Connect with us

لوبی

د افغانستان فوټسال لوبډلې ګواتیمالا ته ۵ – ۴ ماتې ورکړه

د نړیوال جام په سیالیو کې به افغانستان خپله لومړۍ لوبه د وږي پر پېنځه‌ویشتمه / د سپټمبر پر پېنځلسمه د انګولا پر وړاندې ترسره کړي.

خپور شوی

د

د افغانستان فوټسال ملي لوبډلې په کانټینینټال ۵ لوبډلو سیالیو کې ګواتیمالا لوبډلې ته ۵ پر ۴ ماتې ورکړه.

دا لوبه نن (دوشنبه د وږي دولسمه ) د تایلنډ په بنکاک کې ترسره شوې ده.

د افغانستان لپاره دا سیالۍ د ۲۰۲۴ ز. کال فوټسال نړیوال جام ته چمتوالی دی، چې ټاکل شوې دوه اوونۍ وروسته په ازبکستان کې پیل شي.

تایلینډ اوسمهال د افغانستان، تایلینډ، ګواتیمالا، نیوزیلینډ او کویټ لوبډلو د اړوند سیالیو کوربه دی.

دغه سيالۍ د اګست پر نهه‌ویشتمه پيل شوي او د سپټمبر تر شپږمې به روانې وي، چې بیا به په نړيوال جام کې د ګډون لپاره یادې لوبډلې ازبکستان ته ولاړې شي، چې د سپټمبر پر څوارلسمه پيلېږي.

فیفا په دې وروستیو کې د فوټسال د نرینه‌وو نړیوال جام د لوبېدونکیو لوبډلو درجه بندي پر لاندې ډول خپره کړې ده:

۱- برازیل

۲- پرتګال

۳- اسپانیا

۴- ایران

۵- ارجنټاین

۶- مراکش

۸- قزاقستان

۹- تایلینډ

۱۰- فرانسه

۱۱- ازبکستان

۱۲- اوکراین

۱۳ – پاراګوای

۱۶- کرویشیا

۱۹- نیوزیلینډ

۲۱- وینزویلا

۳۰- افغانستان

۳۱- کوسټاریکا

۳۴ – تاجکستان

۳۶ – نډرلینډ

۴۰- ګواتیمالا

۴۴ – پاناما

۴۷ – انګولا

۵۰- لیبیا

۷۸ – کیوبا

څرنګه کولی شو، چې د ازبکستان ۲۰۲۴ فیفا فوټسال نړیوال جام وګورو؟

آریانا ټلویزیون به په ټول افغانستان کې د فوټسال مینه‌والو ته دا زړه‌راکښونکې سیالۍ پر ژوندۍ بڼه خپرې کړي.

د نړیوال جام په سیالیو کې به افغانستان خپله لومړۍ لوبه د وږي پر پېنځه‌ویشتمه / د سپټمبر پر پېنځلسمه د انګولا پر وړاندې ترسره کړي.

لوبی

راشد خان په شل اوریزو لوبو کې د نړۍ تر ټولو مخکښ ویکټ اخیستونکی شو

له دې مخکې دا ریکارډ د ویسټ انډیز له لوبغاړي ډي جي براوو سره و، چې په شل اوریزو لوبو کې یې ۶۳۱ ویکټې اخیستې وې.

Published

on

Rashid Khan

د افغانستان کرکټ ملي لوبډلې نومیالی او وړ توپ‌اچوونکی راشد خان تېره شپه د سویلي افریقا د غوره لیګ په شل اوریزو لوبو کې د خپلو ویکټو شمېر ۶۳۳ ته ورساوه؛ دوه لوبغاړي لرې کړل او یو نوی نړیوال ریکارډ یې جوړ کړ.

له دې مخکې دا ریکارډ د ویسټ انډیز له لوبغاړي ډي جي براوو سره و، چې په شل اوریزو لوبو کې یې ۶۳۱ ویکټې اخیستې وې.

