تازه خبرونه
د افغانستان او ایران ترمنځ د خواف – هرات د اوسپنېپټلۍ د فعالولو تړون لاسلیک شو
د افغانستان د اوسپنېپټلۍ ادارې عمومي رییس او ایراني ریلي کنسرسیوم ترمنځ د خواف – هرات د اوسپنېپټلۍ د فعالیت هوکړه لیک لاسلیک شو.
د خواف – هرات د اوسپنېپټلۍ هوکړه لیک د افغانستان د اوسپنېپټلۍ عمومي رییس او د کنسرسیوم په استازولۍ رضايي لاسلیک کړ.
د دې تړون له مخې؛ به یاد کنسرسیوم د خواف ـ هرات اوسپنېپټلۍ د انتقالاتو عملیات ترسره کوي او یو شمېر تخنیکي پرسونل او ریلګاډي به ورته د خدماتو د تر سره کولو لپاره برابر کړي.
ایراني لوري تعهد کړی، چې دوی به لږ تر لږه په لومړي کال کې له یادې لارې څخه (۱۰۰) زره متریک ټنه انتقالات ترسره کوي او هڅه کوي، چې هر کال دغه کچه نوره هم لوړه کړي .
د افغانستان او ایران لوری هڅه کوي د دواړه لوریو ترمنځ د اقتصادي راکړې ورکړي حجم د کال لس میلیارد دالرو ته لوړه شي.
د اوسپنپټلۍ عمومي رییس بخت الرحمان شرافت ویلي: زمونږ لپار د دې مسیر فعالیت خورا اړین دی. مونږ به له دې لارې منځني ختیځ او اروپايي هېوادونو سره وتړل شو او له دې سره به زمونږ انتقالات نورهم پراخ شي دواړه هېوادونه به هڅه کوو، چې د اوسپنېپټلۍ چارې نورې هم پراخې او د افغانستان ایران او چین ګډې هڅې پیل او د وریښمو مسیر بېرته فعال کړو.
بخت الرحمن شرافت وايي، چې د خواف- هرات د څلورمې برخې د لومړي فاز د جوړولو چارې به هم راتلونکې اوونۍ پيل شي.
دغه راز د دغه قرارداد له لاسليک سره به د خواف- هرات د ریلګاډي کرښې د درېيمې برخې له لارې، چې د ايران د ریلګاډي د شبکې له لارې له ترکيې او اروپايي هېوادونو سره نښلوي؛ لېږد رالېږد په عادي ډول دوام وکړي.
په افغانستان کې د ایران سفیر حسن کاظمي قُمي ویلي؛ مونږ هوکړه کړې، چې د دواړو هېوادونو ترمنځ اقتصادي او ترانزیتي اړیکي نورې هم پراخي کړو. افغانستان د ایران ورور او ګاونډ هېواد دی. د اقتصادي اړیکو پراختیا کولی شي د دواړو هېوادونو او ان د سیمي؛ افغانستان، ایران، چین او د نړۍ پر اقتصاد ژور اغېز رامنځته کړي.
د صنعت او سوداګرۍ وزارت چارسمبالي نورالدین عزیزي وبلي: مونږ غواړو، چې له ایران سره د اقتصادي تعاملاتو بهیر نور هم پراخه کړو. په دواړه هېوادونو کې د اقتصادي اړیکو د پراختیا لپاره وړتیاوې او ظرفیتونه شته او په نږدې راتلونکي کې به د افغانستان یوه پلاوي ایران ته سفر وکړي، چې د دواړه هېوادونو ترمنځ د اقتصادي اړیکو نوی فصل او هوکړې تر سره کړي.
د کرنې او مالدارۍ وزارت چارسمبالي عطا الله عمري وایي: مونږ هیله لرو، چې ایراني پانګوال کولی شي د افغانستان په هره برخه کې مستقله او مشترکه پانګونه تر سره کړي او مونږ غواړو، چې د هېواد د کرنې، مالدارۍ، فارم دارۍ، مالدارۍ او په نورو بېلابېلو برخو کې پانګونه وکړي. د کرنې او مالدارۍ وزارت په دې اړه همکارۍ ته پوره چمتوالي لري.
د ایراني لوري په دې ۶۵ کسیز پلاوي کې ایران له افغانستان سره د سرحدي ولایت خراسان والي هم برخه درلوده. هغه ويلي، چې د دواړه هېوادونو ترمنځ د اقتصادي اړیکو د پراختیا لپاره هم اراده شته او هم وړتیا او اوس باید په خورا چټکۍ له شته فرصتونو څخه عملي کار واخیستل شي.
د ایران د خراسان رضوي والي سردار یعقوب علي نظري ویلي: مونږ دواړه هېوادونه کولی شو، چې د اقتصادي اړیکو د پراختیا لپاره کار وکړو. مونږ هڅه کوو، چې حکومت ایران ته دغوښې د ورادتو بهیر له افغانستان څخه پیل کړي. په افغانستان کې دغوښو د تولید او صادارتو ظرفیت شته، چې باید د دواړو هېوادونو تر منځ سوداګري پراخه شي.
د ایران او افغانستان ترمنځ سکتوري بنسټونه په اسې حال کې د اقتصادي فعالیتونو د نوي فصل د پرانستلو بهیر د پیل کیدو په درشل کې دي، چې د هېواد ختیځ ګاونډ افغان سوداګر له ګڼو اقتصادي ستونزه سره مخ کړي دي.
د اقتصادي چارو کارپوهانو د سکتوري وزارتونو له مسوولینو غوښتي، چې له ګاونډ هېوادونو سره په هوکړو او قراردادونو کې له پوره پاملرنې څخه کار واخلي.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی5 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه5 days ago
سعودي عربستان ته د افغان حاجیانو د لېږد بهیر پیل شو
-
تازه خبرونه23 hours ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه