Connect with us

تازه خبرونه

بیات بنیاد د هرات له زلزله ځپلیو سره د خوراکي توکو او نغدو پیسو مرسته وکړه

خپور شوی

د

(Last Updated On: تله ۲۰, ۱۴۰۲)

بیات بنیاد د هرات له زلزله ځپلیو سره د خوراکي توکو د څه باندې ۱۵ زره کڅوړو او نغدو پیسو مرسته وکړه.

بیات بیناد هره ورځ د هرات زلزله ځپلیو کورنیو ته خوراکي توکي برابروي؛ تر اوسه پر دغو کورنیو څه باندې ۱۵ زره کڅوړې خوراکي توکي وېشل شوي دي.

دغه راز دغه بیناد مسوولینو نن د هرات په حوزوي روغتون کې د زلزلې له قربانیانو سره نغدي مرسته وکړه. په دې زلزله کې، چې نن سهار وشوه له ١٤٠ څخه زيات کسان ټپيان شوي، چې ټول د هرات ولايت روغتون ته ليږدېدلي دي.

 د بیات بنیاد مرستیال حاجي محمد اسمعیل ويلي، هره ورځ په زلزله ځپلیو سیمو کې له زرو زیاتو کسانو ته خواړه رسوي.

د بيات بنياد مرستيال حاجي محمد اسماعيل وایي: مونږ دلته راغلي يوو. له بده مرغه وضعیت خورا بدمرغه دی. خلک ډېر خفه دي. انساني تلفات ډېر دي. ډېره ویجاړي رامنځته شوې ده. بیات بنیاد تل دې ډول پېښو ته ځان لومړی رسوي. له نېکه مرغه مونږ له دوه درې ورځو راپدیخوا یو نیم زر کسانو ته خوراکي توکي وېشلي دي. نورې مرستې به هم ژر راورسېږي.

له زلزله ځپلیو سيمو يو شمېر اوسیدونکي د خيريه موسسو له لوري له رالېږل شويو خوراکي توکو څخه خوښ دي.

زلزله ځپلی تاجمیر وايي، چې اوسمهال د خوراکي توکو د چمتو کولو وس نه‌لري او هره ورځ په منظم ډول خوراکي توکي ترلاسه کوي.

د افغان بېسیم مخابراتي شرکت په زلزله ځپلو سیمو کې مخابراتي انتن هم درولی، چې خلک او مرستندویه ادارې وکولی شي خپلې مرستندویه چارې اسانه ترسره کړي.

د بيات بنياد مرستيال حاجي محمد اسماعيل وایي: له نېکه مرغه نن د افغان بېسيم مسوولينو او د هرات ولايت مسوولينو وغوښتل، چې د خلکو د ستونزو د حل په موخه دلته د انتن یوه ستن ولګوي.

په هرات کې د افغان بېسیم مخابراتي شرکت حوزوي رييس نثار احمد رحیمي وایي؛ پخوا په دې سيمه کې هيڅ مخابراتي شرکت نه و. له نېکه مرغه افغان بېسیم لومړنی مخابراتي شرکت دی، چې ژر تر ژره یې دلته خپل وسایل چمتو او د زنده جان ولسوالۍ د خلکو لپاره یې انتن ولګاوه.

بیات بنیاد تل په بېړنیو حالاتو کې له نغدي پیسو نیولې تر جامو او خوراکي توکو مرسته کړې ده.

تازه خبرونه

نړۍ دې د دښمنۍ پاللو او بندیزونو پر ځای له افغانستان سره همکاري وکړي

Published

on

(Last Updated On: وری ۲۱, ۱۴۰۳)

د اسلامي امارت ویاند ويلي، چې د نړیوالې ټولنې هیڅ فشار ته به تسلیم نشي او د نړۍ لپاره غوره ده، چې د فشارونو او بندیزونو پر ځای له افغانستان سره همکاري وکړي.

د اسلامي امارت د واکمنۍ له دوه نیم کالو څخه ډېر وخت تېریږي او اوس هم نړیواله ټولنه پر اسلامي امارت فشار راوړي، چې د ټولګډونه حکومت په جوړولو کې پاتې راغلي او له بشري حقونو او په ځانګړي توګه د نجونو او میرمنو له حقونو څخه سرغړونې کوي.

اسلامي امارت وايي، چې هیڅکله به د نړۍ فشارونو ته تسلیم نشي او د بندیزونو او فشارونو سیاست د افغانستان د ستونزې په حل کې مرسته نشي کولی، بلکې نړۍ باید د تعامل لاره خپله کړي.

د اسلامي امارت ویاند ذبیح الله مجاهد وايي: لکه څنګه، چې په تېرو شل کلونو کې فشارونو او بندیزونو په افغانستان کې مثبته نتیجه نده ورکړې؛ د تېرو ترخو تجربو تکرار هم د افغانستان د ستونزې په حل کې مرسته نشي کولی.

ربیح الله مجاهد زیاتوي؛ په څه له پاسه دوه نیمو کلونو کې ګڼو هېوادونو له اسلامي امارت سره ښې اړیکې او تعاملات پیل کړي دي.