د افغان او نړیوال کرکټ ځوان ستوري په لږ عمر کې دا ممکنه کړې، چې په راتلونکو کلونو کې خپل ریکارډ نور هم پیاوړی کړي.

هغه په ​​فیسبوک پاڼه کې لیکلي: "زه د خدای شکر ادا کوم، چې ما په کرکټ کې یوه بله لاسته راوړنه ثبت کړه." هر څه، چې یوو؛ د خپل وطن پر نوم یوو او هر پرمختګ، چې کوو د خپل وطن لپاره دی. زه خوښ یم، چې په نړیوالو شل اوریزو لوبو کې مې ۶۳۳ ویکټې واخیستې او په نړۍ کې لومړی توپ‌اچوونکی شوم. "ستاسې له دعاګانو او ملاتړ څخه یوه نړۍ مننه."

هغه مخکې د هند غوره لیګ په شل اوریزو سیالیو کې د نړۍ د غوره توپ‌اچوونکي لقب ګټلی دی.

دا په داسې حال کې ده، چې د کرکټ نړیوالې شورا په ۲۰۱۷ کال کې د افغانستان د کرکټ ملي لوبډلې لوبغاړي او نومیالي توپ‌اچوونکي راشد خان ته د غوره دوه‌یمې درجې لقب ورکړی و.

Continue Reading

لوبی

عظمت الله عمرزي د ۲۰۲۴ کال د غوره کرکټ لوبغاړي جایزه ترلاسه کړه

عمرزي د کرکټ نړیوالې شورا څخه دا جایزه ترلاسه کړې ده.

Published

on

د هېواد د کرکټ ملي لوبډلې لوبغاړی عظمت الله عمرزی د ۲۰۲۴ کال د یو ورځنیو سیالیو د غوره لوبغاړي په توګه وپېژندل شو.

عمرزي د کرکټ نړیوالې شورا څخه دا جایزه ترلاسه کړې ده.

د افغانسټان کرکټ بورډ ويلي، چې د هغه غوره هڅې او وړتیاوې د دې علت شوې، چې هېواد ته دا لوی مقام ثبت کړي.

کرکټ بورډ زیاته کړې، چې د عمرزي "ځانګړې او هر اړخیزه " هڅه د ۲۰۲۴ کال په سیالیو کې د هېواد د ملي کرکټ لوبډلې د بریاوو کېلي وه.

کرکټ بورډ هیله څرګنده کړې، چې عمرزی به په راتلونکو سیالیو کې نور هم ښه وځلېږي.

عمرزي د ۲۰۲۴ کال د کرکټ لوبو په پړاو کې ټولټال ۱۴ لوبې وکړې، چې په کې یې ۴۱۷ منډې جوړې او ۱۴ ویکټې یې واخیستې.

Continue Reading

لوبی

د هېواد د فیټنس او بدني ښکلا اتل علیرضا آساهي مړ شو

دغه فډراسیون نن (پنجشنبه د سلواغې څلورمه) په فیسبوک پاڼه کې د افغانستان د دې اتل لوبغاړي مړینه اعلان کړه؛ خو د هغه د مړینې د لامل په اړه یې څه ویلي ندي.

Published

on

د بدني ښکلا او فیټنس ملي فډراسیون د هېواد د بدني ښکلا او فیټنس د ملي لوبډلې د غړي علي رضا آساهي له مړینې خبر ورکړی دی.

دغه فډراسیون نن (پنجشنبه د سلواغې څلورمه) په فیسبوک پاڼه کې د افغانستان د دې اتل لوبغاړي مړینه اعلان کړه؛ خو د هغه د مړینې د لامل په اړه یې څه ویلي ندي.

ویل کیږي، چې علي رضا آساهي دوه ځله د بدني ښکلا نړیواله اتلولي ګټلې ده.

Continue Reading
Advertisement

Trending

Copyright © 2024 Ariana News. All rights reserved!