Connect with us

تازه خبرونه

افغان ځواکونه به د افغانستان له هوايي ډګرونو پخپله ساتنه کوي ـ اسلامي امارت

خپور شوی

د

(Last Updated On: غویی ۱۳, ۱۴۰۱)

د افغانستان اسلامي امارت د ویاند مرستیال د سې شنبې پر ورځ ویلي، چې د افغانستان اسلامي امارت ځواکونه به پخپله د هېواد له هوایي ډګرونو ساتنه کوي؛ خو له نورو هېوادونو سره یې یوازې پر تخنیکي مرستو خبرې کیږي.

قطر او ترکیې په وروستیو میاشتو کې لهاسلامي امارت سره د افغانستان د هوايي ډګرونو د چلولو په برخه کې د مرستې لپاره خبرې کړې دي؛ خو تر اوسه کومې هوکړې ته ندي رسیدلي.

راپورونه وايي، چې قطر او ترکیه غواړي د هوايي ډګرونو د ساتنې لپاره خپل پوځي ځواکونه ځای پر ځای کړي.

د افغانستان اسلامي امارت د ویاند مرستیال بلال کریمي ویلي: ځواکونه به مو د هوايي ډګر امنیت ډاډمنوي؛ خو خبرې به یوازې د تخنیکي مسلو په اړه وي.

تېره میاشت بي بي سي یو ویډیوي راپور ورکړی و، چې قطري ځواکونه یې د کابل په هوايي ډګر کې ښودل او هغه مهال حکومتي چارواکو ویلي وه، چې هغوی د خپلو تخنیکي ځواکونو ساتنه کوي.

کارپوهان وړاندیز کوي، چې د قطر او ترکیې لپاره به ستونزمنه وي، چې له اسلامي امارت سره تړون وکړي، چې پرته له پوځي شتونه هواي ډګرونه رهبري کړي.

د سیاسي چارو کارپوه عبدالولي فیروز ویلي: که قطري او ترکي ځواکونو ته اجازه ورکړ شي، چې د هوايي ډګرونو امنیت برابر کړي، الوتنې به بیا پیل شي او دا به له هغو کسانو سره هم مرسته وکړي، چې غواړي له افغانستان څخه ووځي.

د افغانستان د درېیمې لارې په نوم د یوې سیاسي ډلې غړی خلیل احمد ندیم وايي، دغه هوکړه لیک به له هېواده د نشه‎يي توکو د قاچاق د مخنیوي په برخه کې هم مرسته وکړي.

له دې مخکې د ترانسپورت او ملکي هوايي چلند وزارت ویلي وه، چې د افغانستان د هوايي ډګرونو په اړه له هېوادونو سره هر ډول هوکړه د ملي ګټو پر بنسټ کېږي.

تازه خبرونه

افغان بیسیم د ننګرهار په حصارک ولسوالۍ کې ۳‌جي ‌او ۲‌جي انټرنیټي خدمات فعال کړل

Published

on

(Last Updated On: کب ۴, ۱۴۰۲)

د افغان بیسیم مخابراتي شبکې مسوولینو ويلي؛ د ننګرهار په حصارک ولسوالۍ کې یې د دوه‌یم او درېیم نسل ۳‌جي او ۲‌جي انټرنیټي خدمتونه فعال کړي دي.

د دې شبکې د مسوولینو د څرګندونو له مخې اوس په دې ولسوالۍ کې زرګونه کورنۍ له ۳‌جي او ۲‌جي  انټرنیټي خدمتونو برخمنې شوې دي.

دوی زیاته کړې، چې د دغه ولایت په نورو ولسوالیو کې به د انټرنټ نوی نسل ته هم د پراخېدو زمینه برابره کړي.

په ختيځ زون کې د افغان بیسيم مخابراتي شبکې مشر عطاالله ساحل ويلي: دغه ستن د اړوند معيارونو له مخې جوړه شوې او نن مو دلته د ۳‌جي او ۲‌جي انټرنېټي خدمات فعال کړل.

د دې ولایت سیمه‌ییز چارواکي د افغان بيسیم مخابراتي شبکې د انټرنېټي خدمتونو له پراخېدو هرکلی کوي او وايي، چې دغه خدمتونه باید په نورو ولسوالیو کې هم فعال شي.

