Connect with us

روغتيا

بیات بنیاد په جمهوريت روغتون کې د سرطاني ناروغۍ د درملنې څانګه جوړه کړه

Published

 on

(Last Updated On: لړم ۲۶, ۱۴۰۱)

د جمهوریت روغتون مسوولینو ويلي؛ بیات بنیاد په جمهوريت روغتون کې د ماشومانو د انکالوژۍ ۶ بسترییزه څانګه پر عصري طبي وسایلو سمباله او فعاله کړه.

د دوی د څرګندونو له مخې؛ د ماشومانو د سرطاني ناروغیو د درملنې دا څانګه په دې روغتون کې یو اړین پرمختګ رامنځته کړ.

دوی وایي؛ پر سرطان د اخته ماشومانو د درملنې لپاره مونږ اوس په جمهوریت روغتون کې له عصري طبي وسایلو برخمن شوو او اړوند څانګه بشبړه جوړه او اوس پوره فعاله شوه.

د بیات بنیاد د مسوولینو د څرګندونو له مخې؛ د ماشومانو د آنکالوژۍ په دې څانګه کې پر سرطان د اخته هغو ماشومانو درملنه کیږي، چې کوما ته تللي وي.

د بیات بنیاد رییس ډاکټر احسان الله بیات وايي؛ دا څانګه د یوې میاشتې په موده کې جوړه شوې، چې شپږ بستره لري او پر عصري طبي وسایلو، د اکسیجن د تولید ماشینونونو، التراساوند او د حیاتي نښو د مانیتور ماشینونو سمباله شوې ده.

داکتر احسان الله بیات وايي، چې د دغه بنسټ پر مرسته به په کابل کې د مور او ماشوم د درملنې لپاره څانګړی روغتون جوړ کړی او ډېر ژر به یې پر عصري طبي وسایلو سمبال کړي او وروسته به یې پرانیزي.

د عامې روغتیا وزارت په جمهوريت روغتون کې د ماشومانو د آنکالوژۍ د څانګې جوړول په اوسني وضعیت کې یو ښه روغتیایي اړین پرمختګ بولي او وايي، چې دې څانګې ته بېړنې اړتیا وه.

د عامې روغتیا وزارت د پالیسۍ او پلان مرستیال محمد حسن غیاثي زیاته کړې، چې په وروستیو کلونو کې د آنکالوژۍ څانګې ته لازمه پاملرنه نده شوې، چې له کبله یې پر سرطان اخته ماشومانو درملنه ستونزمنه شوې وه.

د جمهوریت روغتون رييس خان محمد اکرمي د بيات بنياد له همکارۍ څخه د مننې تر څنګ ويلي؛ اوس د ماشومانو د آنکالوژۍ د څانګې له جوړېدو سره به هغه ناروغان، چې د کيموتراپي پر مهال له شاک سره مخ کېږي او کوما ته ځي؛ په دې روغتون کې به بستر او درملنه به یې کېږي.

د چارواکو د معلوماتو له مخې؛ هره ورځ لسګونه ماشومان د کیموتراپي لپاره دغه روغتون ته راځي او یو شمېر دغه ماشومان د کیموتراپۍ پر مهال له شاک سره مخ  کېږي او کوما ته ځي.

بیات بیناد په سلګونه کارتنه ځواکمن خوراکي توکي، چې یو سلو یوپنځوس زره او دوه سوه کڅوړې کیږي؛ د جمهوریت روغتون خوارځواکو ماشومانو ته د وېشلو لپاره وسپارل.

روغتيا

په افغانستان کې ۵.۳ میلیون ماشومان ته د ګوزڼ واکسین کیږي

Published

on

(Last Updated On: سلواغه ۳, ۱۴۰۱)

د عامې روغتیا وزارت د افغانستان په ۱۶ ولایتونو کې د ۲۰۲۳ کال د ګوزڼ واکسین له پيلېدو خبر ورکړ.

د روغتیا وزارت ویاند شرافت زمان امر د دوشنبې پر ورځ د سلواغې درېیمه) رسنیو ته ویلي، چې په دې کمپاین کې به د کابل په ګډون د افغانستان د ۱۶ ولایتونو په ۱۷۸ ولسوالۍ کې له پېنځه کلونو ټیټ عمره ۵.۳ میلیون ماشومانو ته واکسین پلی شي.

د نوموړي د څرګندونو له مخې؛ دا کمپاین به تر راتلوونکې پنجشنبې پورې د څلورو ورځو په بهیر کې پای ته ورسیږي.

