تازه خبرونه
په کابل کې د ښځینه متشبثینو د وړتیا لوړولو هوکړه لیک لاسلیک شو
له ښځو د ملاتړ په موخه په کابل کې د جاپان سفارت او د ملګرو ملتونو د پراختیايي پروګرام ترمنځ د همکارۍ هوکړه لیک لاسلیک شو.
د ملګرو ملتونو پراختیايي پروګرام او په کابل کې د جاپان سفارت یو هوکړه لیک لاسلیک کړ، چې له مخې یې د جاپان سفارت له ۱۴۰۰ ښځو سره د مرستې لپاره دغه سازمان ته لس میلیون دالره ورکوي.
ټاکل شوې، چې له دغو ښځو سره په کونړ، لوګر، زابل، بغلان، کندوز او کاپیسا ولایتونو کې مرستې وشي.
په کابل کې د جاپان سفير تاکاشي اوکادا ويلي، د ښځو د پياوړتيا لپاره به د ملګرو ملتونو د پراختيايي پروګرام لهخوا د لس ميليون دالرو پر ارزښت پروژې پلې شي.
نوموړی وایي: مونږ له روغتیايي سکتوره ملاتړ روان ساتو. د لس میلیون دالرو پر ارزښت دا دوه کلنه پروژه به د افغانستان په اووه ولایتونو کې د ۱۴۰۰ ښځو لپاره پلې شي او مونږ په دې هېواد کې د ښځو پیاوړتیا او ملاتړ ته دوام ورکوو.
په افغانستان کې د ملګرو ملتونو د پراختیايي پروګرام چارواکو ويلي، چې په وروستیو کلونو کې ښځې ډېرې زیانمنې شوي او په سلو کې اته څلوېښت ښځو خپلې دندې له لاسه ورکړي دي. له همدې کبله د ملګرو ملتونو پراختیايي پروګرام له اسلامي امارته غوښتي، چې ښځو ته دې دې بېته د کار او زدهکړو اجازه ورکړي.
په افغانستان کې د ملګرو ملتونو د پراختیایي پروګرام استازی سیتفین رودریک وایي: که ښځو ته د کار او زدهکړې اجازه ورنهکړل شي؛ افغانستان به له اقتصادي پلوه پرمختګ ونهکړي، ځکه ښځې نشي کولی د خپلو کورنیو ملاتړ وکړي. اوسمهال ۴۸ سلنه ښځو خپلې دندې له لاسه ورکړي او دې کار د کورنیو پر اقتصاد منفي اغېز کړی دی.
جاپان په داسې حال کې د ښځو د ځواکمنولو هڅې کوي، چې دا مهال ښځې د پخوا پر پرتله له زیاتو ستونزو سره مخ دي. په ځانګړي توګه پر کور ناستې ښځې او له شپږم ټولګي پورته د منځنیو ښوونځیو، لیسو او پوهنتونونو زدهکوونکې، چې د کار او زدهکړې اجازه نهلري.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه21 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه22 hours ago
په عراق کې به همجنسبازان پر۱۵ کاله بند شي –پارلمان
-
لوبی19 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل