Connect with us

لوبی

افغانستان له بنګله دېش سره ۲۰ آوریزو لوبو ته لوبډله اعلان کړه

Published

 on

(Last Updated On: سلواغه ۲۶, ۱۴۰۰)

د افغانستان کرکټ‌ بورډ له بنګله دېش سره را روانو ۵ یو ورځنیو لوبو ته د لوبغاړیو نومونه اعلان کړل.

د افغانستان د کرکټ ملي‌ لوبډلې لوبغاړي تېره ورځ بنګله دېش ته ورسېدل، چې له هغه هېواد سره پیلېدونکیو سیالیو ته چمتوالی ونیسي.

د افغانستان او بنګله دېش تر منځ درې یوه ورځنۍ او دوه شل اوریزې لوبې کیږي، چې د فبرورۍ پر ۲۳ نېټه پیلیږي.

د یوې ورځینو سیالیو لپاره د حشمت الله شهیدي په مشرۍ ۱۶ لوبغاړي او د شل آوریزو لوبو لپاره د محمد نبي‌په مشرۍ ۱۶ لوبغاړي اعلان شوي ‌دي.

افغان لوبغاړي بنګله دېش ته له روانېدو مخکې څو اوونۍ په قطر کې وروزل شول.

د افغانستان او بګله دېش ترمنځ سیالۍ د ۲۰۲۳ زېږدیز کال نړیوال جام ته د ورتګ د غوراوي سیالۍ دي، چې له هر بري سره ۱۰ نومرې ورکول کیږي.

افغانستان له دې مخکې له ایرلنډ او هالنډ څخه دا ډول درې- درې لوبې ګټلي او ۶۰ نومرې لري.

د افغانستان کرکټ لوبډله شاوخوا ۲۴ دا ډول لوبې لري او که له دغو لوبو څخه ۶۰ سلنه وګټلې، ښايي هسکه غاړه د ۲۰۲۳ نړیوال جام ته وردننه شي.

لوبی

د کرکټ نړیوالې شورا د راتلونکیو ۴ کلونو لپاره د افغانستان سیالۍ اعلان کړې

Published

on

(Last Updated On: زمری ۲۶, ۱۴۰۱)

د کرکټ نړیوالې شورا د څرګندونو له مخې؛ افغانستان به د ۲۰۲۳ او ۲۰۲۷ کلونو ترمنځ د بېلابېلو لوبډلو پر وړاندې ۲۱ تست لوبې، ۴۵ نړیوالې یو ورځنۍ هغه او ۵۷ نړیوالې شل آوریزې سیالۍ ترسره کړي.

د کرکت نړیوالې شورا له اعلان شوي مهالوېش سره سم به په یاده موده کې افغان کرکت ملي لوبډله له ایرلیند سره څلور او له زمبابوې سره درې لوبلړۍ ترسره کړي. دغه راز به افغان لوبډله د هند، نیوزیلند او آسترالیا په څېر د کرکت نړۍ له سترو او پیاوړیو لوبډلو سره هم لوبلړۍ ترسره کړي.

د افغانستان کرکت ملي لوبډله به د یاد پروګرام له مخې خپلې سیالۍ د ۲۰۲۳زېږدیز کال په جون میاشت کې بنګله دیش ته په یوه بشپړ سفر پیل کړي، چې په کې له کوربه لوبډلې سره دوه تست لوبې، درې یو ورځنۍ او درې شل اوریزې سیالۍ ترسره کړي، چې ورپسې به په نورو څو میاشتو کې د زمبابوی، پاکستان او ویست اندیز لوبډلو کوربتوب وکړي.

د راتلونکیو سفرونو په پروګرام کې د افغان لوبډلې لپاره تر ټولو زیاتې (۵) تست لوبې له زمبابوی سره برابرې شوې دي؛ هغه لوبډله، چې به ورسره افغان اتلان په ۱۲ نړیوالۍ یو ورځنۍ او ۱۲ نړیوالې شل آوریزې سیالۍ هم ترسره کړي. د دې ترڅنګ به افغان لوبډله له ایرلیند سره څلور تست لوبې، ۱۲ نړیوالې یو ورځنۍ او ۱۰ نړیوالې شل آوریزې سیالۍ ترسره کړي.

دغه راز به د دغه پروګرام له مخې افغان لوبډله آسترالیا، هند او نیوزیلیند ته هم سفرونه وکړي او هم به په دې بهیر کې د دغو لوبډلو کوربتوب کوي.

د افغانستان کرکت بورد اجرائیوي مشر نصیب خان د کرکت نړیوالې شورا د راتلونکیو سفرونو له اعلان شوي نوي پروګرام هرکلی کوي او وایي؛ د افغانستان لپاره د تست لوبو زیاتوالی د افغانستان د کرکت په وده او د لوبغاړیو په پیاوړتیا کې اغېزمن رول ولوبوي.

نوموړي زیاته کړې: مونږ تل له سترو لوبډلو سره د لوبو غوښتنه کړې ده؛ د بنګله دېش، سریلانکا او هندوستان په ګډون هېوادونو ته مو سفر وکړ او دغه راز مو د نړیوالې شورا په بېلابېلو غونډو کې له نورو هېوادونو غوښتنه وکړه، چې له افغانستان سره لوبې ترسره کړي.

ویل کیږي، چې په راتلونکیو څلور کلونو کې به افغانستان د سترو لوبډلو پر وړاندې ډېرې تست لوبې وکړي او سربېره پر دې به دوه اړخیزو لوبو ته زمینه برابره شي، چې د افغانستان د کرکت پر تخنیکي او مالي اړخ مثبته اغېزه ولري.

