Connect with us

سوداگري

د افغانستان بانک د عالی شورا ناسته تر سره شوه

خپور شوی

د

(Last Updated On: ليندۍ ۱۶, ۱۴۰۱)

د افغانستان بانک د عالي شورا دوه ورځنۍ غونډه د سې شنبې پر ورځ د دغه بانک د لوړ پوړیو چارواکو او د افغانستان د وجهي صندوق د غړي شاه محمد محرابي په حضور کې پیل او نن چارشنبه ترسره شوه.

د افغانستان بانک عالي شورا، چې د دې بانک د پرېکړو تر ټولو لوړه مرجع ده؛ د اوسنیو شرایطو په پام کې نیولو سره د مناسبو پولي سیاستونو د پلي کولو او د بانکي سکتور د ټینګښت په اړه د خبرو اترو او پرېکړو په موخه دا غونډه جوړه کړې.

د افغانستان بانک مسوولینو ويلي،  چې د افغانستان بانک د رییس پر مشرۍ جوړه شوې د افغانستان بانک د عالي شورا نورو غړیو هم  په کې حضوري او آنلاین ګډون درلود.

په دې غونډه کې د افغانستان بانک د اجرااتو د څرنګوالي او له مخکې ټاکل شویو پروګرامونو د پلي کولو ترڅنګ د افغانستان اقتصادي وضعیت، د پولي سیاست د پلي کېدو څرنګوالي، د بانکي سکتور ټینګښت، د مالي نظام  ټیکاو، د اداینو بهیر د دیجیتل کولو، د خلکو لپاره د بانکي اسانتیاوو رامنځته کولو او د یو شمېر اداري موضوعاتو په اړه بحث وشو او د قانون د احکامو په رڼا کې لازمې پرېکړې وشوې.

د افغانستان بانک ویاند حسیب الله نوري ویلي؛ په دې ناسته کې د هېواد د پولي سیاستونو ترڅنګ د بانکي  او مالي  نظام په ټولو برخو بحث شوی او همداراز شته ستونزو ته د حل لازمې لارې پیدا کول هغه برخې دي، چې پري بحث شوی دی.

د اقتصادي چارو کارپوهان هم د افغانستان بانک له عالي شورا غوښتنه کوي، چې هڅه وکړي په هېواد کې د بانکي ستونزو د اوارولو ترڅنګ د اقتصادي پراختیا او په هېواد کې د برښنايي پانکوالۍ لپاره تدابیر پراخ کړي.

د اقتصادي چارو کارپوه سید مسعود وایي: هیله لرم، چې په ډې غونډه کې په لویه کچه هغه پرېکړې وشي او پر نړیوالو مالي بنسټونو سربېره په ملي کچه هم د هېواد اقتصادي پراختیا او مالي ټیکاو لپاره لازمې کړنې تر سره کړي.   

د افغانستان بانک عالي شورا په ربع واره بڼه په کال کې څلور غونډې ترسره کوي او د بانک د سیاستونو، کړنو، اجرااتو او لاسته راوړنو په اړه په کې خبرې اترې او د نظرونو د تبادلې تر څنګ او د افغانستان بانک د کړنو او د هېواد مالي او بانکي نظام د پیاوړتیا لپاره په کې لازمې پرېکړې رامنځته کیږي.

سوداگري

یوه شرکت د جګدلک د یاقوت پر کان‌کېندنه ۲۷ اعشاریه ۵ میلیون ډالر پانګونه کوي

Published

on

(Last Updated On: کب ۴, ۱۴۰۲)

د کانونو او پټرولیم وزارت څرګنده کړې، چې آریانا هایلنډ شرکت به د کابل ولایت د جګدلک پر یاقوت کان ۲۷ اعشاریه ۵ میلیون ډالره پانګونه وکړي.

د دغه وزارت د جمعې دورځې په خبرپاڼه کې راغلي؛ د یاد کان د بلې داوطلبۍ غونډه د آریانا هایلنډ او میرزا سلطاني شرکتونو په ګډون جوړه شوه، چې په پایله کې آریانا هایلنډ شرکت د افغانستان اسلامي امارت ته د ۴۴ سلنې ونډې پر منلو داوطلبي وګټله.

د خبرپاڼې د څرګندونو له مخې، دغه راز د آریانا هایلنډ شرکت په ټولنیزو خدماتو کې هم پېنځه میلیون امریکایي ډالرو لګوي.

د يادونې ده، چې د جګدلک یاقوت کان د کابل ولایت د سل کيلومټرۍ سروبي ولسوالۍ په سویل لویديځ کې موقعيت لري او مساحت يې هم ۹ اعشاریه ۶ کيلومټره مربع دى.

Continue Reading

سوداگري

د افغان – ټرانس پروژې د تخنیکي – اقتصادي څېړنو د پیل هوکړه لیک لاسلیک شو

Published

on

(Last Updated On: کب ۱, ۱۴۰۲)

د افغانستان اوسپنېپټلۍ ادارې د افغان – ټرانس اوسپنې‌پټلۍ پروژې د تخنیکي – اقتصادي څېړنو د پیل هوکړه لیک لاسلیک کړ.

یادې ادارې څرګنده کړې؛ ازبکستان ته د دې ادارې چارسمبالي بخت‌الرحمن شرافت او ورسره مل پلاوي په خپل سفر کې د افغانستان، ازبکستان او عربي متحده اماراتو د چارواکو تر منځ د افغان – ټرانس اوسپنې‌پټلۍ پروژې د تخنيکي او اقتصادي مطالعاتو د پيل اړین هوکړه ليک لاسليک کړ.

