Connect with us

تازه خبرونه

د افغانستان نوی اساسي قانون باید له ملي خبرو وروسته تصویب شي – د روم د غونډې ګډونوال

خپور شوی

د

(Last Updated On: )

د اته لویدیځو هېوادونو او اروپايي ټولنې استازیو د ایتالیا په پلازمېنه روم کې د یوې ناستې پر مهال ویلي، چې د افغانستان نوی اساسي قانون باید له رڼو، هر اړخیزو او معنالرونکې ملي مشورتي خبرو وروسته تصویب شي.

د امریکا بهرنیو چارو وزارت له‌خوا په خپره شوې ګډه اعلامیه کې ویل شوي، چې د شنبې پر ورځ ( د اکتوبر پر ۱۸ ) د افغانستان لپاره د کانادا، اروپايي ټولنې، فرانسې، جرمني، ایتالیا، جاپان، ناروې، بریتانیا او امریکا د استازیو غونډه ترسره شوه.

دوی یادونه وکړه، چې د افغانستان اسلامي امارت د هېواد د راتلونکي نظم په اړه له خپلو افغانانو سره د ټولګډونه سیاسي پروسې د پیلولو لپاره کوم جدي ګام نه‌دی پورته کړی.

د غونډې ګډونوالو ټینګار وکړ، چې مشروعیت له ټولو لومړی د افغانستان له خلکو څخه تر لاسه کیږي. دوی ویلي، چې د هېواد نوی اساسي قانون باید له رڼو، هر اړخیزو او بامعنی ملي مشورتي خبرو وروسته تصویب شي او له اسلامي امارت او نورو افغانانو یې وغوښتل، چې په دې برخه کې له ملګرو ملتونو او د اسلامي همکاریو له ټولنې مشوره وغواړي.

دوی همدا راز په افغانستان کې د بشري حقونو د وضعیت په اړه خپله ژوره اندېښنه څرګنده کړې او ټینګار یې کړی، چې د اسلامي امارت تګلارې په افغانستان کې له ټولنیز، اقتصادي، سیاسي او فرهنګي ژوندانه څخه د ښځو او نجونو ایستل، د تعلیم او کارموندنې محدودیتونه، د افغانانو له حقونو او نړیوالو مکلفیتونو سرغړونه ده، چې اقتصاد په ژوره توګه کمزوری کوي او په هېواد کې د اوږدمهاله پرمختګ او ثبات پر امکاناتو اغېزه کوي.

د غونډې ګډونوالو له اسلامي امارت څخه وغوښتل، چې ژر تر ژره د پوهنې په برخه کې خپل لګول شوي محدودیتونه لغو کړي او ټینګار یې وکړ، چې ښوونه او روزنه یو بشري حق دی او باکیفیته زده‌کړو ته مساوي لاسرسی د هغو نصابونو پر بنسټ، چې له نړیوالو معیارونو سره سم دي؛ تر پوښښ لاندې ونیسي او پوهنه باید ټولو ته د لاسرسي وړ وي.

دوی د داعش له ګواښونو سره د مقابلې لپاره د اسلامي امارت اقدامات هم تائید کړل؛ خو اندېښنه یې څرګنده کړه، چې ځینې ترهګرې ډلې اوس هم په افغانستان کې خوندي او میشت دي او د دې توان لري، چې له پولې هاخوا ترهګریز بریدونه پلان او ترسره کړي.

د غونډې ګډونوالو د افغانستان د ګاونډ هېوادونو په ګډون له ټولو هېوادونو وغوښتل، چې د کډوالو د ملاتړ په برخه کې پخپلو ژمنو ودرېږي او له دغو هېوادونو یې وغوښتل، چې د بې اسنادو افغانانو د ثبت لپاره د یو بهیر د رامنځته کولو لپاره عملي ګامونه پورته کړي.

تازه خبرونه

ملا برادر د قطر له لومړي وزیر سره وکتل

په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.

Published

on

(Last Updated On: )

د  ریاست الوزراء اقتصادي مرستیالۍ خبر ورکړی، چې نن (پنجشنبه) ملا عبدالغني برادر  قطر ته د خپل سفر په بهیر کې د قطر له لومړي وزیر محمد بن عبدالرحمن آل ثاني سره ولیدل.

په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.

دا غونډه د دوه اړخیزو اړیکو د پیاوړتیا او د دواړو هېوادونو ترمنځ د اقتصادي همکارۍ د پیاوړتیا لپاره روانې هڅې روښانه کوي.

Continue Reading

تازه خبرونه

د پاکستان له زندانونو څخه ۶۳ افغان کډوال خوشې شول

دې وزارت د پنجشنبې پر ورځ (د سلواغې پېنځه‌ویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم  د سلواغې پر څلیریشتمه د پاکستان له بند څخه خوشې او هېواد ته راستانه شول.

Published

on

(Last Updated On: )

د کډوالو او راستنیدونکو چارو وزارت ويلي، چې د پاکستان له زندانونو څخه د افغان کډوالو د خوشې کولو د هڅو په لړ کې ۶۳ افغانان د پاکستان له زندانونو خوشې او هېواد ته راولېږدول شول.

دې وزارت د پنجشنبې پر ورځ (د سلواغې پېنځه‌ویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم  د سلواغې پر څلیریشتمه د پاکستان له بند څخه خوشې او هېواد ته راستانه شول.

د کډوالو او راستنیدونکو چارو وزارت د معلوماتو له مخې؛ دا افغان کډوال د پاکستان پولیسو د قانوني اسنادو د نه لرلو له کبله نیولي وه او شپږ ورځې یې په زندانونو کې ساتلي وه.

د کډوالو او راستنیدونکو چارو وزارت زیاته کړې، چې دا کډوال د بشري مرستو له ترلاسه کولو وروسته خپلو اصلي سیمو ته لېږدول شوي دي.

په پاکستان کې د افغان کډوالو د نیولو او بندي کولو لړۍ له هغې وروسته نوره هم وغخېده، چې حکومت غیرقانوني افغان کډوالو ته د ۲۰۲۳ کال د نومبر تر لومړۍ پورې له پاکستان څخه د وتلو لپاره وروستۍ نېټه وټاکله.

Continue Reading

تازه خبرونه

د ملګرو ملتونو امنیت شورا د کندوز ځانمرګی برید وغانده

امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.

Published

on

(Last Updated On: )

د ملګرو ملتونو امنیت شورا په کندوز ولایت کې کابل بانک ته څېرمه د سې‌‌شنبې د ورځې ځانمرګی برید په سختو ټکو کې غندلی دی.

امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.

د امنیت شورا غړو ټینګار کړی، چې د دې ډول بریدونو عاملین، تنظیم کوونکي، تمویل کوونکي او ملاتړ کوونکي مسوول دي او پر محاکمه کولو یې ټینګار کړی دی.

دوی له ټولو هېوادونو غوښتي، چې په دې برخه کې له ټولو اړوند چارواکو سره په فعاله توګه د نړیوال قانون او د امنیت شورا له اړوند پرېکړو سره سم همکاري وکړي.

د یادونې ده، چې داعش په کندوز کې د هغه ځانمرګي برید مسوویت پر غاړه اخیستی، چې د سیمه‌ییزو چارواکو د څرګندونو له مخې؛ په دې برید کې پېنځه کسان وژل شوي او اووه نور ټپیان دي.

Continue Reading
Advertisement

Trending

Copyright © 2024 Ariana News. All rights reserved!