Continue Reading

لوبی

په آسیا جام کې د کرکت ملي لوبغاړیو د ګډونوالو نوملړ اعلان شو

Published

on

(Last Updated On: زمری ۲۶, ۱۴۰۱)
د افغانستان کرکت بورد غوراوي کمېټې د سې شنبې پر ورځ د زمري ۲۵ د آسیا جام راتلونکیو سیالیو ته د ۱۷ لوبغاړیو د نوملړ اعلانولو ترڅنګ دې لوبو ته درې احتیاطي لوبغاړي هم په پام کې نیولي دي.
په دغه نوملړ کې رحمان الله ګربز (ویکټ کیپر) عثمان غني، ابراهیم ځدراڼ، نجیب الله ځدراڼ، حشمت الله شهیدي، افسر ځاځي ( ویکت ساتونکی، محمد نبي( لوبډلمشر) کریم جنت، عظمت الله عمرزی، سمیع الله شینواری، راشد خان، فضل الحق فاروقي، فرید احمد ملک، نوین الحق، نور احمد او مجیب الرحمن او فضلي شته دي.

قیس احمد، شرف الدین اشرف او نجات مسعود اوس هم په احتیاطي لیست کې دي.

ټاکل شوې د آسیا جام سیالۍ د اګست پر ۲۷ په عربي متحده اماراتو کې پیل شي او د روان کال د سپتمبر تر یوولسمې به روانې وي.

د غوراوي کمیتې غړي نورالحق ملکزي د لوبغاړیو د نوملړ په اړه ویلي: د آسیا جام سیالۍ زمونږ لپاره ارزښتمنې دي، له همدې کبله مو دغو لوبو ته پیاوړي لوبغاړي غوره کړي دي؛ سربېره پر دې سمیع الله شینواری هم په دغه نوملړ کې راغلی دی. د توپ اچونې په برخه کې د هغه لوبغاړیو په شتون کې، چې پخوا حشمت الله شهیدي، ابراهیم ځدراڼ، نجیب الله ځدراڼ او محمد نبي په کې شامل دي، د هغه په ​​شتون کې شک لا نور هم پیاوړی کېږي. که څه هم سمیع الله شینواري د ۲۰۲۰ کال له مارچ میاشتې راپدیخوا په نړیوالو لوبو کې برخه نده اخیستې؛ خو په شپږیزه کرکت لیګ کې ښه ځلیدلی او په منځني ترتیب کې له لوبډلې سره د ده شتون د قدر وړ دی.

دمګړۍ افغان لوبغاړي په ایرلیند کې کې مېشت دي. له پېنځمې او وروستۍ لوبې وروسته، چې د چارشنبې پر ورځ ترسره کېږي د افغانستان د کرکت ملي لوبډله به د جمعې پر ورځ عربي متحده اماراتو ته ولاړه شي.

د آسیا لیګ سیالیو په (الف) ګروپ کې؛ هند، پاکستان، عربي متحده امارات، هانګ کانګ، کویټ او سینګاپور لوبډلې سیالۍ ته لار مومي او افغانستان، بنګله دېش او سریلانکا په (ب) ګروپ کې دي.

افغان لوبډله به خپله لومړۍ لوبه د روانې اګست میاشتې پر ۲۷ نېټه په دوبۍ کې له سریلانکا سره او دوه یمه لوبه به د همدې میاشتې پر ۳۰ نېټه په شارجه کې له بنګله دېش سره ترسره کړي.

Continue Reading

لوبی

د افغانستان کرکت لوبډلې له ایرلینده پر ۲۷ منډو څلورمه لوبه وګټله

Published

on

(Last Updated On: زمری ۲۵, ۱۴۰۱)

 د افغانستان کرکت ملي لوبډلې د پېنځه یو ورځنیو لوبو په څلورمه لوبه کې د ایرلیند کرکت ملي لوبډلې ته پر ۲۷ منډو ماتې ورکړه او اړوند لوبه  مساوي پای ته ورسېده.

دا سیالۍ د دوشنبې پر ورځ (د زمري ۲۴ ) په ایرلیند کې ترسره شوې ده.

د افغانستان او ایرلیند تر منځ لوبډلو د باران له کبله د ۲۰ آورونو پر ځای د ۱۱ آورونو لوبه ترسره شوه.

د افغانستان او ايرليند لوبډلو ترمنځ څلور لوبې ترسره شوي، چې دوه لوبې افغانستان او دوه نورې يې ايرلیند ګټلي دي.

د دې لړۍ وروستۍ لوبه د چارشنبې پر ورځ ترسره کېږي او د دې پېنځه اړخیزو سیالیو د لړۍ وروستی ګټونکی به د وروستۍ لوبې په پای کې وټاکل شي.

افغانستان د لوبې په یوولسم آور کې سیالې لوبډلې ته د ۱۳۳ منډو هدف وټاکه؛ خو ایرلیند د ټولو لوبغاړيو د له لاسه ورکولو سره یوازې ۱۰۵ منډې جوړې کړې او له ماتې سره مخ شو.

د افغانستان له لوبډلې څخه نجیب ځدراڼ ۵۰ منډې وکړې او راشد خان د ۳۱ منډو په جوړولو سره د دغې لوبډلې په بریا کې ستر رول ولوباوه.

د توپ اچونې په برخه کې له مخالفې لوبډلې څخه فرید ملک درې لوبغاړي او نوین الحق او راشد خان دوه دوه دوه لوبغاړي له وسوځول.

افغانستان له دغو پېنځه لوبو وروسته په عربي متحده اماراتو کې د آسیا جام لوبې کوي‌ او بیا به آسټرالیا ته د شل آوریزو کرکت نړیوال جام لپاره روانیږي.

Continue Reading

Trending

Copyright © 2022 Ariana News. All rights reserved!