Connect with us

تازه خبرونه

حکومتي پلاوی د عبدالله عبدالله پر مشرتابه مسکو ته روان شو

Published

 on

(Last Updated On: کب ۲۷, ۱۳۹۹)

د افغانستان د حکومت پلاوی د ملي پخلاینې عالی شورا د مشر عبدالله عبدالله پر مشرتابه د ترائیکا( امریکا، چین او روسیې ) پر نوښت او د مسکو پر کوربتوب جوړېدونکي یوه ورځني کنفرانس کې د ګډون لپاره مسکو ته روان شو.

د حکومتي پلاوي مشر عبدالله عبدالله او د طالبانو د سیاسي دفتر ویاند محمدنعیم په ډاګه کړې؛ پلاوي یې د مسکو هغې ناستې ته روان شوي، چې د پنجشنبې پر ورځ د مارچ پر ۱۸ د افغانستان پر سوله راڅرخي.

د ملي پخلاینې عالی شورا مشر عبدالله عبدالله څرګنده کړې؛ د افغان پلاوي غړي د روسیې فدراسیون ته روان شوي، چې په تروئیکا کنفرانس کې به له طالب پلاوي سره د دوحې د خبرو اترو پر پراختیا، تاوتریخوالي کمولو او شخړې پای ته رسولو خبرې وشي.

عبدالله عبدالله ویلي، چې افغان پلاوی د افغانستان د سوله ییز جوړجاړي په اړه د مسکو په کنفرانس کې برخه اخلي.

د ملي پخلاینې عالي شورا  مشرعبدالله عبدالله ، د ولسي جرګې مشر میررحمان رحماني، پخوانی ولسمشر حامد کرزی، د ولسمشرۍ پخوانی لومړی مرستیال مارشال عبدالرشید دوستم، د پخواني ولسمشر حامد کرزي مرستیال محمد کريم خليلي، د حزب اسلامي رهبر ګلبدین حکمتیار، د ملي پخلاینې عالي شورا مرستیال بابر فرهمند، د سولې په چارو کې د دولت وزیر سید سعادت منصور نادري، د افغانانو د خپلمنځي خبرو د پلاوي مشر محمد معصوم ستانکزی، د خپلمنځي خبرو د پلاوي غړی متین بیګ، د خپلمنځي خبرو د پلاوي غړی ښاغلي احمد نادر نادري، د خپلمنځی خبرو د پلاوي غړې حبیبه سرابي، د مشرانوجرګې لومړی مرستیال محمد عالم ایزدیار، د سولې په چارو کې د دولت وزارت مرستیال عبدالله خانجاني، د حزب اسلامي غړی عبدالستار خواصي او د حزب اسلامي غړی غيرت بهير؛ هغه ۱۶ کسیز پلاوی دی، چې د ملي پخلاینې عالي شورا د مشر عبدالله عبدالله په مشرۍ د ماسکو په ناسته کې ګډون کوي.

دغه راز په قطر کې د طالبانو د سیاسي دفتر ویاند محمد نعیم څرګنده کړې؛ د ملا عبدالغني برادر په مشرۍ لس کسیز طالب پلاوی نن چارشنبه مسکو ته روان شوی او ټاکل شوې، چې په مسکو کې د افغان سولې په اړه ترسره کېدونکې ناسته کې ګډون وکړي.

محمد نعیم زیاته کړې؛ د طالب پلاوي په جوړښت کې د طالبانو سیاسي مرستیال او د سیاسي دفتر مشر ملا عبدالغني برادر، د طالبانو د مذاکراتي ډلې مشر شيخ عبدالحکيم، ملاعبدالسلام حنفي، مولوي شهاب الدین دلاور، ملا محمدفاضل اخند، ملا خيرالله خيرخواه، سهيل شاهين، انس حقاني، شیرمحمدعباس ستانکزی او  د طالبانو د سیاسي د فتر ویاند ډاکتر محمد نعيم شامل دي.

دواړه خواوو څرګنده کړې؛ دوی ملي ، سیمه ییزې او نړیوالې اجماع ته هیله من دي او غواړي، چې هېواد او خلک یې د روسیې، چین او امریکا په منځګړیتوب تلپاتې سولې ته ورسیږي.  