په ننګرهار کې د مخابراتو او معلوماتي ټکنالوجۍ رییس ذبیح الله ذکي وایي: د افغان بیسیم یوه ستن فعاله شوه، چې دا مهال د ۳‌جي او ۲‌جي انټرنیټي خدمات وړاندې کوي.

د حصارک ولسوالۍ اوسیدونکي خوښ دي، چې د نوي نسل انټرنېټي خدمتونو ته لاس‌رسی لري او غواړي نرخونه يې راټيټ شي.

د ننګرهار د حصارک ولسوالۍ اوسیدونکي جنت ګل وایي: مونږ ډېر خوښ يوو، چې دلته د افغان بیسيم ستن فعاله شوه.

دا په داسې حال کې ده، چې په دې ولسوالۍ کې د مخابراتي او انټرنیټي خدمتونو د وړاندې کولو لپاره افغان بیسیم دوه سایټونه فعال کړل او د یو بل نوي سایټ د فعالېدو هڅې روانې دي.

Continue Reading

تازه خبرونه

د سوداګرۍ وزارت له ۲۲ بنسټونو سره هوکړه لیکونه لاسلیک کړل

Published

on

(Last Updated On: کب ۱, ۱۴۰۲)

د سوداګرۍ او صنایعو وزارت د دوشنبې پر ورځ (د سلواغې دېرشمه) د درې اعشاریه پېنځه میلیون ډالرو پر ارزښت له ۲۲ کورنیو بنسټونو سره د کوچنیو او منځنیو تشبثاتو د ودې، پراختیا او همکارۍ هوکړه لیکونه لاسلیک کړل.

د یاد وزارت د څرګندونو له مخې؛ د یادو هوکړه لیکونوموخه د کوچنیو او منځنیو تشبثاتو پراختیا او هڅونه ده.

دغه وزارت زیاته کړې، چې ټاکل شوې دغه پروژې د ۱۴ ولایتونو په بېلابېلو سکتورونو کې پلې شي او ورسره به ۶۰۴۵ کسانو ته د کار زمینه برابره شي.

Continue Reading

تازه خبرونه

ناروې په افغانستان کې د اقلیم د بدلون په اړه غونډه جوړوي

Published

on

(Last Updated On: کب ۱, ۱۴۰۲)

اسلامي امارت د افغانستان لپاره د ناروې د کمیټې د مشر تاريه مګنوسین د څرګندونو له مخې ویلي، چې ناروې به په افغانستان کې د اقلیمي بدلون د پایلو په اړه غونډه جوړه کړي.

نوموړي د اسلامي امارت د چاپېریال ساتنې چارو له مرستیال زین‌العابدین عابد سره په کتنه کې څرګنده کړې، چې دغه غونډه به په کابل کې دوه میاشتې وروسته جوړه شي.  

په دې کتنه کې موګنوسین زیاته کړې، چې دوی به په کابل کې د چاپېریال ساتنې له ملي ادارې او نړیوالو موسسو سره په افغانستان کې د اقلیم د بدلون په اړه غونډه جوړه کړي.

دغه راز زین‌العابدین عابد هم په کرنه، اوبولګولو، روغتیا او ځینو نورو برخو کې د اقلیمي بدلون د منفي پایلو په اړه خبرې کړې دي.

د تېر کال د سرطان په میاشت کې د ملګرو ملتونو د بشري مرستو د همغږۍ دفتر ویلي وه؛ افغانستان له هغو لس زیانمنو هېوادونو څخه دی، چې له اقلیمي بدلون او طبیعي پېښو سره مخ دي.

دې ټولنې په افغانستان کې د وچکالۍ د زیاتوالي په اړه هم خبرداری ورکړی او دا یې د خلکو هوساینې او لوږې لپاره ګواښ ګڼلی و.

د ملګرو ملتونو د اټکلونو له مخې؛ افغانستان د اقلیمي بدلون له خطر سره مخ څلورم او اتم زیانمن هېواد پر ګوته شوی دی.

Continue Reading

Trending

Copyright © 2022 Ariana News. All rights reserved!