د عامې روغتیا وزیر قلندر عباد د پولیو یا ګوزڼ واکسین د کمپاین پیلېدو پر مهال له کورنیو څخه غوښتي، چې د خپلو ماشومانو په واکسینولو کې د پولیو له روغتیايي ډلو سره مرسته وکړي.

قلندرعباد زیاته کړې، چې افغانستان د پولیو ناروغۍ له منځه وړلو ته تر بل هر وخت ډېر نږدې شوی دی.

هغه څرګنده کړې؛ مونږ هیله من یوو، چې د ۲۰۲۳ ز. کال ترپایه خپلې موخې ته ورسیږو او د پولیو د  پېښو د صفر کیدو لیدونکي شوو.

روغتیا وزارت زیاتوي؛ په ۲۰۲۲ ز. کال کې مو د پولیو واکسین ۹ پړاوه پر بریالیتوب سره ترسره کړي دي.

دې وزارت دا هم ویلي، چې په افغانستان کې تېر کال د پولیو یوازې دوه مثبتې پېښې ثبت شوي، چې یوه یې په پکتیکا او بله یې په کونړ ولایت کې وه.

د نړیوالې اړوند ټولنو د څرګندونو له مخې؛ تر هغې، چې ګوزڼ یا پولیو په یو ځای کې وي؛ دا ناروغي به ټولو سیمو ته یو ګواښ وي.

Continue Reading

روغتيا

جاپان د هلمند د روغتيايي چارو د پیاوړي کولو لپاره ( ۱ ) میلیون و ۳۰۰ زره دالر مرسته کوي

Published

on

(Last Updated On: مرغومی ۲۸, ۱۴۰۱)

د افغانستان لپاره د ملګرو ملتونو د وګړیو صندوق په هلمند کې د روغتيايي خدمتونو د پیاوړي کولو لپاره د يو ميليون و درې سوه زره امریکایي دالرو مرسته اعلان کړه.

د افغانستان لپاره د ملګرو ملتونو د وګړیو صندوق دفتر د دوشنبې پر ورځ (د مرغومي ۲۶) څرګنده کړې، چې جاپان به د ملګرو ملتونو د وګړیو له صندوق سره یو میلیون و درې سوه زره امریکایي دالر مرسته وکړي، چې ننګونو ته ځواب ووايي او روغتیایي باور پرې پیاوړی کړي.

په اعلامیه کې راغلي، چې د جاپان دغه مرسته به په هلمند کې د ۲۹ روغتیايي مرکزونو د روغتیايي خدمتونو د پیاوړي کولو لپاره ولګول شي.

Continue Reading

روغتيا

په دولتي روغتونونو کې د اصلاحاتو رامنځته کولو طرحه وارزول شوه

Published

on

(Last Updated On: مرغومی ۲۱, ۱۴۰۱)

د افغانستان اسلامي امارت د ریاست الوزراء اداري مرستیال مولوي عبدالسلام حنفي په مشرۍ ناسته کې د هېواد د روغتیایي وضعیت د ښه والي او د دولتي روغتونونو د اصلاحاتو طرحه وارزول شوه.

د عامې روغتیا وزیر داکتر قلندر عباد په روغتونونو کې د اصلاحاتو راوستلو د اړتیا او د هېواد په کچه د روغتیايي وضعیت د ښه والي، د تجربه لرونکیو مختصصینو د استخدام، په متوازن ډول د هېواد ټولو سیمو ته د روغتیایي خدمتونو وړاندې کولو او د روغتیایي خدمتونو پر وړاندې د موجوده ستونزو په اړه هراړخیر معلومات وړاندې کړل.

دغه راز په دې ناسته کې د روغتیایي مرکزونو د اصلاحاتو، د جمهوریت روغتون د ریفورم، د زرقي محلولونو او ابن سینا د درملو تولیدي شرکت د فعالولو طرحې وارزول شوې او د کورنیو تولیداتو پر ملاتړ، د زرقي محلولونو له اړخه د هېواد پر ځان بسیا کولو، درملو ته د خلکو د لاسرسي ډاډ او د روغتیایي پرسونل پر ظرفیت لوړولو ټینګار وشو.

د ریاست الوزراء اداري مرستیال مولوي عبدالسلام حنفي په روغتیایي مرکزونو کې د متخصصینو د جذب، د ابن سینا د درملو تولیدي شرکت د فعالولو، د مسوولو ډلو د رامنځته کولو او د جمهوریت دولتي روغتون معیاري کولو د طرحې برابرولو په اړه ډاډمنې پرېکړې وکړې.

Continue Reading

Trending

Copyright © 2022 Ariana News. All rights reserved!