د نوموړي د څرګندونو له مخې؛ ځينې لويديځ هېوادونه اوس هم د تېرو جګړو له کبله له اسلامي امارت سره دښمني پالي.

کارپوهان په دې باور دي، چې نړیواله ټولنه او اسلامي امارت باید د ټکر سیاست یوې خواته کړي او د افغانستان مسلې له ډیپلوماټیکو لارو حل کړي.

د دوی د څرګندونو له مخې؛ د هېواد اوسنیو حالاتو ته پر کتو اسلامي امارت ته لازمه ده، چې له ملي ګټو او اسلامي ارزښتونو سره سم له نړیوالې ټولنې سره په خپله تګلاره کې نرم دریځ غوره کړي.

دا په داسې حال کې ده، چې په تېرو دوه نیمو کلونو کې هیڅ هېواد اسلامي امارت پر رسمیت ندی پېژندلی او نړیوالې ټولنې هم خبرداری ورکړی، چې که اسلامي امارت پخپلو سختو سیاستونو له سره غور ونکړي؛ پر رسمیت به یې ونه‌پېژني.

اسلامي امارت تل ټینګار کړی، چې د مشروع حکومت ټول شرطونه لري؛ خو نړۍ د اسلامي امارت په وړاندې دښمنانه دریځ خپل کړی دی.

Continue Reading

تازه خبرونه

د افغانستان لپاره د ځانګړي استازي پر ټاکلو بحثونه روان دي – م.م

Published

on

(Last Updated On: وری ۲۱, ۱۴۰۳)

د ملګرو ملتونو ویاند ويلي، چې د افغانستان په چارو کې د دې ټولنې د ځانګړي استازي په اړه خبرې اوس هم روانې دي.

د ملګرو ملتونو ویاند سټیفن دوجاریک د دوشنبې پر ورځ په یو خبري کنفرانس کې څرګنده کړې: دا بهیر روان دی. هرڅومره ژر، چې مونږ د عامه پوهاوي لپاره نوي معلومات ترلاسه کړو؛ نو هیله من یم، چې تاسې ته به یې وړاندې کړم.

د تېر کال په ډسمبر میاشت کې د ملګرو ملتونو امنیت شورا د افغانستان لپاره د ځانګړي استازي د ټاکلو غوښتنه وکړه؛ روسیې او چین دې پرېکړه لیک ته ممتنع رای ورکړه او اسلامي امارت هم د امنیت شورا د ځانګړي استازي د ټاکلو پر پرېکړه نیوکه وکړه.

اسلامي امارت په دې باور دی، چې د ملګرو ملتونو د ځانګړي ماموریت (یوناما) په موجودیت کې د افغانستان لپاره د بل استازي ګمارل نا اړین دي؛ ځکه، چې دا هېواد په جګړه کې ندی او اوس د مرکزي حکومت له حاکمیته برخمن هېواد دی.

د راپورونو له مخې؛ د ملګرو ملتونو د ځانګړي استازي دنده به دا وي، چې سیاسي هوکړې ته د رسېدو لپاره بین الافغاني ( خپلمنځي ) خبرې پیل کړي.

د جاپان ټایمز ورځپاڼې د یوې خپرې شوې مقالې له مخې؛ د افغانستان لپاره د ملګرو ملتونو د ځانګړي استازي د څوکۍ لپاره درې نوماندان وړاندیز شوي: تادامیچي یاماموتو؛ جاپانی ډیپلوماټ، چې له ۲۰۱۶ څخه تر ۲۰۲۰ ز. کال پورې د افغانستان لپاره د ملګرو ملتونو د عمومي منشي ځانګړی استازی و؛ په افغانستان کې د بریټانیا پخوانی سفیر نیکولاس کي او په کابل کې د ترکیې پخوانی سفیر جهاد ارګنای.

Continue Reading

تازه خبرونه

چین واخان سړک ته په نغوته کې افغانستان ته د همکارۍ ډاډ څرګند کړ

Published

on

(Last Updated On: وری ۲۱, ۱۴۰۳)

د کلیو د بیارغونې او پراختیا وزارت چارسمبالي محمد یونس اخوندزاده په کابل کې د چین له سفیر ژاو شینګ سره وکتل.

په دې کتنه کې د چین سفیر د چین تر پولې پورې د واخان سړک جوړولو ته په نغوته ( اشاره ) کې څرګنده کړه؛ هېواد یې له افغانستان سره د پراختیایي او بنسټیزو پروژو د تطبیق او پراختیا لپاره خپلې همکارۍ روانې ساتي.

دغه راز محمد یونس اخوندزاده له اسلامي امارت سره د چین د سیاسي او اقتصادي همکاریو د ستاینې ترڅنګ ویلي، چې د واخان – چین سرحدي سړک لومړني کارونه چټک روان دي او په نږدې راتلونکي کې به بشپړ شي.

ویل کیږي، چې د دغه سړک بنسټیزه جوړېدا نه یوازې د دواړو هېوادونو د اقتصادي ودې لپاره اړینه ده، بلکې د منځنۍ آسیا هېوادونو ته به هم ګټه ورسوي.

Continue Reading

Trending

Copyright © 2022 Ariana News. All rights reserved!