Connect with us

تازه خبرونه

خلیلزاد د افغان حکومت لخوا د پلاوي جوړ نوملړ سیاستوالو ته وړاندې کړ

خپور شوی

د

د افغان سولې لپاره د امریکا ځانګړي استازي زلمي خلیلزاد د حکومتي، ګوندي او مدني ټولنو د ۱۵ غړیو هغه نوملړ له یو شمېر سیاستوالو سره شریک کړ، چې د افغان حکومت لخوا جوړ شوی دی.

د افغان سولې لپاره د امریکا ځانګړي استازي زلمي خلیلزاد له ارګ سره د همغږۍ له مخې د افغان حکومت د مرکچي پلاوي نوملړ له یو شمېر سیاستوالو سره شریک کړی دی، چې په کې د باتور دوستم، کریم امین، ضرار احمد مقبل، محمد ناطقي، رسول طالب، حبیبه سرابي، کلیم الله نقیبي، جنرال ایوب انصاري، اورځلا نعمت، متین بیک زینب موحد، عنایت الله بلیغ، شریف زرمتۍ او عبدالهادي ارغندیوال نومونه د مرکچي پلاوي نومونه په دې جوړښت کې لیدل کیږي.

خلیلزاد له سیاستوالو غوښتي، چې د دغه نوملړ په اړه خپل دریځونه روښانه کړي.

حکومت هم وايي، چې د سولې مرکچي پلاوی ټاکل شوی او د خبرو د نېټې له معلومیدو وروسته به یې معرفي کړي.

د ولسمشر ستر سلاکار  وحید عمر ویلي: له شک پرته، چې پلاوی وروستی شوی؛ خو بشپړ جزئیات به هغه مهال وړاندې شي، چې د خپلمنځي خبرو د پیل وخت په ډاګه شي.

داسې ښکاري، چې یو شمېر سیاسي ډلې او ګوندونه له دغه نوملړ سره مخالف دي او له پخواني ولسمشر حامد کرزي، عبدالله عبدالله سره له وروستۍ لیدنې وروسته یې اعلامیه خپره کړې، چې ژر تر ژره یې د مصالحې یا روخې جوړې عالي شورا د جوړښت غوښتنه وکړه.

دوی په دې باور دي، چې دا شورا به مرکچي پلاوي ټاکي او د سولې خبرې به مدیریت کوي.

د سولې عالي شورا مرستیال حاجي دین محمد وایي: د نومونو د راټولولو لپاره یو کمیسیون جوړ شوی. دې کمیسیون ته سپارښتنه شوې، چې د خبرو لپاره د افرادو نومونه ځانګړي کړي.

په ورته وخت کې زلمي خلیلزاد له ولسمشر غني او د افغانستان د ملي امنیت د شورا له سلاکار سره د سولې په برخه کې د پرمختګونو او تاوتریخوالي پر کموالي خبرې کړي دي.

د امریکا او طالبانو تر منځ د سولې د هوکړه لیک له مخې؛ ټاکل شوې وه، چې د افغانانو خپلمنځي خبرې د کب پر شلمه پیل شي؛ خو د حکومتي پلاوي د نه جوړیدو له کبله دغه خبرې ونه شوې.

د طالب زندانیانو د خوشې کولو پر سر د امریکا او افغان دولت تر منځ اختلافونو هم د دغه خبرو پخپل وخت په نه تر سره کیدو کې رول درلود.

تازه خبرونه

اقتصادي کمیسیون د ۶۶ کورنيو معیارونو مسوده تائید کړه

د ریاست‌الوزراء د خبرپاڼې له مخې؛ له دغو برخو څخه ۳۶ معیارونه او ۳۰ د آزمېښت لارې چارې له بحث او هر اړخیزې ارزونې وروسته تصویب شوې دي.

Published

on

Last Updated on: وږی ۲۵, ۱۴۰۵

اقتصادي کميسیون د ریاست‌الوزراء اقتصادي مرستیال ملا عبدالغني برادر پر مشرۍ د معیار او کیفیت ادارې له‌خوا وړاندې شوي ۶۶ کورنۍ معیاري مسودې او د آزمېښت لارې چارې وڅېړلې او تائید یې کړې.

د ریاست‌الوزراء د خبرپاڼې له مخې؛ له دغو برخو څخه ۳۶ معیارونه او ۳۰ د آزمېښت لارې چارې له بحث او هر اړخیزې ارزونې وروسته تصویب شوې دي.

دغه معیارونه او د آزمېښت لارې چارې د کرنیزو محصولاتو، خوراکي توکو، درملو، ټوکر، کیمیاوي او پلاستیکي توکو، مخابراتو او برښنا، کان‌کېندنې، ودانیزو توکو، چاپېریال ساتنې او یو شمېر نورو برخو کې کارول کیږي.

په دې غونډه کې د پکتیا، پکتیکا، خوست، کندهار او ننګرهار ولایتونو د ډبرو سکرو د تخلیې، بارولو، پروسس او بسته‌بندۍ د مرکزونو د مالکیت په اړه هم بحث وشو.

له هر اړخیزې ارزونې وروسته پرېکړه وشوه، چې یاد مرکزونه دې د ټرانسپورټ او ملکي هوايي چلند وزارت اړوند وي او دغه وزارت دې د هغوی اړوندې چارې پر مخ یوسي.

Continue Reading

تازه خبرونه

د طب افغان زده‌کړیالانو د پاکستان د طبي شورا پر پرېکړه خپله دعوه ثبت کړه

د اسلامي جمعیت طلبه‌وو اتحادیې(آی‌جي‌ټي) د یو شمېر افغان زده‌کړیالانو پر استازیتوب د پاکستان د طب او غاښونو شورا(پي‌ام‌ډي‌سي) د وروستۍ خبرتیا پر ضد د اسلام‌آباد په ستره محکمه کې دا دعوه ثبت کړې ده.