تازه خبرونه

په هرات کې د رسنيو او خبريالانو د څارنې او ملاتړ کمېټه جوړه شوه

Published

on

(Last Updated On: چنګاښ ۲, ۱۴۰۱)

د دې کمېټې اصلي موخه د بېلابېلو بنسټونو لخوا د خبريالانو او د رسنيو د کارکوونکیو د خپلسریو مخه نيول دي.

دغه کمېټه د هرات د رسنيو د ټولنې د اړتياوو پر بنسټ جوړه شوې، چې اطلاعاتو ته د لاسرسي حق او د خبريالانو او رسنيو د قضيو د څېړلو د څرنګوالي لپاره لازمې آسانتياوې برابرې کړي.

په دې کمیټه کې خبریالان، د استخباراتو او اطلاعاتو او فرهنګ ریاست غړي برخه لري.

د هرات د اطلاعاتو او فرهنګ ریاست ټینګار کوي، چې له دې وروسته هیڅ امنیتي اداره حق نلري، چې یو خبریال یا د رسنیو کارکوونکی پخپلسري ډول ونیسي او د خبریالانو ټولې دوسیې به د دغه ولایت د اطلاعاتو او فرهنګ ریاست په همکارۍ د یوې کمېټې له لارې وڅېړل شي.

په هرات کې د رسنیو د څارنې او ملاتړ کمیټې مسوول ولی شاه بهره وایي: زمونږ ټولیزې موخې درې اصول لري: لومړی، د غږیزو او ویډیويي رسنیو د نشراتو تنظیمول. دوه یم د رسنیو له حقونو څخه په بشپړه توګه ملاتړ او دفاع، چې قانون یې پر بېلابېلو بڼو ملاتړ کوي او درېیم، د سرغړونې کمېټه مکلفه ده، چې سرغړونې وارزوي او بیا ترې ژمنې واخلي.

د سيمه ييزو رسنيو مسوولين، د اطلاعاتو فرهنګ او استخباراتو رياستونه د رسنيو د څارنې او ساتنې د کمېټې مستقيم غړي دي او د هرات سيمه ييزه اداره ډاډ ورکوي، چې د رسنيو د کار او فعاليتونو د ملاتړ لپاره به هر ډول هڅې وکړي.

د هرات د اطلاعاتو او فرهنګ مشر نعیم الحق حقاني ویلي؛ ټول امنیتي ارګانونه، چې په هرات کې دي او ټول هغه ځایونه، چې په هرات پورې اړه لري؛ د دې کمېټې له جوړولو سره او هغه مسایل، چې په دې کمیټې پورې اړه لري، د دې پر ځای، چې د یوه دولتي ارګان لخوا تر پوښتنې لاندې ونیول شي، د هغوی جریان په مستقیمه توګه ارزول کیږي؛ کمېټۍ او د اطلاعاتو او فرهنګ رياست ته به خبر ورکول کيږي.

یو شمېر خبریالان د دې کمېټې جوړېدو ته خوښ دي او له حکومت غواړي، چې اطلاعاتو ته د لاسرسي په برخه کې دې آسانتیاوې برابرې کړي او د دې کمېټې په چوکاټ کې دې خبریالانو ته د کار څرنګوالي په برخه کې کار وکړي.

خبریال مرجان وفا وایي: په اوسنیو شرایطو کې له خبریالانو د ملاتړ کمېټه یو اړتیا ده او ګټه هم لري.

یو بل خبریال نذیراحمد هاشمي ویلي: خوښ یم، چې له رسنیو څخه د ملاتړ لومړنۍ کمېټه په هرات کې جوړه شوه او خوښ یوو، چې ستونزې مو حل کړي.

د کمېټې د مشرتابه د څرګندونو له مخې؛ دوى هڅه کوي، چې د اطلاعاتو او فرهنګ رياست په همکارۍ د رسنيو او خبريالانو د کاري بهير او فعاليت په برخه کې آسانتياوې رامنځته کړي.

Continue Reading

تازه خبرونه

د پکتیکا د عامې روغتیا مشر له زلزله ځپلو سره د بېړنۍ مرستې غوښتنه وکړه

Published

on

(Last Updated On: چنګاښ ۲, ۱۴۰۱)

د پکتيکا ولايت د عامې روغتيا مشر داکتر حکمت الله عصمت د پنجشنبې پر سهار څرګنده کړې؛ مونږ د چارشنبې پر ورځې د افغانستان په سویل ختيځو سيمو کې د ۶ اعشاریه یوې درجې زلزلې له قربانيانو او زیانمنو سره بشري مرستو ناهیلې کړي یو.

