تازه خبرونه
په افغانستان کې سیلابونو ۴۰ کسانو ته مرګ و ژوبله اړولې
چارواکي وايي، په ۱۲ ولایتونو کې د سېلابونو له کبله لږ تر لږه ۲۲ کسان مړه شوي، ۱۸ ټپيان دي او اووه نور ورک دي.
د رسمي څرګندونو له مخې؛ سېلابونه تر ډېره په شمالي ولایتونو فاریاب، بغلان او بادغیس کې راوتلي دي.
د طبیعي پېښو پر وړاندې د مبارزې وزارت د څرګندونو له مخې؛ د هېواد په ۱۲ ولایتونو کې ۱۹ کورونه په بشپړه توګه ویجاړ شوي او ۲۶۱ کورونه څه نا څه زیانمن شوي دي.
دغه راز ۵۰۰ جریبه ځمکه او څلور لارې ویجاړې او ۱۲۰ څاروي له منځه تللي دي.
د فاریاب سیمه ییز چارواکي وايي؛ په دغه ولايت کې سېلابونو ډېر مالي زيانونه اړولي؛ خو کره شمېر يې په ډاګه شوی ندی.
له طبیعي پېښو سره د مبارزې په چارو کې د حکومت مالي او ادارې مرستیال غلام غوث ناصري ویلي، څېړنې روانې دي و له زیانمنو شویو خلکو سره مرستې روانې دي.
د هوا پېژندنې اداره اټکل کوي، چې ۲۷ ولایتونه د سېلابونو له خطر سره مخ دي او په ځینو ولایتونو کې له ۲۰ څخه تر ۶۰ سانتي مټرو پورې اورښت شوی دی.
د هوا پېژندنې ادارې د وړاندوینې مشر محمد نسیم مرادي ویلي: د هېواد په اووه ویشت ولایتونو کې د سېلابونو او اورښت اټکل شوی، چې زمونږ د وېبپاڼې له لارې یې د احتمالي خطرونو په اړه معلومات خپاره شول او دا بارانونه تر اوسه وان دي او تر پنجشنبې به روان وي.
د سختو اورښتونو له د کبله بارانونو او سېلابونو راپورونه په داسې حال کې ورکړ شوي، چې د افغانستان لویې برخې د وچکالۍ له جدي ګواښ سره مخ دي.
تازه خبرونه
په کابل کې پر اړمنو کورنیو د بیات بنیاد د روژې مرستې ووېشل شوې
د بیات بنیاد مسوولینو ويلي، چې نن (پنجشنبه د وري نهمه) په کابل کې پر اړمنو او بېوزلو کورنیو د د دې بنسټ د روژې مرستې ووېشل شوې.
د دغه بنسټ مسوولینو څرګنده کړې، چې دغه مرستې به د روژې مبارکې میاشتې تر پایه روانې وي.
د بیات بنیاد مرستیال حاجي محمد اسماعیل وايي؛ د دغه بنسټ په مرستو کې اوړه، وريجې او غوړي شته ، چې له يوې رڼې سروې وروسته پر مستحقينو ووېشل شول.
د مرستې ترلاسه کوونکيو د بیات بنیاد له دې مرستو مننه وکړه او له نورو خیریه بنسټونو هم غواړي، چې په دې مبارکه میاشت کې ورسره ورته مرسته وکړي.
بیات بنیاد له نږدې دوه لسیزو راپدیخوا د روژې په میاشت کې د مرکز او ولایتونو له زرګونه اړمنو کورنیو سره د خوراکي او غیر خوراکي توکو مرستې کوي.
تازه خبرونه
په تېرو ۶ میاشتو کې ۸ زره ۷۴۷ جنايي پېښې ثبت شوي
د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.
د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.
قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.
نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.
د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.
قانع ویلي: د پاسپورټ رياست لهخوا هره ورځ لس زره پاسپورتونه هېوادوالو ته وېشل کېږي.
د دوی د څرګندونو له مخې؛ د نشهیي توکو کښت، تولید او قاچاق هم صفر ته رسېدلي او په هېواد کې د نشهیي توکو د تولید اته ماشینونه او د نشهیي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.
هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.
د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.
تازه خبرونه
د ټاپي ګاز شرکت اجرائیه رییس له وروستیو پرمختګونو خوښي څرګنده کړه
د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه1 day ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې