ او ژوبله او پراخ مالي زیانونه واړول.
د ریاستالوزراء اقتصادي مرستیال د اقلیمي عدالت پر رعایت ټینګار کړی او څرګندوي:« دا د نړیوال اقلیمي عدالت له اصولو سره هېڅ سمون نهلري، چې مونږ د ستونزې په رامنځته کولو کې ونډه ونهلرو؛ خو د هغې درندې او ستونزمنې پایلې وزغمو او د هغو ورانوونکو زیانونو بیه ورکړو، چې نورو رامنځته کړي دي.»
هغه له نړیوالې ټولنې، ملګرو ملتونو او د اقلیم اړوند ادارو غوښتي، چې د اقلیمي بدلونونو پر وړاندې مبارزه له سیاسي ملاحظاتو سره ونهتړي.
ملا برادر ویلي، اقلیمي بدلونونه ټولو ته زیان رسوي او د نړۍ د اقلیم ساتنه، پرته له هر ډول استثنا، د ټولو هېوادونو ګډ مسوولیت دی.
نوموړي ټینګار کړی، چې د طبیعي پېښو او اقلیمي بدلونونو له کبله د زیانونو د کمولو لپاره نړیوالو مالي او تخنیکي مرستو ته د افغانستان عادلانه لاسرسی د دغه هېواد حق دی.
د ریاستالوزراء اقتصادي مرستیال له نړیوالې ټولنې غوښتي، چې د عصري هواپېژندنې وسایلو، د پېښو له رامنځته کېدا مخکې د خبرتیا سیسټمونو او پرمختللیو ژغورنې وسایلو په برابرولو او د تخنیکي وړتیاوو په پیاوړتیا کې له افغانستان سره عملي همکاري وکړي.
هغه همداراز ویلي، اسلامي امارت د طبیعي پېښو پر وړاندې د معیاري او مقاومو ودانیو د جوړولو، د اوبو د مهارولو لپاره د استنادي دیوالونو د جوړولو او د ځنګلونو د ساتنې او بېرته احیا په برخو کې د پام وړ هڅې کړې دي او دا هڅې به روانې وساتي.
د هوا حالاتو بدلونونه
په فلوریډا کې سېلابونه؛ کالیفورنیا د ساحلي سېلابونو له ګواښ سره مخ ده
د سانفرانسیسکو ښاروال ډانیل لوري خبرداری ورکړی، چې دغه ښار له یوه« خورا جدي» هوايي وضعیت سره مخ دی. هغه له ښاریانو غوښتي، چې د ساحلي سیمو د سختو سېلابونو لپاره چمتووالی ونیسي او د رخصتیو پر مهال په خپلو سفري پلانونو له سره غور وکړي.
په فلوریډا کې د شنبې پر ورځ هم پرلهپسې اورښتونو د تاریخي سېلابونو اغېزې نورې هم پسې زیاتې کړې. په داسې حال کې، چې د کالیفورنیا په شمال کې چارواکي د توپاني څپو او بېسارو ساحلي سیلابونو لپاره چمتووالی نیسي. دا وضعیت د شکرانې اختر د رخصتیو او ګڼو مسافرتونو له پیل سره هممهاله رامنځته شوی دی.
د سانفرانسیسکو ښاروال ډانیل لوري خبرداری ورکړی، چې دغه ښار له یوه« خورا جدي» هوايي وضعیت سره مخ دی. هغه له ښاریانو غوښتي، چې د ساحلي سیمو د سختو سېلابونو لپاره چمتووالی ونیسي او د رخصتیو پر مهال په خپلو سفري پلانونو له سره غور وکړي.
د امریکا د ملي سمندري او اتموسفیر ادارې او د هوا پېژندنې ملي ادارې د وړاندوینو له مخې، ښايي په سانفرانسیسکو کې د مدونو(د اوبو د لوړېدا) کچه د دغه ښار په ثبت شوي تاریخ کې تر ټولو لوړې کچې ته ورسېږي.
ډانیل لوري له ښاریانو غوښتي، چې د توپان له رارسېدو مخکې اړین توکي برابر او خپل خرڅ بشپړ کړي. هغه زیاته کړې، د ښاروالۍ چارواکي به د اوونۍ په پای کې د اوسېدونکو او سوداګریزو مرکزونو د ساتنې لپاره خپلې هڅې روانې وساتي.
تمه کېدونکي سېلابونه د کال له کلنیو لوړو مدونو سره هممهاله دي؛ ځکه، چې د کال تر ټولو لوړ مدونه بلل کېږي.
د هوا پېژندنې ادارو خبرداری ورکړی، چې د دوشنبې تر سهار پورې ښايي په ساحلي او ټیټو سیمو کې د اوبو کچه تر ۰.۶ مټر پورې لوړه شي او د آرام سمندر د ساحل په ځینو برخو کې د سېلابونو خبرداری د پنجشنبې تر ماسپښین پورې غځېدلی دی.