دغه هوکړه ليک د افغانستان استازي بخت‌الرحمن شرافت، د ازبکستان استازي او د هغه هېواد د ټرانسپورټ وزير ميرزا مئين اوغلي او د عربي متحده اماراتو استازي او د (ADL Ulanish) شرکت مشر الانش لاسليک کړ.

دغه شرکت د افغان – ټرانس اوسپنېېپټلۍ تخنیکي، ټولنیزې او اقتصادي څېړنې په‌خپل مالي لګښت تر سره کړي، چې وروسته به د دغو څېړنو پایلې د افغانستان، ازبکستان او پاکستان له مالي بنسټونو، هېوادونو او سوداګرو سره د پانګونې د جلبولو لپاره شریکې شي.

په دې مراسمو کې همدا راز پرېکړه وشوه، چې د افغانستان، ازبکستان او عربي متحده اماراتو پلاوى به د چارشنبې پر ورځ (د کب دوه‌يمه) په تاشکند کې له قطري او پاکستاني چارواکو سره د دې پروژې په اړه انلاين غونډه تر سره کړي.

د افغان ـ ټرانس اوسپنې‌پټلۍ پروژه د افغانستان له خاورې تېریږي؛ منځنۍ او جنوبي اسیا نښلوي( دا پروژه له مزارشریف څخه پیلېږي او ۶۴۷ کیلومټره د سمنګان، بغلان، بامیان، میدان وردګ، لوګر او پکتیا ولایت د ډنډ پټان ولسوالۍ له لارې له پاکستان سره نښلیږي).

دا پروژه له ډېرو کلونو راپدیخوا تر بحث لاندې وه؛ د اسلامي امارت له بیا واکمنېدو وروسته یې لومړنۍ سروې د افغانستان، ازبکستان او پاکستان د اوسپنې‌پټلۍ د تخنیکي ډلو له لوري بریالۍ ترسره او د غځېدا لار یې د اسلامي امارت کابینې پر یو کلن عملي پلان تصویب شوه، چې د پلي کېدا لپاره یې د افغانستان اوسپنې‌پټلۍ ادارې او اسلامي امارت ژمنتیا پوره روښانه ده.

د افغانستان اوسپنې‌پټلۍ اداره یو ځل بیا له هېوادونو، مالي بنسټونو او سوداګرو څخه وغوښتل، چې د افغانستان د اوسپنې‌پټلۍ په پروژو کې پانګونه وکړي او دا اداره خپله دنده ګڼي، چې پانګوالو ته د پانګونې لپاره لازمې اسانتیاوې برابرې کړي.

Continue Reading

سوداگري

د کانونو او پټرولیم وزارت چارسمبالي له روسي پانګوال سره وکتل

Published

on

(Last Updated On: سلواغه ۳۰, ۱۴۰۲)

د کانونو او پټرولیم وزارت چارسمبالي شهابالدین دلاور د یکشنبې پر ورځ (د سلواغې نهه‌ویشتمه) له روسي پانګوال سره وکتل.

د کانونو او پټرولیم وزارت د خبرپاڼې له مخې؛ په دې کتنه کې د روسیې پانګوال د خپل شرکت د کاري تجربې او فعالیتونو په اړه د معلوماتو د وړاندې کولو ترڅنګ ویلي: زمونږ شرکت په ایران، عراق، سوریه او تاجکستان کې د ۱۲۰ کلونو کاري تجربو او پرمختللیو او عصري وسایلو پر درلودلو په افغانستان کې همکارۍ او کار پیلولو ته چمتو دی.

د کانونو او پترولیم وزارت ویاند همایون افغان ویلي؛ په افغانستان کې د المان او روسيې دوه سترې کمپنۍ غواړي، چې د تېلو د پروسس او د انرژۍ د تولید په برخه کې پانګونه وکړې.

په دې کتنه کې نوموړي له کثافاتو څخه د ۱۵۰ میګاواټه برښنا د تولید په اړه هم خبرې وکړې او څرګندوي؛ زمونږ شرکت چمتو دی، چې د کثافاتو د ستونزې د حل او له هغو څخه د برښنا په تولید کې همکاري وکړي.

دغه روسي شرکت د تېلو او ګاز په سکتور کې د خپلو اسانتیاوو او تجهیزاتو او له ګاز څخه د برښنا د تولید په اړه هم معلومات وړاندې او په اړوند سکتور کې یې د پانګونې په اړه د ملاتړ غوښتنه.

د دغه وزارت په خبرپاڼه کې راغلي، چې؛ د دغه وزارت چارسمبالي د هېواد د تېلو او ګاز په سکتورونو او له کثافاتو څخه د برښنا د تولید په برخه کې د دوی طرحې او نظریات وستایل او په‌دې اړه وایي؛ افغانستان له امنیت څخه برخمن دی او د بهرنیو سوداګرو د پانګونې لپاره مناسب چاپېریال برابر شوی دی.

ویل کیږي، چې په دې کتنه کې شهاب الدین دلاور سوداګرو ته د پانګونې ډاډ ورکړ او څرګندوي؛ بهرني او کورني پانګوال کولی شي له کومې اندېښنې پرته د افغانستان په بېلابېلو برخو کې پانګونه وکړي.

Continue Reading

Trending

Copyright © 2022 Ariana News. All rights reserved!