Published

on

د طب افغان زده‌کړیالانو د خپلو زده‌کړو لپاره د پاکستان د طب او غاښونو طبي شورا د وروستۍ خبرتیا د لغوه کولو پر غوښتنه د اسلام‌آباد په ستره محکمه کې خپله دعوه ثبت کړه.

د اسلامي جمعیت طلبه‌وو اتحادیې(آی‌جي‌ټي) د یو شمېر افغان زده‌کړیالانو پر استازیتوب د پاکستان د طب او غاښونو شورا(پي‌ام‌ډي‌سي) د وروستۍ خبرتیا پر ضد د اسلام‌آباد په ستره محکمه کې دا دعوه ثبت کړې ده.

د دغې اتحادیې د خبرپاڼې له مخې؛ د اسلامي جمعیت طلبه‌وو اتحادیې مشر صاحب‌زاده وسیم حیدر، د اسلام‌آباد له فډرالي طب پوهنځیو د یو شمېر افغان زده‌کړیالانو او د اسلام‌‌آباد د اسلامي جمعیت طلبه‌وو اتحادیې له مشر سره یوځای سترې محکمې ته ورغلی دی.

د دې دوسیې حقوقي چارې د مدافع وکیل عمران شفیق او د هغه حقوقي ډلې له‌خوا پر مخ وړل کیږي.

افغان طبي زده‌کړیالان په پاکستان کې د طب او غاښونو شورا د هغو پرېکړو پر ضد اعتراض لري، چې د دوی د زده‌کړو پر دوام اغېز کولی شي.

له دې مخکې د لاهور او سند سترو محکمو هم د لنډمهاله حکمونو پر صادرولو  په پنجاب او سند ایالتونو کې د افغان زده‌کړیالانو پر وړاندې د ځینو اقداماتو عملي کېدل درولي وه.

وسیم حیدر ویلي؛ هیله لري، چې د دوسیې له هر اړخیزې ارزونې وروسته د افغان زده‌کړیالانو تحصیلي راتلونکی خوندي او د پاکستان د طب او غاښونو شورا د لانجمنې خبرتیا په اړه بیاکتنه وشي.

دغه دوسیه د ډېرو افغان زده‌کړیالانو لپاره ځانګړی اهمیت لري؛ ځکه، چې یو شمېر یې د طب زده‌کړو په وروستیو کلونو کې دي او اندېښنه لري، چې د مقرراتو بدلون به یې د زده‌کړو دوام او کاري راتلونکی له ستونزو سره مخ کړي.

د اسلام‌‌آباد ستره محکمه به اوس د افغان زده‌کړیالانو پر ثبت شوې دعوه پرېکړه وکړي.

Continue Reading

تازه خبرونه

د ایران پولې ته نږدې ۱۷ افغان کډوال له تندې مړه شوي

د دغه بنسټ د راپور له مخې، دا پېښه د سپټمبر پر لسمه د سراوان ښار د روتک برخې د مک‌سوخته په اړوند سیمه کې رامنځته شوې ده.

Published

on

د بشري حقونو «حال‌وش» ډلې راپور ورکړی، چې د ایران د سویل ختیځ سراوان ښار ته څېرمه د سختې تندې له کبله د ښځو او ماشومانو پر ګډون لږ تر لږه ۱۷ افغان کډوال مړه شوي دي.

د دغه بنسټ د راپور له مخې، دا پېښه د سپټمبر پر لسمه د سراوان ښار د روتک برخې د مک‌سوخته په اړوند سیمه کې رامنځته شوې ده.

د راپور له مخې: د قربانیانو مړي وروسته د خاش ښار یوې سړې خونې ته لېږدول شوي؛ ځکه، چې د سراوان سړې خونې د مړو د ساتلو لپاره کافي ځای نه‌درلود.

حال‌وش وايي، پېنځه قربانیان د افغانستان د بغلان ولایت د یوې کورنۍ غړي وه، چې یوه ۴۵ کلنه مور او څلور یې ۲۲، ۱۸، ۱۶ او ۱۴ کاله عمرولرونکې لوڼې دي.

د دغه بنسټ د څرګندونو له مخې، لږ تر لږه شپږ نور قربانیان هم له ۱۴ کلونو کم عمره ماشومان ول.

عیني شاهدانو او د قربانیانو خپلوانو ویلي، چې کډوال د سفر پر مهال د اوبو له سخت کمښت سره مخ شوي او یو شمېر یې په لنډ واټن کې له یو بل سره نږدې مړه شوي دي.

د قربانیانو یوه خپلوان ویلي، چې له دغې ډلې سره مل نرینه د سفر پر مهال له ښځو او ماشومانو بېل شوي او ښځې او ماشومان د کافي اوبو له شتون پرته خپلې لارې ته دوام ورکړی دی.

حال‌وش ویلي، چې له پېښې څلور ورځې وروسته هم د قربانیانو کورنیو د مړو د لېږد او خاورو ته سپارلو لپاره هڅې کولې.

دې بنسټ ټینګار کړی، چې د قربانیانو کره شمېر او د پېښې ټول جزئیات یې په خپلواکه توګه نه‌دي تائید کړي او د یو شمېر قربانیانو هویت او د مړینې کره لامل اوس هم تر څېړنې لاندې دی.

Continue Reading
Advertisement

Trending

Copyright © 2026 Ariana News. All rights reserved!