دغه راز د فلوریډا د اټلانټیک سمندر ساحل هم د شنبې پر ورځ له خطرناکو هوايي شرایطو سره مخ و او د تندر او برښنا له توپانونو سره د اوبو د څرخنده ستنو د رامنځته کېدا احتمال هم موجود و.
چارواکو سمندري سفر کوونکو ته د خطرناکو سمندري شرایطو او ساحلونو میلمنو ته د سختو څپو او پیاوړو څپیزو بهیرونو په اړه خبرداری ورکړی دی.
که څه هم د سختو اورښتونو لړۍ پای ته رسېدلې؛ خو تمه ده، چې د فلوریډا د تر ټولو اوږد سیند،« سټ جونز» د اوبو کچه د پرلهپسې سپکو اورښتونو له کبله لوړه شي.
د کوکو ښار ته نږدې د دغه سیند د اوبو کچه د پنجشنبې پر ورځ د ۱۹۵۳ز.کال له ثبت شوي ریکارډ څخه لوړه شوه.
د امریکا د هوا پېژندنې ملي ادارې کارپوهې میلیسا واټسن ویلي، چې د دې سیند په اوږدو کې به سېلابونه د اوږدې مودې لپاره روان وي؛ که نور اورښتونه وشي او که ونهشي.
د روانې اوونۍ په پیل کې سختو اورښتونو د فلوریډا د اټلانټیک سمندر ساحل پراخې سیمې تر اوبو لاندې کړې او د دغه ایالت په شمال ختیځو برخو کې یو شمېر اوسېدونکي د سېلابونو له کبله بند پاتې شول.
د فلوریډا او کالیفورنیا هوايي وضعیت له« ال نینو» پدیدې سره تړاو لري. دا یوه طبیعي پدیده ده، چې د استوا کرښې ته نږدې د آرام سمندر د اوبو د تودوخې د لوړېدا له کبله رامنځته کېږي او د نړۍ پر هوايي وضعیت اغېز کولی شي.
د هوا حالاتو بدلونونه
افغانستان د اقلیمي بدلونونو پر وړاندې د نړۍ پنځم زیانمن هېواد وشمېرل شو
د چاپېریال ساتنې ملي ادارې عمومي رییس مطیعالحق خالص په کابل کې یوې علمي غونډې ته ویلي؛ که پر نړیواله کچه هر اړخیزې څېړنې ترسره شي، ښايي افغانستان د اقلیمي بدلونونو پر وړاندې د نړۍ درېیم زیانمن هېواد وپېژندل شي.
د افغانستان چاپېریال ساتنې ادارې چارواکو ويلي، افغانستان د اقلیمي بدلونونو د پایلو پر وړاندې د نړۍ د پنځه زیانمنو هېوادونو په ډله کې دی. په داسې حال کې، چې د نړۍ د شنوخونو ګازونو په تولید کې یې ونډه ډېره کمه ده.
د چاپېریال ساتنې ملي ادارې عمومي رییس مطیعالحق خالص په کابل کې یوې علمي غونډې ته ویلي؛ که پر نړیواله کچه هر اړخیزې څېړنې ترسره شي، ښايي افغانستان د اقلیمي بدلونونو پر وړاندې د نړۍ درېیم زیانمن هېواد وپېژندل شي.
دا علمي غونډه« د افغانستان رسنۍ او اقلیمي ډیپلوماسي؛ فرصتونه او ننګونې» تر سرلیک لاندې په یوه خصوصي پوهنتون کې جوړه شوې وه.
دغه راز د اطلاعاتو او کلتور وزیر شېراحمد حقاني د اقلیمي بدلونونو د منفي پایلو په اړه د عامه پوهاوي په لوړولو کې د رسنیو پر ونډې ټینګار کړی او له رسنیو یې غوښتي، چې په دې برخه کې فعالې خبري خپرونې وکړي.
د رسنیو یو شمېر مسوولانو هم د عامه پوهاوي د لوړولو او د اقلیمي بدلونونو د پایلو پر وړاندې د مبارزې لپاره له دولتي ادارو سره د همکارۍ چمتووالی څرګند کړی دی.
دا څرګندونې په داسې حال کې کېږي؛ ټاکل شوې د اقلیمي بدلونونو په اړه نړیواله غونډه یوه ورځ وروسته په ترکیه کې جوړه شي او د افغانستان له استازو هم دې غونډې ته د ګډون بلنه شوې، چې خپل نظرونه وړاندې او د هېواد اقلیمي وضعیت ته د نړیوالې ټولنې پام راواړوي.
په افغانستان کې د اقلیمي بدلونونو پر وړاندې د مبارزې اړوند یو شمېر نړیوالې پروژې درېدلې دي، چې دې چارې د اقلیمي بحران پر وړاندې د هېواد د مبارزې د وړتیا په اړه اندېښنې زیاتې کړې دي.