داکتر حکمت الله عصمت د آریانا نیوز له مرستندویې ډلې سره په خبرو کې ویلي، چې تر اوسه یوازې د پکتیکا څه باندې درې زره کورنۍ بېړنۍ سرپناه، خواړو او د څښاک پاکو اوبو ته اړ دي.

هغه ویلي، چې سلګونه کورنیو خپل خوږ ژوند له لاسه وکړی او د مرګ و ژوبلې وروستی شمېر هم معلوم ندی؛ ځکه، چې د لرې پرتو سيمو قربانيان روغتون ته رالېږدول شوي ندي.

هغه وایي، چې په دې لرې پرتو سیمو کې ژوندي پاتې شوي کسان دمګړۍ خپل قربانیان ښخوي.

له آریانا نیوز سره یوه ژوندي پاتې شوي کس ویلي، چې خپلې ۲۴ کسیزې کورنۍ ۱۸ غړي یې له لاسه ورکړيٍ دي.

که څه هم په رسمي توګه د مړیو شمېر نږدې ۱۰۰۰ کسان ښودل شوي؛ خو چارواکي وایي، چې دا شمېر به نور هم لوړ شي.

دا زلزله د چارشنبې پر ورځ  سهار وختي له دوه بجو مخکې رامنځته شوې، چې زیاتره خلک پر خوب ویده ول او په زرګونه کلیوال کورونه رانړېدلي، چې په پایله کې یې د تلفاتو کچه مخ پر لوړېدو ده.

Continue Reading

تازه خبرونه

بیات بنیاد د افغان زلزله ځپلو لپاره د مرستې بېړنۍ نړیواله غوښتنه پیل کړه

Published

on

(Last Updated On: چنګاښ ۲, ۱۴۰۱)

بیات بنیاد د افغانستان په پکتیکا او خوست ولایتونو کې د چارشنبې د خونړۍ زلزلې د قربانیانو له کورنیو او ژوندي پاتې شویو کسانو سره د مرستې لپاره بېړنۍ نړیواله غوښتنه پیل کړه.

سربېره پر دې غوښتنې بیات بنیاد سیمې ته یو امبولانس، ډاکټران او پر طبي توکو بار یو موټر هم لیږلی، چې د ټپیانو د درملنې لپاره خپل ګرځند کلینیک جوړکړي.

د بیات بنیاد اجرائیوي مشرۍ مریم بیات د څرګندونو له مخې؛ کله مې، چې د زلزلې د ویجاړیو په اړه واورېدل؛ نو زیانمنو کورنیو ته مو د خواړو، سرپناه، درملنې، جامو او نورو بېړنيو بشري توکو د لیږلو هڅې پیل او تر سره کړې.

دغه راز میرمن بیات ویلي، چې په راتلونکیو ورځو کې به ډېرو نورو مرستو ته اړتیا وي او مونږ چمتو یو، چې د امکان تر حده د ډېرو افغانانو مرستو ته ورودانګو.

د افغانستان اسلامي امارت مسوولینو ويلي، د چارشنبې د سهار د ۶ اعشاریه یو درجې له زلزلې یوازې د پکتیکا ولایت په دوه ولسوالیو کې د وژل شویو کسانو شمېر له ۱۰۰۰ کسانو اوښتی دی.

د بیات بنسټ دا غوښتنه د چارشنبې پر ورځ د ویجاړوونکې زلزلې له قربانیانو سره د مرستې لپاره، چې په تېرو ۲۰ کلونو کې بیسارې ده؛ د اسلامي امارت او نړیوالو بهرنیو ټولنو د مرستې د پراخو غوښتنو په ځواب کې همغږې شوې ده.

د بیات بنیاد په اړه د نورو معلوماتو او د مرستې لپاره مهرباني وکړئ له لاندې پتې

https://4agc.com/donation_pages/2f9a7874-57b0-4276-a871-5833aec4da8e

لیدنه وکړئ.

Continue Reading

Trending

Copyright © 2022 Ariana News. All rights reserved!