د هوا حالاتو بدلونونه
اسلامي امارت د دوهیم ځل لپاره په اقلیمي نړیواله غونډه کې ګډون کوي
اسوشیټیډ پرس خبري آژانس راپور ورکړی، چې د اسلامي امارت چارواکي به په دې غونډه کې څارونکي وي او د افغانستان د چاپېریال ساتنې ملي ادارې د اقلیمي بدلونونو برخې رییس روحالله امین هم تائید کړې، چې کابل په دې غونډه کې د ګډون هوډ لري.
ټاکل شوې د افغانستان اسلامي امارت چارواکي واک ته له رسېدا وروسته د دوهیم ځل لپاره د ملګرو ملتونو د اقلیمي بدلونونو په نړیواله غونډه (COP31) کې ګډون وکړي؛ دا غونډه به راتلونکې اوونۍ د ترکیې په انتالیا ښار کې جوړه شي.
اسوشیټیډ پرس خبري آژانس راپور ورکړی، چې د اسلامي امارت چارواکي به په دې غونډه کې څارونکي وي او د افغانستان د چاپېریال ساتنې ملي ادارې د اقلیمي بدلونونو برخې رییس روحالله امین هم تائید کړې، چې کابل په دې غونډه کې د ګډون هوډ لري.
یوه ترکي چارواکي هم په COP31 غونډه کې د اسلامي امارت د استازو ګډون تائید کړی دی.
اسلامي امارت له دې دوه کاله مخکې هم د آذربایجان په پلازمېنه باکو کې د اقلیمي بدلونونو د نړیوالې غونډې ګډونوال و؛ خو د اسلامي امارت استازي د ملګرو ملتونو د اقلیم په نړیوالو غونډو کې رسمي دریځ نهلري. ملګرو ملتونو تر اوسه په عمومي غونډه کې د افغانستان څوکۍ اسلامي امارت ته نهده سپارلې او د دې ټولنې ډېری غړیو هېوادونو هم د اسلامي امارت حکومت پر رسمیت نهدی پېژندلی.
د څارونکو په توګه ګډون د اسلامي امارت استازو ته اجازه ورکوي، چې په غونډو او خبرو اترو کې برخه واخلي؛ خو د اقلیمي تګلارو او موخو په اړه په خبرو اترو او پرېکړو کې د رسمي ګډون حق نهلري.
افغانستان؛ د اقلیمي بدلونونو پر وړاندې د نړۍ یو زیانمنونکی هېواد دی
افغانستان د هغو هېوادونو په ډله کې دی، چې د اقلیمي بدلونونو له کبله تر ټولو ډېر زیان ویني؛ پرلهپسې وچکالیو، د اوبو کمښت، سختې ګرمۍ او ناڅاپي سېلابونو د میلیونونو وګړو ژوند له ګواښ سره مخ کړی دی.
د کډوالۍ نړیوالې ټولنې د راپور له مخې؛ یوازې د تېر کال له اپریل څخه تر ډسمبر پورې په افغانستان کې له ۱.۶ میلیون ډېر کسان د اقلیمي بدلونونو د اغېزو له کبله اړ شوي، چې خپل کورونه پرېږدي.
څرنګه، چې د افغانستان د وګړو لویه برخه پر کرنه بوخته ده؛ د وچکالیو دوام او د اوبو د سرچینو کمښت د هېواد پر کرنیزو تولیداتو او خوړو خوندیتوب هم سخت منفي اغېز کړی دی.
په نړیوالو غونډو کې د افغانستان د استازولۍ پر سر اختلاف
د افغانستان اسلامي امارت په دې باور دی، چې د افغانستان خلک باید د اقلیمي بدلونونو په نړیوالو غونډو کې استازولي ولري او د اقلیمي بدلونونو پر وړاندې د مبارزې مالي سرچینو ته لاسرسی ومومي.
-
تازه خبرونه3 days agoڅلور سمنګاني ځوانان د کډوالۍ پر لارې له مړینې وروسته خاورو ته وسپارل شول
-
لوبی4 days agoآریانا ټلویزیون د آسیا فوټبال کنفډراسیون د جایزو مراسم پر ژوندۍ بڼه خپروي
-
سیمه ییز خبرونه4 days agoد ایران پر پوځي تاسیساتو امریکا او پر خلیجي هېوادونو ایران بریدونه کړي
-
ساینس او ټیکنالوژي3 days agoشمالي کوریا د خپلې لومړنۍ چټباټ مصنوعي ځیرکتیا مخکتنه وکړه
-
نړۍ3 days agoتر ۲۰۳۵ز.کال پورې به د مسلمانانو شمېر له عیسویانو ډېر شي – «پیو» مرکز
-
تازه خبرونه4 days agoبېځایه کېدا افغان ماشومان نور هم وږي او زیانمن کړل – د ماشومانو د ژغورنې نړیواله اداره
-
تازه خبرونه3 days agoافغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف
-
تازه خبرونه3 days agoقزاقستان د افغانستان له ثبات او بیا رغونې سره څنګه مرسته کوي؟
